Summer is Arrived!!!

夏。天。到。了!!!!!YEAH!!!!!!!!

其實都夏天左一段時間，不過由於GORGOR做完小手術

 

所以一直都冇去戶外玩……..

 

休息左幾個星期，終於可以放監!!!!!!!!!!!

 

不過…….週末0既天氣經常都唔太穩定……激C我!!!!!!

 

無奈地只可以帶野人去室內泳池玩玩水…….

 

雖然個室內池無乜野玩，但係野人都已經玩到好HAPPY，成日都要求再去!!!!

其實小朋友只要有得玩AND只要有父母陪玩，已經好滿足:)

 

身為大人真係要好好學習小朋友呢種好易滿足、開心0既性格~~~~

 

雖然天氣唔穩定，但都終於皇天不負我呢個一直等太陽0既有心人，哈哈

 

太陽伯伯竟然係打風後出來了!!!!!!!!!!!!!!!!!

 

立即帶兩隻野人去玩水!!!!!!開心C佢地!!!!!!!!!!!!

有太陽0既週末，心情都好好多

 

好到要同野人0係屋企搞個AFTERNOON TEA SET FOR TWO~~~~嘻嘻

 

其實我都係比較鍾意呢種悠悠閒閒0既星期六、日

 

尤其係可以俾我搞埋呢D無無聊聊屋企HIGH TEA，就最HAPPY:)

重拾。嗜好

認識我家姐姐0既朋友都應該知…..

 

我家玉豆姐除左出名影相差之外，另一樣”技能”就係煮野難食!!!

 

適逢2012年屋企多左麵包機 + 1蚊都唔使俾之信用卡送光波爐

決定重出江湖，返入煮房，整下野食!!!!!!!!

 

務求令我家野人有D好日子過:)

其實冇認認真真整野食，好似都有3年幾喇…….

 

咁耐冇整，急不及待搵番唒D老朋友出黎見下面:D

先黎整個野人好鍾意食0既芝士麻糬波波

簡單易整，賣相異常吸引!!!!!!WAKAKAKA

屋企好多小朋友食物用具，應該都係以前買下買下儲埋咁多:P

 

例如呢D得意蛋糕仔模…..

為左散咁D貨而整0既蛋糕仔……

野人超超超鍾意食，如果唔控制住佢地，每人可以一次食10個!!!!CRAZY!!!!

 

其實我最想整0既係”鹹食”…….

 

咁0岩過去0既Weekend有D時間，野人又乖乖去訓個長午覺…..

我就可以達成夢想 ---> 光波叉燒、雞翼~~~~~YEAH!!!!!

叉燒…..真係好好好好好好食!!!!!DIDI幾乎要一個人食唒一斤叉燒!!!!!

雞翼，OK!!!!但係可能我唔夠時間醃，所以唔夠入味，下次都係唔好貪快:P

今年野人生日會個cupcake tower，有朋友問我D Cupcake係咪我整?!

大家真係太睇得起我喇~~~~哈哈哈哈~~~~~

 

不過…..如果我堅持重拾煮食呢個老嗜好

 

整到0個D CUPCAKE0既日子…….都……..應該……指日可待…….嘻嘻…….

Add Friend vs Unfriend

我的網絡世界開始於ICQ年代，當時已經好流行網上識朋友

 

當時我有幾個男/女朋友0既另一半都係用ICQ識!!!!

 

當中有用”真材實料”去識朋友，但好多都係”貨不對辦”~~~哈哈~~~

 

所以ICQ呀、MSN呀、TWITTER呀、FACEBOOK呀

 

在我立場，其實都用不著太認真

 

過去一年，有2個朋友先後0係FB Unfriend我

 

Facebook，一個掣可以Add friend，同時一個掣都可以Unfriend!!

所以只在這個世界出現的”FRIEND”，其實冇乜價值及重量

 

而另外FB friend list裡面之”真正”朋友，就絕對唔係只靠FB維繫

 

Unfriend我的2個朋友都係相識15年以上

 

2個朋友Unfriend我都係由第3者通知我……

 

人家Unfriend我，點解我完全唔知?! 因為……

1) 2個unfriend前都冇發生過任何特別事，例如”爭執、打鬥..”哈哈

2) 有人unfriend自己，FB唔會有通知 :P

 

Unfreind呢件事對我最有感而發or矛盾係……

 

其實要去unfriend一個人，整件事需要”專登”去做

 

意即你要去搵朋友之homepage按下一個”unfriend”掣!!!!!!

 

如果此朋友毫無價值，其實用不著”專登”搵佢出黎”unfriend”-->擺埋一邊就OK啦!

 

但如果此乃真正朋友，咁係咪用一個掣就可以斷絕到大家0既友誼?!?!?!

 

2個unfriend朋友之中，有一個係我真正0既好朋友……..

 

雖然要形容我同佢0既關係呢件事有點嘔心，但係我都好想講出黎…….

 

我同佢0既好朋友程度，係佢可以0係我生仔後，行路痛到好似一隻ZOMBIE 0個時

 

幫我由”屎塔”拎一個裝左我D尿0既BUCKET去俾護士睇

 

其實我諗人生之中，有超過一個或以上0既朋友肯為自己做呢件事已經好幸福、好難得….

