一直都認為大人係可以從小朋友身上學到好多野
同MM相處左差唔多3個月
我學識左耐性同唔好HEA
對人要有0既耐性,講真我不嬲都冇乜
特別係愈親0既人我就愈冇,哈~~~
但係小朋友就係要你去明白,佢地真係乜都唔識
如果你冇耐性對佢地,只會令自己愈忟憎
例如,之前MM食奶0個時,(當時仲係食少過2oz奶)
好鍾意食到一半就擘大個口唔再啜
佢地根本就唔會知道自己係唔可以食咁少
所以最好就培養耐性繼續餵
至於hea呢樣野,我就真係好鍾意
仲要加埋發呆,簡直係我強項
但係MM出世之後,我就成日提醒自己手腳要快D
唔好拖懶個人,又唔好成日呆左唔知自己做緊乜
而家MM仲係咁細,我諗我要學0既野仲有好多
為左2個仔,做咩都係值得
不求回報0既付出係最舒服,最開心0既~~~哈~~~
