2012年5月30日 星期三

番生BLOG

近排睇返自己個BLOG、人地0既BLOG

好有衝勁起番自己個BLOG!!!!!!!!

最大原因係......睇自己個BLOG0個時.........個感覺居然係--->
"原來野人佢地發生過D咁0既事?!"

真大獲!!!!!只係年半前0既事!!!!!!!!可以忘得乾乾淨淨!!!!!!!

所以野人0既事真係要寫低寫低(第時老來,拎番出黎笑番餐都好,wakakakaka)

就係憑著呢股勁(我做野一定要即刻,因灘涼左我就唔做架喇)

我整左個自己好滿意0既blog,因有個好開始,件事會比較大機會成功~~~~~~~

整左個現時滿意度達100%0既banner



真係覺得自己好勁!!!!!100%原創!!!!!對於冇創作細胞+無學過任何photo editing0既我黎講, 簡直係超額完成!!!!!!!!!!

+埋我家野人最鍾意0既bubbles做背景,成件事我覺得自己已經成功左一大半!!!!!


WELCOME TO BLOG WORLD

WELCOME MYSELF TO BE A BLOGGER (AGAIN)

2012年5月28日 星期一

MM I'M TWO 2012生日會



我幫野人設計今年0既主題海報(本人極之滿意是次自家創作,wakakaka)


今年生日會0係CLUB HOUSE舉行

好處係我鍾意個生日會有D咩就會有乜,彈性大D

但壞處係所有野都要自己PREPARE、CLEAN UP........

所以今年比起上年,今年攰好多呢~~~~~~

好鍾意見到我D朋友一齊黎玩0既感覺,好開心!!!!!好熱鬧!!!!!!!



開心0既地方就應該有BALLOON,所以MM0既PARTY,必有氫氣球!!!!!!

好鍾意個"2"字呢~~~~




我同亞仔0既親子裝,大愛!!!!!!



預備俾小朋友0既小禮物



堅持要0係呢個PARTY出現0既BOUNCER

就算我家野人唔敢玩,我覺得其他小朋友都會跳得好高興!!!!!




哥哥好似絕大部分時間都0係呢個BB BALLBALL池入面囉!!!!!!



影得好好0既合照,好滿意~~~



今年個蛋糕確實出左D問題

但係事情都發生左,都追究唔到啦,唯有真係"經一事、長一智"

最頂層0既蛋糕


蛋糕0既全相 (弟弟已經著左迷:P)



訓練左成個月,哥哥終於知咩係生日蛋糕,咩係BLOW OUT THE CANDLE!!!!哈哈~~~



其實唱生日歌之後,我真係有想喊0既衝動!!!!!!(不嬲都眼淺啦.......)

因為我真係覺得好感動,見到野人咁快已經2歲大

識得開心、唔開心、俾到反應

可能只有做左人媽媽先會有呢下感動,哈哈~~~~

哥哥負責切餅


全家幅


真係好多謝咁多位山長水又遠黎到出席mm0既生日會

仲要0個朝早係勁大雨,大雨到好擔心要取消

好彩生日會期間已經停唒雨^^

仲有就係要多謝咁多位送俾野人0既生日禮物

我就好鍾意喇,因為今年經我"指導"下,大家都冇買車~~~~哈哈~~~





下年如果再搞生日會,將會更加開心呀!!!!!!

因為今年將會有3個龍BB出世呀!!!!!

好開心呢,MM朋友群愈黎愈壯大喇~~~~~~

2012年5月19日 星期六

草地!衝!衝!衝!

我好鍾意帶野人去下D大公園、大自然玩下、跑下、衝下

因為我覺得佢地新陳代謝快,好多能量做左出黎唔好浪費

如果可以用盡D能量,身體收到呢個SIGNAL,就會產生再多D能量出黎

應該對身體係一個好好0既循環!!!!!!哈哈~~~~

今日帶佢地去左我都未去過0既"佐敦谷遊樂場"

中途發生左段小插曲

原來有"佐敦谷遊樂場"同"佐敦谷公園"架!!!!!!!!!!!

