2016年3月25日 星期五

復活假期活動。一BLOG過 :P

3月,一個好「金」要經常早起嘅月份

終於去(捱)到最後一個星期。。。

最後一星期,活動依舊精彩

因為係「復活假期」:)

睇戲、燒烤、踩單車、任食燒烤、見朋友樣樣齊



燒烤都有飯「痴」喺咀角??

因為有好熱心嘅媽媽帶齊裝備,教小朋友自製飯團

野人第一次解除「輔助LOOK」踩單車

虎爸滴唒汗陪試踩咗大約一個鐘,終於踩得有板有眼 :)

哥哥有少少懶得學踩單車,玩番佢架SCOOTER自得其樂 :P

其中一日仲要趕到東華慈善嘉年華尾班車



「生曬」EMOJI 哈哈哈哈 (唔知係咪前排成日落勁大雨,搞到EMOJI濕哂)

野人最愛當然係HOT WHEELS部份

又可以揸車!!!!! (唔知點解哥哥次次都好彩地,揸到架快車 :P)


由天光玩到天黑!





死亡3月過去,4月專登安排冇咁多活動俾自己

因為首要預留時間溫習韓文 -___-

另外就係要開始籌備每年虎家大型EVENT --->野人慶生會 :)

2016年3月22日 星期二

7年癢不癢之結婚紀念日@HELLO KITTY中菜軒

時間過得快到好緊要!!!!! (即係快老得好緊要!!!!!)

我唔覺自己已經結婚7年,更唔覺自己已有2個6歲仔仔 :P

7年時間,其實唔算太長,但足以發生很多很多事。。。

興興奮奮結婚、戰戰兢兢懷上雙胞胎、邊做邊學做父母

為孩子難免有爭執。。。

一個孩子已經夠多事情要去好好適應

何況我和小虎這對新手父母,一開始就要面對兩個早產嬰兒

煩的事當然夠多,爭執隨之都很多

關係亦都慢慢變差。。。

但主真的很懂我、很愛我

透過很多不同渠道告訴我,給自己一個限期、一個出口。。。

三年!忍、等、捱三年,一切都會好起來!

現在,不快事都過去。。。

回想起來,果然,神很信實

困難在那裡,恩典都在那裡 :)

只要在困難時,眼目不要離開主耶穌

只要一直仰望耶和華,神的平安、幫助、喜樂都會臨到 :)

「我們愛,因為神先愛我們」(約翰一書4:19)

相信神就是要我們在婚姻關係裡活出這份愛吧

一段婚姻關係,確實能成為榮耀神的一個有力見證

感謝小虎信主後,由原本對我的好,變得更好更好 :)

感謝他7年來。。。
包食、包住、包水電煤
包任勞任怨、無理取鬧
包車出車入
包湊仔
包做家務
包....容忍我的臭脾氣及無數串咀臭臉 XD

每年結婚紀念日,小虎都會送我花 :)

今年第7年,我有種儲齊7龍珠的感覺 :P

以往每年我同小虎都會二人世界食餐飯慶祝

但今年因為姐姐的突然請辭,新姐姐又未到

所以就要拉埋兩隻小鬼陪我食其中一個至愛

HELLO KITTY中菜軒

每樣食物都「的的骰骰」


最可愛食物造型,首選「臘腸卷」:)

唯獨是這個HELLO KITTY大包,真係大過我塊面

食半個已經飽到一個點!!!!!! -__-


食物質素,樣樣都差唔多

但「咸水角」HELLO KITTY蝴蝶結,最好唔好ORDER (好厚皮:P)

最後,當然食物不是重點,重點都是全家人食得開心、幸福 :)



2016年3月19日 星期六

野人學校運動會

野人身穿學校運動服

晨早8點就去到九龍仔公園

好明顯就係參加學校運動會 XD


野人第一次參加學校運動會係讀緊N班

照學校慣例,運動會每兩年舉辦一次

所以應該係上年K2再有運動會

但由於上年學校搞咗個水運會

所以運動會就Skip到今年喇

雖然話就話係野人人生第二次學校運動會

但我覺得今次先算得上第一次

因為想當年N班時,年紀太細喇

所以只係被安排喺場邊玩下親子遊戲

今次就唔同喇,野人真係要參加運動項目

睇下野仔比賽前嗰樣幾有鬥心 (果然交到戲XD)

雖然只係幼稚園嘅運動會

但整作都非常認真!!!!

每個「運動員」身上都有運動員號碼「貼紙」

「運動員」進場儀式做到足!!!!


由於主辦運動會嘅係家長教師會

所以身為家教會其中一員嘅虎爸

整個運動會都要做義工家長


絕大部份時間都係得我同野仔三人世界。。。

都係好難得SIP個時間同虎爸影張合照 :P

運動項目有:跑步、跳遠、跳高、擲豆袋

每個小朋友都有機會玩哂4個項目,永不落空

4個項目均設有「冠、亞、季」軍獎項


贏唔到獎盃都唔緊要

每個小朋友「完成賽事」後

都有獎牌一個,又係永不落空XD

雖然話就話係「豬肉牌」

但小朋友拎到獎牌真係超高興!

欣賞家教會呢個做到皆大歡喜嘅安排 :)

運動會完結後,野人應該嫌未夠「運動」

所以再去公園玩「健身器」


而我。。。捱咗咁多個星期早起 + 太陽曬之後

係時候好好幫手、腳、面急X一下 XD

2016年3月13日 星期日

奧比斯 – 步步獻光明慈善步行2016

3月,一個好「金」嘅月份

事關每一個星期六日都要倒屎咁早起身!!!!

今個星期早起係為咗參加ORBIS – WALK FOR SIGHT 2016

做有意義嘅事,倒屎都值得!!!!!XD

朝早8點就去到集合地點上ORBIS嘅專巴

目的地就係去大潭郊野公園參加慈善步行



相信大家對奧比斯ORBIS呢個名字都唔陌生

主要做救盲行動嘅ORBIS

一直都係我恆常捐款嘅機構

因為眼能看見,對我嚟講好重要

天父造嘅世界太美妙,睇唔到好可惜。。。

希望更多人可以加入呢個救盲行列 :)

初時我以為自己因為早起已經夠頹

但原來右手邊位工作人員比我更。。。XD

ORBIS呢個慈善步行,除步行外,仲有嘉年華玩 :)

所以開步前,小朋友都有好多事「忙」

今次野人孖住同學仔一齊慈善步行

齊齊做有意義嘅事 :)



野人有同學,我都有同學

撞見好久不見嘅中學同學

今時今日,大家都已經成為兩個小孩嘅父母!!!!

步行路線,沿途風景都好靚





空氣咁清新,要大力吸多兩下 :P



野人呢個年齡組別,只需行3個CHECK POINTS就完成



蓋印完成!!!!


步行完畢,又返回起點嘅大草地繼續玩!!!!




大會有提供三明治、飲料俾每個參加人士

所以小朋友玩到餓,就即刻喺草地醫肚,當埋野餐 :P

奧比斯 – 步步獻光明慈善步行

有得玩,有得行山,最重要可以幫到人

希望明年可以再參加 :)