新年日記の初一及初二

究竟新年前嘅時間去唒邊呢???

今年真係冇時間去觀摩下新年佈置下的各大SHOPPING MALL

想同野人影相留個念都冇機會-__-

最多只係去到新春迪士尼。。。。

不過。。。。今年已經第2年新年前去迪士尼之後有野人發高燒、病

所以我真係要認真諗諗以後係咪唔應該新年前去DISNEYLAND!!!!!!

DIDI HIGH FEVER @ 新年前夕2am

今次DIDI同GORGOR上年嘅病徵完全唔同

上年GORGOR係燒到陷入接近昏迷狀態，超級冇精神

今年DIDI夜晚會燒得好勁之外，DAYTIME都好精神

仲係病嘅DIDI+正常GORGOR@大年初一(親子裝，YEAH!!!!)

野人今年已經變成"識逗利是"，排隊逗虎爸利是中。。。。

著返件應節紅卜卜利是封衫去同野人公婆賀年飲個茶

初一晚，我同虎爸要去睇軟硬heHA

所以送左兩隻仔返屋企，我地就去拍拖，嘻嘻~~~

初二，見DIDI情況仍然都係夜晚會HIGH FEVER

虎爸帶DIDI再去睇多次醫生。。。

要等3至4個鐘，CRAZY!!!!!!!!!!!

至於我就同GORGOR喺屋企二人的浪漫

談談情，玩玩佢近期至愛嘅PLANES!!!!

等到DIDI睇完醫生返到屋企

初二傳統來我們家賀年嘅潘EE都到達

今年潘EE係派利是，唔再係逗利是喇:P

可能DIDI始終仲病緊，所以PO屎王嘅佢都表演得好含蓄

夜晚出發去野人E-MA屋企"試菜"

(又著利是封衫，買左唔好蝕，WAKAKAKA!!!!!)

野人不嬲對E-MA家嘅毛毛狗都嚴陣以待

但。。。今次WARM-UP左之後好左好多喎

都好嘅。。。唔好似我，唔知點解咁驚動物，哈哈~~~

未食得飯前，好專心睇電視

一見到車就專心睇

一見到周星星就叫我地熄左個電視，哈哈~~~~

唔知點解睇睇下要學公公個姿勢@@

登。登。登。登。開年飯終於完成!!!!!

中泰Fusion LC全煲宴

- 野人都話正焗蝦

- 雞胸都滑一滑蠔油雞

- 辣味適中冬蔭功煮蜆

- 一食愛上八寶魚

- 炆到超鮮甜冬菇

- 夾慢D都冇粉絲雜菜煲

- 預唔到份量嘅白飯冇得任裝

有個煮野叻嘅屋企人真係好到不得之了呀!!!!!

2014。農曆新年。雜 (家庭篇)

趕 ! 趕 ! 趕 !

我感覺自己由聖誕開始到而家都冇停過"急衝"嘅感覺!!!!

特別係今年新年實在太早

好似拆得棵聖誕樹，已經要去行維園年宵買吉!!!!

加上要做3B MAMA網店嘅嘢

搞到好多新年預備功夫都冇時間去做 (我係傳統人，新年好多嘢要預備:P)

好似自己把頭髮，總之覺得新年前要搞搞佢

點知真係太冇時間，只係"吱"到一日去SALON

所以END-UP到新年，電得把頭髮黎，已經唔夠時間再去多次做COLOR

唉，搞到乞衣頭咁過年-__-

另外，上年雄心壯志做嘅自家利是封

今年真係冇時間堅持再做...求求其其買左少少利是封就算

辨年貨方面，已經唔可以好似上年咁奢侈用兩個鐘排隊買JENNY COOKIES

只係買左唔使訂、唔使排隊嘅四重奏蝴蝶酥
(咁其實自己都唔鍾意年年買一模一樣嘅賀年禮物，嘻嘻)

野人新年新衫，完全。冇。諗。過。要。買

佢地太多衫喇!!!!!!!!

而且賣左韓仔衫之後，佢地長期都有新衫著，哈哈~~~

屋企佈置方面.....

其實上年都已經唔想再買，年年買咁多嘢好似唔太環保

所以今年只係買左個吉蒂福字墊，其他裝飾都同上年一模一樣!!!

雖然時間緊迫，有D新年嘢都一定要做

例如漏夜都要趕起個新春版網店BANNER，WAKAKAKA

又例如我要KEEP住每年都帶野人行年宵呢個傳統

今年去年宵有BUDDY維維

GORGOR已經唔會好似上年咁，只係掛住叫我買嘢食

都有ENJOY行年宵，玩下OR睇下其他嘢

指定動作。買氫氣球

呢個氫氣球差唔多$100EACH

賣到咁貴就知出事，出事在超堅韌!!!

即係代表10年都唔會漏氣，即係代表10年都唔使掉!!!!

我都話自己係斷捨離人啦，買野最怕勁耐唔掉得!!!!

所以我個人意願當然唔想買啦

但係好明顯買氫氣球呢樣野並唔止係我個人意願可以決定.....
(個氫氧球表現非常理想，到而家都差唔多一個月，都冇乜點漏過氣@@)

以往帶野人去年宵，一定係WEEKDAYS

但今年真係"吱"唔到一日WEEKDAYS去行

星期日去年宵真係多人到不得之了!!!!

所以托埋盆吉，急急腳離開

至於新年必買嘅花，我同小虎兩老去花墟買

年年都買串串金，雖然靚，但都開始覺得悶悶地

所以轉買染色銀柳

當然仲有必備水仙 (今年開得超靚!!!!!)

LAST BUT NOT LEAST，當然係團年飯

@娘家團年飯

由於野人去完同學生日會，玩到勁攰再去團年飯

所以我地一邊食飯，佢地就一邊熟睡

直至野人E-MA講左句"去買巴士"

兩隻現實仔即刻彈起身@@

至於虎家團年飯

由於小虎去年冬至飯缺席下廚，所以補煮團年飯

一切準備就緒，READY TO "HAPPY NEIGH YEAR"!!!!!