Crazy Sons have a Crazy Mom

學校0既intranet，每個星期都會upload小朋友返學0既相

我由一開始只係download有野人大頭0既相

進化到佢地0係後面做路人甲，但有樣睇到0既我都download

 

其實呢張相係好sweet架，呢2個同學仔係龍鳳胎，幫緊對方抹咀^^

哥哥,你好信得過呢個宣教師喎，搭唒人地大脾~~~哈哈~~~~

叻叻同學仔個樣唔使blur，因為我已經拎左佢媽媽0既approval~~~~呵呵~~~~

再進化到有側面or背面都要!!!!!!!哈哈~~~~

最後連........哈哈~~~呢D幾乎睇唔到野人0既.....我都唔放過!!!!!!!

我覺得download呢D仲開心過見到佢地0既大頭相

因為搵0既過程好有趣，搵到又好興奮!!!!!!哈哈~~~~真係好好玩~~~~~

好似呢張相，我都睇左好幾次先見到gorgor原來係後面!!!!!哈哈~~~~我都覺得自己好crazzzzzy!!!!!!

呢2張得隻腳，我都認到 (因為冇人好似我2個仔咁，著呢d咁fancy0既襪~~~哈哈~~~)

真係覺得自己認亞仔0既能力已去到化境~~~~~wakakakaka~~~~~~

DRAWING @ HOME

野人又病，所有活動又要留0係屋企進行

是日DRAWING CLASS @ HOME，因為我想試下野人拎起支筆亂畫0既能力

(係拎起支筆咋，唔係正確揸筆呀!哈哈~~~~)

話唒之前去左VISIT D ART WORKSHOP嘛，都要睇下佢地有能力學畫畫未

(因為我一話俾野人學，小虎已經即刻反對喇!!!!!)

唔知野人返左學，所以定左D，OR因為又大個左D，所以冇咁CRAZY呢?!

以前我同佢地著APRON，佢地會發癲

特別係GORGOR會大叫:我唔著!!!!!!!!!!!!!!!!!!!!!!!!!!!!!!!!!!!!!!!

今次2個係極度"順灘"!!!!!!!!

我：要著呢個先可以畫畫畫呀

野人︰學校著

我︰係呀

雖然我都唔知佢地講乜，估佢地應該想講"學校著0個D"

不過我0係0個刻都唔知佢地0係學校有冇著過0既情況下都答左"係"

因為.........總之佢地肯著就得~~~~哈哈~~~~~

等我之前仲好緊張0係度諗，如果佢地唔肯著，我要有D咩PLAN B tim~~~~wakakaka~~~~

事後睇番學校D相，原來佢地真係0係學校著過!!!仲要學校0個件係JUST-FIT架!真係想問下係邊度買~~~~~~

著好唒衫，LET'S START~~~~~~

哥哥，咩事你只係畫左一陣，D頭髮就亂成咁呀?!

DIDI，睇你呢堆"亂"線，你都應該幾心煩意亂喎~~~~~

係咪因為冇得返學唔開心呀?!唔緊要啦....就快病好可以返^^

好似好定咁，其實維持呢個狀態都唔知有冇2分鐘-____-

聲稱畫個"巴斯光年"俾佢，就好興奮~~~~哈哈~~~~

可能大家覺得有D奇怪....點解只係用顏色筆畫下畫，仲要D墨係WATER SOLUBLE

我都要幫野人著唒APRON咁保護呢????!!!!!

大家睇下後面D相就知架喇.....

佢地D手指係FULL OF PAINT囉!!!!!!

如果唔著，我驚佢地成隻手臂都係墨-___-

亂畫完一輪，突然POP UP左一個IDEA - 野人"作"故事‧我畫圖 (我同亞仔玩0個D野通常都係突然間諗到出黎, 零PLANNING架~~~HAHA)

個故事背景就係"AWAY FROM THE CITY, TO COUNTRYSIDE" (扮唒配合DISNEY教材~~~~HOHOHO)

開始：

"We now take the school bus away from the city, and going to the countryside"

(因為上一頁畫左架SCHOOL BUS嘛，連埋個故事度，唔好SIDE，哈哈!!!!!)

就係呢架SCHOOL BUS喇~~~~~唔好COMMENT我0既畫工呀!!!!!!



GORGOR不斷話自己平時0係架校巴坐最後

但係佢其實冇坐過最後呢~~~~~

我諗佢都係"想"坐最後，所以順勢表達下自己0既意願0即~~~

都0岩佢性格0既，最鍾意"捐黎捐去" WAKAKAKA


一邊畫，一邊就問下佢地0係路上會見到D咩

BIRD, APPLE TREE, RIVER, YELLOW CAR, ZEBRA, FISH, DUCK, MICKEY...............................