我地開頭去左"佐敦谷公園",泊好唒車先覺得好似唔多0岩

同我想像0個度好似好唔同

再上網CHECK,先知我地係要去"佐敦谷遊樂場"囉!!!!哈哈

野人已經開始識玩遊樂場0既設施

排隊SIR滑梯


 

我想黎呢度都係因為呢個大草原!!!!!!!

一睇個樣就知可以用黎釋放唒野人0既能量!!!!!!wakakakaka


今日真係勁好彩!!!!!我地一玩完上番車

就落勁大雨!!!!真係行遲一步都唔掂........呵呵~~~~

2012年5月14日 星期一

第二個媽媽節

第二個媽媽節,返完PLAYGROUP,約左mm婆婆同姨媽、姨丈一齊入迪士尼酒店食個tea buffet慶祝

其實我覺得有左小朋友之後,乜野父母親節都係兒童節啦

因為都係為個小朋友諗個地方慶祝:P



野人成日0係電視都見到米奇一家,而且之前都係樂園見過面

不過可能今次真係太近,嚇到佢地勁驚、勁喊~~~哈哈~~~


好彩見到主角MICKEY都冇咁驚,可以影番張相!!!!!


哥哥好鍾意食個米奇WAFFLE,食到笑咪咪,而且仲好"襟"食,食左好耐!!!!



不過可能今次呢舊WAFFLE又係佢0既安全感來源,又要揸住勁耐!!!!!
 


小朋友永遠0既好朋友 ------> BUBBLES

真係次次玩都好開心!!!!!!!!!(所以我個BLOG都用左bubbles做背景,hehe)







玩玩下有個西人妹妹,細佬又扮唒含蓄咁痴住我!!!!!!!

哈哈~~~~我發現佢只係對外籍小朋友有興趣架咋!!!!


食完buffet,循例都入園玩下

細佬呢個樣好嬌肖!!!!!!!!



今日好多人呀!!!!!

不過都唔係太辛苦,可能都係多香港父母入黎慶祝媽媽節,冇乜大陸遊客!so good!!!!

所以我地都睇埋煙花先走~~~~~SO TIRED!!!!!!!!!!!!!!!!

2012年5月6日 星期日

沙灘嬉水樂

呢排成日一至五好天,星期六、日就落雨

搞到我冇得同野人去沙灘玩!!!!!

今日我一見有少少陽光,就拎齊裝備同佢地殺入清水灣

野人未去過沙灘呀!!!!!我都驚佢地唔鍾意踩沙0既感覺

特別係哥哥,佢就至唔鍾意企0係d唔實在0既野度喇!!!!!!!!

不過出奇地!!!!細佬係零warm-up,哥哥都係驚左幾分鐘之後

就開始佢地挖沙之旅喇~~~~~




細佬好快就想出去衝浪喇!!!!!果然野人之名唔係浪得虛名~~~


哥哥真係好搞笑,成日都要搵D野揸手,今日佢就搵左舊好0岩佢手型0既石頭

我諗佢KEEP住揸左半個鐘都有!!!!WAKAKAKAKA!!!!!!




2兄弟合力挖個大水池,細佬挖挖下又去左衝浪,留番哥哥同我好用心咁挖!!!!!!



終於完成!!!!加埋海水,就有一個私家小水池!!!!!!

哥哥真係太鍾意呢個小水池喇

坐左落去就好似冇乜再旭過喇....(定係佢真係太懶,又好似細個0個時咁唔鍾意旭呢?!)

最後哥哥隻手係浸到皺唒皮!!!!!!!!!!!!!!!!!!!!


2012年5月5日 星期六

媽媽聚會

同呢3個媽媽,早在大家仲0係大肚0個時,透過BK認識

但係可能大家小朋友出左世都各有各忙

到而家小朋友都識行、識走、識食飯,先約到第一次gathering~~~~

好開心,咁多小朋友聚首一堂,仲要大家只係差1、2個月大~~~

亞Jay媽媽屋企,確實係一個好地方,鬧市得黎,又可以享受到寧靜

仲要屋企有戶外地方!!!!!!!!!0係度食晚飯,真係好寫意~~~~~

 

咁0岩好近Jasper同野人0既生日,就預備左個蛋糕同佢地慶生!
 

很好0既一張家庭照,細佬笑得好開心!!!!!!!