 

雖然unfriend事件已經發生左一年，我仍然視佢為人生一個好重要0既人!!

 

而另外一個unfriend人，其實unfriend我0既動機係因為我另一個朋友

 

成件事聽落係咪好”小學雞”???無錯，其實就真係咁”小學雞”!!!!!!

 

可能我0既FB就係咁惹人UNFRIEND~~~~哈哈~~~~

生日會文化

對於小朋友生日會文化，本人極度推崇!!!!!

 

因為……..

1)   生日主角開心之餘，參與生日會0既大小朋友都好開心

2)   透過生日會文化，培養小朋友”登人高興”0既心靈質素

 

手術後0既GORGOR在家休養數天後，首個外出活動 ----> 彤彤生日會

主角彤彤公主上身^_-

2隻野又黑洞胃上身……係咁食!!!!!!!!

DIDI傻左…….食左堅多野，我估佢而家其實同一個大人食量冇分別!!!!!

慶幸兩隻野掛住食之餘，都有出去玩遊戲、拎禮物

如果唔係又會失禮C人，人家請你地黎生日會，唔係請你地黎齋食McD囉!!哈哈~~~

生日會重頭戲 -----> 切蛋糕!!!

彤彤媽咪非常貼心，生日會後一人一氣球:)

DIDI拎到隻狗之後，即刻狗主上身，不斷同隻狗講野

仲要向我告狀，笑

C我!!!!!!

小。手。術

為免大家見到個TOPIC會嚇親

 

即刻聲明GORGOR今次做0既只係”小腸氣”手術……..

 

小腸氣手術係乜東東???簡單黎講…….

 

就係我地人體內有塊膜，用黎隔住條腸唔好跌左落下半身

 

如果塊膜有個”LONE”，條腸跌左落去，就會形成”小腸氣”喇

 

條腸跌左去下面，如果CLICK住0係個”LONE”…….

 

最最最最嚴重0既後果，就係條腸會壞死~.~

 

GORGOR早在大約歲半0個時，發現出現少少”小腸氣”問題

 

但當時年紀仲細，醫生話個”LONE”有可能自己癒合，唔使咁急做手術聯埋個”LONE”

 

不過時至今日，個”LONE”依然存在

 

我同虎爸就決定等GORGOR過左3歲生日，同佢搞掂個”LONE”!!!!

 

醫生PREFER晨早做手術，所以約左朝早8點開始

 

我覺得咁早都好0既……手術前唔準食野嘛……唔使餓住個肚咁耐

 

手術前，去左醫院過一晚…….

 

我家GORGOR天生”藝術家脾氣”，即脾氣古怪

 

去到醫院仲好地地0既佢，一入病房見到張床，非常唔鍾意

 

堅拒訓上去!!!!!!!!!!!!

 

堅決程度--->我抱住佢訓著左，放佢落床，佢即刻彈番起身話”我唔訓!!!!!”

激C我!!!!!!!唉…..無計…….讓我張床俾佢訓-__-

 

咁即係我冇得訓啦!!!!!不嬲訓覺大過天0既我，突然感到做MAMA0既偉大:P

無訓0既我VS訓飽兼且手術前，生龍活虎0既GORGOR……..

 

好想虎爸快D到醫院……..

而且當時我0既心情其實….好。沉。重。

 

雖然明知係一個小手術，但係一諗到GORGOR咁細個人仔

 

要自己一個入手術室，真係登佢好陰公:(

 

不過……原來咁細個0既小朋友，屋企人係可以陪入手術室呀!!!

 

總之直至小朋友俾麻醉師”焗暈”之後，就要離開

 

細膽兼眼淺0既我，將呢個陪入手術室重任交俾虎爸，因為好驚自己喊爆!!!

 

手術一個鐘後完成!!!GORGOR返到病房，明明D麻醉藥未過…..

 

但佢好似醉酒佬上身咁，護士姐姐抱佢訓上床，佢即刻成個人醒唒坐直

 

仲好激動咁想搣甩自己手上0既DRIP!!!!!!!真係俾佢嚇C!!!!!!

 

最後我唯有抱住佢，等佢訓下，等佢D麻醉藥過…….

原來TWINS呢個記號會一直存在…….

抱抱下，唔對路，隻手好痺+我要食野

 

SET-UP好個位俾GORGOR訓我”隔離”，哈哈~~~

2小時後……醒唒0既GORGOR開始食野……見佢咁樣我都安心唒:)

幫GORGOR做手術0既醫生傍晚時份會黎睇多次傷口，確定冇乜事就可出院

 

所以我同GORGOR就要無無聊聊0係醫院等到6、7點-__-

其實GORGOR做完手術、食完野，已經好似冇做過手術一樣

 

應該因為始終係小手術，加上小朋友0既復原能力真係好驚人!!!!!!!!!

等出院…..繼續食緊野(好似全日NON-STOP食野~.~)

雖然做完手術，睇落冇乜野，但係都諗住俾GORGOR休息多一兩個星期先再去玩

 

呢2個星期都好好天，見到個個都去”下水禮”，我都超想同野人去玩個痛快呀!!!!!