野人欣賞緊個完成圖 (都係0個句，唔好COMMENT我0既畫工!!!!!!哈哈~~~~~)

如果你已經係父母，你就會知道自己0既子女永遠都係自己0既小FANS

你話畫左D乜，就算係極唔似，佢地都會話"係...係...係...."

當然只限於咁細個、仲未識咀JEL JEL0既小朋友~~~~哈哈哈哈~~~~~~


我覺得呢個親子活動真係幾好，成個過程好互動，唔係只有大人講、冇小朋友講

而且，可以訓練下小朋友0既思考能力、表達能力 、創意.......

仲可以了解下佢地平時吸收左D乜

例如: VOCAB, NUMBERS, COLOR

唔使只係拎住D字CARD問問問小朋友識左D咩

最好0既係呢個GAME，冇咁易悶，因為下次只需要換下個主題又係一個新GAME喇~~~~

~~~ 同場加映 ~~~

呢位哥哥畫畫完之後，拎左本TOYSRUS雜誌仔，坐左0係個POTTY度

話自己痾"冬菇"喎~~~(佢將屎叫成"冬菇")

但係佢仲著住褲囉~~~~~WAKAKAKAKA~~~~~你個人可唔可以唔好咁諧星呀???!!!

鵝仔魅力

我敢肯定︰鵝仔品牌而家0係我朋友堆中0既禮品榜，係排頭3甲!!!!!!!

睇下呢箱野就知~~~~哈哈~~~~

呢D都係上星期FAMILY SALE0既戰利品

不過我要0係度作出一個證清

FAMILY SALE0既所有PRODUCT，衰D講句全部都係"賣剩蔗"

所有現時0係SHOP有得買0既野，都唔會有得係FAMILY SALE出現

有D甚至係幾年前0既倉底貨，所以D野真係真係超平!!!!!!

亦都因為D野實在太抵喇，我唔會同所有朋友講有FAMILY SALE呢件事

就好似呢盒LIP GLOSS係以低於市價一折發售

如果我問唒D朋友買唔買，我諗我買一百盒都唔掂!!!!!!!!!!!!!

而且FAMILY SALE係有時限0既，所以我係要以一個極快0既速度買到最多0既野

亦即係話我幫得佢買0既朋友，都係信得過我眼光0既人 (如果唔係點係咁短時間買到成箱野呀!!!!!!!)

所以冇被通知0既朋友真係唯有講聲抱歉喇:P

至於STAFF PURCHASE，係ANYTIME都可以進行，只要落SHOP買就得

不過落SHOP都要時間嘛，所以我通常都係儲埋一次過OR有同事落開去SHOP就一次過買唒

雖然我知道有同事，可能費事有D朋友得寸進呎狂買

都會以一個貴DD0既價錢賣番俾朋友

雖然我聽同事咁講0個時，我都少少認同0既

因為有時狂買真係好煩，仲要最無奈係有D朋友係幫朋友買......真係唔多0岩規矩囉-____-

不過我呢D人應該都係遺傳左我亞爸0既"擔屎都唔偷食"性格

唔會收貴我D朋友錢架喇，真係做唔出

同埋如果幫D熟朋友買，約出黎拎野0個時吹幾句水 OR 食個飯

呢D聚一聚，我都覺得係無價0既~~~~P.S.我D朋友知我咁講，會唔會好SWEET呀?!哈哈~~~~

所以自認同我唔太熟0既朋友，唔好叫我幫你買野喇

你自己冇覺得唔好意思，我都會覺得你好怪啦~~~~~呵呵呵呵~~~~~~

WEEK 3 - 病病君打敗一個野人

唉..........返學0既小朋友真係好易病.........

細野人WEEK 3第3日俾病病君K.O.左!!!!!!!!!!!!!!!!!!!!!!

發又高又低0既燒、狂咳、冇胃口食飯、冇心情玩..........

小朋友病真係好惡搞呢~~~~~

唔肯食藥，一病就病成個星期!!!!!!!!!!!!!!!!!!!

野人今次病呢件事，我又要發牢騷喇!!!!!!!!!!!!!!!!!!!!!!!

話說星期一跟蹤野人架校車

見到有D帶左口罩0既小朋友上車

0個刻已經覺得，如果小朋友病就唔好返學啦

小朋友帶口罩係冇用架!!!!佢地唔會全程咁乖帶住囉!!!!!!!!!!!!!!!!!!!

真係唔該D父母唔好做咁唔負責任0既人，帶病左0既小朋友返學!!!!!!!!!

