生活回復正常 @ 咖啡弄

過了聖誕節、農曆新年

我感覺一切生活回復正常

野人每個星期要上的興趣班

休息兩個多月後，都開課了。。。

又開始上興趣班的生活

即是又可以帶野人周圍飲飲食食

@長期要排隊的咖啡弄






都唔知點解開咗咁耐都要排咁耐隊@@

而且我覺得仲要難食咗!!!!!

比較下，我較喜歡DAZZLING CAFE :)


食飽飽，散下步


近期野人喜愛鑽研恐龍+太空兩個課題

兩隻"愛。回家"買咗新書要即刻返屋企研究


小朋友記性真係好到嚇C人

弟弟睇睇下本新書，見到有幅圖畫同其中一本舊書一樣

即時拎出嚟對，真係俾佢嚇C

虎家過新年

我家親戚數量唔多，所以新年其實幾清閒 :)

都係指定去同屋企人聚聚、食個飯






哥哥新年好貴氣，哈哈哈哈

食飽飯，同姨丈來個"埋身肉博"，即時FRIEND唒!!!



新年期間，俾兩隻小鬼開心下

對佢地帶玩具出街的規限放寬了

兩隻嘢即刻趁機帶平常我唔俾佢地拎出街嘅大隻恐龍@@



見家人外，見朋友都重要

一如以往，有野人至親潘EE來虎家拜年

今年多咗個新成員 – 潘小B來賀年 :)



朋友堆中，正在玩細胞分裂，群組愈來愈大，哈哈



我一直都好想將這個廚房玩具退役

但由聖誕節到新年都好受小朋友歡迎:P


新年後記 :

我估每家每戶新年期間都有這個問題

早餐、夜宵，全部都食糕，哈哈哈哈

農曆新年前。團年飯 X 年宵

今年農曆新年在二月中

比較以往大多數都是一月中過年

今年算是較遲

較遲過年，理應多點時間做預備功夫

但反而今年是我有了野人之後，最有趕頭趕命感覺的一年

就連帶野人去維園行年宵這個每年傳統，今年都KEEP唔到-__-

行唔到維園，CHEAP BOM BOM都帶野人去行下將軍澳年宵

野人去年宵，指定動作買氫氣球

今年氫氣球有GU-MA這個贊助人

買咗波，做咩都得，兩個現實仔!!!

今次係我第一次行將軍澳年宵

眼見野人的動物氫氣球只賣HKD20

不禁諗『將軍澳年宵賣嘢好平』

點知第2日我同事行維園年宵，見到哥哥的恐龍波只售HKD10

真係低處未算低。。Wakakakakaka



我和虎爸每年都去兩個年宵 –

1) 維園 (帶野人去逛年宵)

2) 旺角 (買花)

旺角年宵有這個GIMMICK串燒

真係純GIMMICK，味道好麻麻


買了水仙、蘭花、桔 (哥哥主動提出要買桔@@)

水仙，試過買一年，之後年年都要買

因為真係好靚 + 好香 :)

自己一丁友行今年第3個年宵 – 維園

維園巧遇少爺占。。。


我咩事咁熱血???迫C人都要一個人行年宵???

為了是要買兩個"鐵馬"哈哈哈哈



自野人E-MA常下廚，過節飯都好大機會俾E-MA大廚出馬

小虎更自製香草蜜汁燒雞加餸，哈哈哈哈

哥哥去E-MA屋企最開心，可以同毛毛玩:)



唔知係咪因為心情好，哥哥這個團年飯

一個人KO半隻小虎自製的燒雞!!!!!!!勁CRAZY!!!!

所以對於黑洞胃野人，食物一向都可以俘虜佢地個心

ESPECIALLY甜品 :)

去開銅鑼灣辦年貨，買久違了的MIMOSA同野人開心SHARE

至於年三十晚，虎家傳統團年飯

都因虎爸近期忙到甩轆緣故，無法親自下廚

唯有買TAKE-AWAY充當住家菜上枱，哈哈哈哈

換上新睡衣的野人，年三十晚幫我掛埋新揮春就Zzzz

瞓醒後又是新的一年，哈哈哈哈