2015年9月30日 星期三

3代同堂齊Tea Time@The Peninsula

放半天假,同野婆、野人、野人E-MA,3代同堂去Afternoon Tea



帶野人出去見識,兩隻嘢例牌失禮,哈哈哈哈






野人+E-MA,三個瘦仔走在尖咀街頭XD

一場去到尖咀,順便去探下好耐冇去嘅TOYSRUS

野人見到任何關恐龍事嘅嘢,都例興奮


閒日嘅海港城TOYSRUS,好多嘢玩,哈哈哈哈










兩隻嘢玩咗好耐!!!!!樂而忘返!!!!!

但記住,應該只限閒日先係咁好玩!!!!哈哈哈哈



2015年9月28日 星期一

夏天的尾班車@清水灣二灘

本來以為要到2016先有得同野人再去沙灘

點知中秋後仲熱屎LA LA

可以去抓住夏天的尾巴,呵呵呵呵


出發前小插曲。。。

兩隻嘢對於去沙灘有點分歧

哥哥想去沙灘,弟弟想去泳池

最終決定去沙灘,因為泳池可以隨時去

沙灘就真係應該今年最後一次

因為呢個決定,兩隻嘢就開始鬥咀

哥︰「沙灘咁好玩,所以一定好多人,邊有人鍾意去泳池呀?!」

弟︰「激氣!!!!!!沙灘一定好少人去呀!!!!!」

小學雞鬥咀就是這樣練成的,哈哈哈哈

兩隻嘢而家經常亞相整蠱,哈哈



多謝虎爸全程照顧野人,令我可以舒舒服服瞓個午覺XD




近期愛上跳飛機,任何地方都可玩跳飛機:)

野人又畫佢地嘅大作!!!!!


沙灘玩樂,2016再見!!!!!


2015年9月27日 星期日

2015。中秋節

中秋節,有幾樣指定動作必做

1)中秋節,即是月餅節



今年哥哥瘋狂地愛上吃月餅!!!!



2)人月兩團圓,家人團圓飯

唔食月餅,食蛋糕


3)賞月,玩燈籠

中秋節點都要去屋企樓下玩下先安落

呢個係我細細個時開始有嘅屋企傳統

只有中秋節,屋企樓下先有嗰一種專屬嘅熱鬧:)








咁多年中秋節,我都冇同野人玩蠟燭

原因不盡是因為我怕佢地玩火

而係本身我自己極怕火(打火機,我都唔敢用^^")

我唔玩,虎爸又唔玩,咁野人邊有機會玩呢?!?!?!哈哈

所以雖然我覺得傳統燈籠係最靚

我都冇買俾野人,只係拍個照留念:)

唔影相記低真係驚遲早冇埋

仲記得自己細個好驚一個好似太陽樣嘅圓形燈籠

大家都應該知係邊款

以前周街都見到,而家真係買少見少。。。

今年聽聞係超級月亮

雖然最初好多雲,但之後雲散了

個超級月亮又確實係超級光+亮:)