更要發牢騷0既係..........我0係FB呼籲D家長唔好帶病童返學

有人COMMENT因為人手問題，都好無奈要帶返學

呢個原因係可以理解，但唔可以接受囉!!!!!!!!!!!!!

湊B0既人手問題，由你決定要生小孩0個刻就要諗好啦!!!!!

而且你難保有D突發事件，例如紅雨、3號風球，亞B都唔可以返學架喎....

咁到時點呀?????邊到搵人湊呀??????

仲有喎，你自己有呢個問題，咁人地都可能有呢個問題啦

咁到時人地俾你惹病左，都係無奈冇人手湊呀喎~~~~~

SORRY，我可能對呢件事表態激動左D

但係真係好希望可以告別呢D不‧負‧責‧任‧0既‧行‧為!!

發完牢騷，講番細野人個病

由於都知呢排好多人病，D菌仲要好勁!!!

所以我都唔敢帶DIDI去CLINIC，只係同佢配番上次醫院D藥食睇下會唔會OK

但係燒左幾日，仲要D咳好似愈黎愈嚴重

所以都係迫於無奈要帶佢去醫院走一趟

唔知係咪DIDI幾日冇得返學 (佢見哥哥返學，係話:我要返學) + 幾日冇去街

一同佢出去，佢係超開心!!!!!雖然只係出去睇醫生..........

間醫院超多人，真係有好多人病囉!!!!!

有排等，同DIDI食D野，其實是日佢好合作，全日好乖!!!!GOOD，又大個仔左^^

睇完、拎藥，其實同屋企食0個D藥係一樣架囉!!!!!!!!!!!!!除左多左支ANTI-BIOTICS-____-

不過我去醫院之前，都諗定要食呢個架喇，因為病左咁多日都唔好.........

至於WEEK 3 SCHOOL LIFE，由於DIDI 病左，學校D相都冇乜DIDI，只有2張~~~~

而哥哥........老師0既COMMENT係........"細佬唔0係度，哥哥返學反而好左好多" @@

呢位哥哥，你真古怪 -______-

 

你好似玩得好"悠然自得"咁喎~~~~哈哈~~~~

你好驚呢個"石春路"呀?????!!!!!!!個樣咁緊張0既~~~

搵架冇咁高身0既玩啦，又唔係唔知自己咁細粒~~~~

使唔使玩到咁頹呀?????DIDI想玩都冇得玩呀!!!!!!!!

希望野人快D可以一齊返學啦~~~~~

FTM???Working Mom???

大家還記得我大肚0個時係冇做野、成日0係屋企上網0既宅女嘛????

當我一生左野人，就急不及待想回歸返工0既行列喇

所以做一個FTM0既概念從來冇出現過~~~~~

正到近來帶野人返學，見到佢地0係學校玩0既情境

令我突然浮起"做一個FTM都幾好喎"0既諗法~.~

雖然唔可以同佢地一齊返學，但係起碼可以每日帶佢地返學

上堂之前同佢地0係學校玩下、影下相，都好似幾唔錯喎~~~~~

多謝以下相片提供0既KENNIS MAMA，即係之前我話好叻叻0個個同學仔MAMA~~~~~

 

 

仲要影埋野人上校車0既情況，THANKS SO MUCH!!!!!!!!!!!!

野人放學一見到婆婆爆喊0既MOMENT

再加上喊完有野食氹番0既MOMENT

呢D都係FTM先享有0既時光呀!!!!!!!!!!!!!!!!

不過做FTM呢個諗法，維持左一個星期就消失左喇

我諗我都係鍾意返工多D~~~~~WAKAKAKAKA~~~~~

SCHOOL BUS

WEEK 3 TO NURSERY - 野人開始搭校車

其實比起自己返學，野人搭校車呢件事，我係更登佢地緊張呀!!!!!

1) 架校車佢地見都未見過

2) D校車姨姨又係見都未見過

3) 返學都叫做有個適應期，第一個星期有父母陪，熟習下個校舍AND老師啦~~~~

但校巴一黎就實戰喇!!!!!!!

如果我係野人，我都驚啦

都唔知架車會車自己去邊!!!!!!!!!!!!!!!!!!!!!!!!!!!!!!

我同小虎是日做左D傻傻地，但好FUNNY0既行為 ------> 跟蹤校巴!!!!!!

原來跟蹤係好刺激呢~~~~好驚跟甩架校巴~~~~哈哈~~~~

除左趁機睇下野人0係車上0既情況 (全程訓左-__-)

其實都想睇下架校巴0既路線

想知點解返學返1330，野人要1210上車，足足係早左個幾鐘

(我記得第一次見到1210呢個時間，我去問老師係咪寫錯左，因為真係UNBELIEVABLE!!!!!!!!!!!!!!!!!!!!!!)

原來都真係要兜好多個站.......好彩野人訓左

可以抖足精神先返學，如果唔係又發癲!!!!!!!

兜左成7、8個字，終於離開TKO、入隧道

返到學校AROUND 1 點，野人落車0個時爆喊，DIDI仲要仆親

P.S.其實我0係棵樹後面"裝"野人，幾驚有人以為我想拐帶小孩!!!!!!!!!!!!!!!!!!!!!

野人入左學校，我都順勢蛇左入學校，睇下佢地喊完未

點知我交完張FORM去校務處，"裝"入課室

野人已經冇喊，玩緊........

都好0既~~~~証明佢地只係怕架校車~~~~~~

放學，老師拖住上番校車，又想喊.........

勁驚險，架校車停左0係我地架車隔離

幾驚俾野人見到我地0係車入面.......WAKAKAKA

由於返學係第一站上車，放學都係第一站落車

所以好快就返到屋企~~~~~

中途要超越架校車，因為我要早過佢到，接番野人~~~~~~

落車，DIDI又爆喊

GORGOR就好冷靜，仲問我拎腸仔食

(因為我同佢講過，如果放學冇喊，獎佢食野，佢話想食腸仔~~~~佢竟然記得~~~哈哈~~~~~)

不過腸仔是日缺貨，食左雪糕頂替~~~~哈哈哈哈~~~~

既然咁驚恐搭完架校車，一定要俾佢地玩下、開心下、RELAX下0既~~~~

呢位哥哥又MONKEY上身喇-_____-

又要讚嘆佢地0既無限精力

朝早6點起身，玩到夜晚6點，面不改容

中途只係訓左大約半個鐘.........CRAZY CRAZY!!!!!完全唔夠佢地玩囉!!!!!!!

ART WORKSHOP

野人2歲之後，我都開始留意下D興趣班

始終我都係一個玩樂型媽咪

太學術性嘅，甚麼甚麼英文班、普通話班、要考幾多幾多級試嗰D，我就冇乜興趣留意住喇......

反而見野人前排成日係屋企講"畫、畫、畫"，我就集中睇D"親子畫班"

其中一間Art Workshop，我一直都有留意下佢地0既COURSES、作品

我覺得呢D俾小朋友學野0既地方、除左口碑、質素之外

風格都好重要!!!!!!如果風格配合0既，帶個小朋友去都開心D

如果唔配合0既，總會搵到一萬個理由唔揀佢........

但係呢間野0係荃灣.......如果要小虎哥個個星期車佢地去荃灣玩1個鐘

都應該冇乜可能，因為小虎覺得小朋友只需要依時食好飯、訓好覺就得

想玩??可以！去公園啦，仲要只限將軍澳

所以如果我想報名，應該要諗定以下問題!!!

點解要去到咁遠呀????將軍澳冇咩????呢間野好好呀???亞B咁細個要學架喇????

諗起都煩.........所要我一直都只有留意，未有行動

不過........呢間野近排0係中環開左分校

我諗小虎對中環抗拒冇咁大........

既然有機報名，我就親身去左中環行一轉喇

是日冇帶野人，即刻打扮年輕番D~~~~哈哈~~~~~

0係WORKSHOP傾完一輪，都有D得著

最大得著唔係"親子畫班"，反而係生日會資料囉!!!!!!!

我其實已經0係野人2歲生日會之後一個月，開始諗緊野人3歲個生日會點搞!!!哈哈哈哈~~~~

我都話我係"玩樂型媽咪"架啦~~~~~~~

做完正經事，去開中環，就順道去食下IFC間"添好運"

呢間野由我大肚，即係差唔多成3年前已經想食，但唔知點解一路都冇緣食到.......

今時今日終於食到，都冇乜特別0即，唔知係咪總店先會好食D -____-

 

其中有一樣野幾值得食 - 就係我食緊呢個包喇



唔記得咩名，不過0個度都唔係有好多款野食

所以就算唔記得個名都唔緊要，下次去食都一定唔會搞錯第2款包~~~哈哈~~~~