親子餐廳 - 「唐」(Tong’s Road House Seafood and Grill)

喺香港，要有小朋友配套嘅餐廳其實選擇唔多

最常見嘅都係部份大型連鎖餐廳

會提供畫紙、幾支畫筆俾小朋友娛樂自己 :P

如果要帶小朋友去一間「真正」有得食又有得玩嘅親子餐廳

選擇就真係少之有少。。。

好羨慕台灣有好多好好嘅親子餐廳，真係多到去唔唒!!!!!!

近期喺香港「發掘」咗間位於元朗屏山嘅親子餐廳

「唐」(Tong's Road House Seafood and Grill)

雖然位置上係偏遠咗少少。。。不過都值得一試 :)

如果搭輕鐵前往，喺屏山站步行至「唐」都唔算太遠

如果駕車前往，見到高高嘅「TONGS」大牌匾就知到喇

餐廳門外有十數個車位


「唐」用餐區有室外 / 室內兩部份


野人有個肥佬大汗虎爸，當然選擇室內 :P

P.S.事後發現好彩揀室內，因為都頗多「蚊」

所以大家記住做足防蚊措施!!!!!!

「唐」有LUNCH BUFFET，但由於我地到達時間比較晏

所以就點餐牌上嘅食物 :)


呢個包，好食!!!!!「伴包」嘅自家製士多啤梨醬都好好食 :)

「唐」主打都係PIZZA、PASTA、FRIES之類嘅菜式

全部菜式都好KIDS-FRIENDLY :)



今次除咗野人家之外，同行仲有我想同佢做朋友

但佢成日唔理我嘅大笑BB XD


介紹完食物，當然要講下呢個親子餐廳有咩玩

「唐」有個戶外花園

戶外花園都有少少用餐區

所以如果想一邊食，一邊睇住小朋友玩

可以選擇呢個戶外用餐區。。。

野人食飽後，就開始喺呢個戶外花園玩

有得玩沙、爬車軑、玩鞦韆、有得「畫」、有得「敲擊」。。。






另外，餐廳會定期舉辦主題WORKSHOPS

詳情可以留意「唐」嘅FACEBOOK FANPAGE

https://www.facebook.com/tongsroadhouse/

親子餐廳其中一個好處就係。。。

小朋友玩完一輪，又可以再食過嘢!!!!!

就咁悠悠閒閒又過咗一個週末下午 :)


夜晚去第二個節目，野人太嫲生日飯

90多歲嘅太嫲，祝身體健康，主恩常在 :)

點解每次野人見到E-MA都要搞到佢「失唒儀態」XD

拍球王比賽 @ 野人學校

野人學校每年都有個"拍球王"活動

目的旨在俾小朋友透過拍球運動多鍛鍊大肌肉 :)

小朋友由N班開始，就可以參加此活動

每年大概去到4月，部份同學就會被揀選參加拍球王總決賽

揀選機制係透過父母喺屋企紀錄小朋友拍球次數、

學校嘅拍球龍虎榜紀錄以及老師觀察幾方面合成

以往每年，我都會鼓勵野人一齊「練波」

但好明顯佢地每年都冇理我啦!!!!! :P

直至K3九月開學，野人突然轉性!!!!!

無啦啦鬥心極強，喺屋企拎個波自我練習!!!!! XD

就因為有練習，野人初初都有喺學校「拍球龍虎榜」榜上有名 :)


但兩隻嘢明顯3分鐘熱度 + 開始見到其他同學拍得勁過自己之後

就冇興趣再拍 -______-

所以最後當然冇被選上參加拍球王總決賽啦 :P

不過!!!!!!! 拍球王總決賽除咗會誕生「拍球王」之外

仲會有另一個「健力士拍球王」誕生 XD

(「拍球王」︰1分鐘之內拍到最多下數；
「健力士拍球王」：連續拍球直至某個時間或以上)

「健力士拍球王」賽前無須選拔

就喺拍球王總決賽當日，人人有份玩，永不落空

野人拍得唔夠快，唔夠多下數

但勝在夠穩定，最終兩個齊齊勝出成為「健力士拍球王」


收到野人同學仔媽媽傳來頒獎張相嗰刻

我感動到標咗兩滴眼淚ㅠㅠ

因為我見到嘅，唔只係攞獎嘅野人

而係我終於見到會認真、專心做一件事嘅野人

贏輸從來唔係最重要，正確人生態度先係最緊要

加油，我的野兒子!!!!!!



咁開心嘅日子，當然值得吃個蛋糕慶祝 :)

失驚無神自助餐 :P

野人有個自助餐達人「虎爸爸」

呢個達人近期又「引」起

無啦啦點都要去食個自助餐 -___-



其實我自己就唔太LIKE自助餐文化

因為某個角度，自助餐都係助長緊「浪費食物」

但野人好似都受到虎爸嘅影響，每次食自助餐都好興奮

(睇下佢地3父子食得幾咁HAPPY :P)

本來去食餐自助餐就冇乜特別事要記低

但食完呢餐之後嘅事就好值得記低

哥哥食完之後，病。咗。一。個。星。期

我估並唔關酒店事，只係時間咁啱咁吻合 (因為我、虎爸、弟弟都冇事)

最重要係。。。野人學校老師都知道哥哥食完自助餐就病咗

唔知會唔會以為佢食得太博命，博命到病埋呢?! :P

韓國大媽是這樣鍊成的，團結 !

自K-POP還未盛行前。。。

本人已經被多次喺唔同地方，俾唔同嘅民族誤認為韓國人 :D

就因為咁，我索性走去學韓文 :P

到宜家，差唔多學咗兩年，當然仲未可以講得一口流利韓文

但韓國嘢就愈嚟愈溶入我嘅生活!!!!!!

特別係食嗰方面。。。我真係好好好鍾意食韓嘢 :)

冰麵(냉면)、紫菜包飯(김밥)、拌飯(비빔밥)、炸雞(치킨)，樣樣我都鍾意!!!!

炸雞配啤酒(치맥)，當然絕配 !

炸雞配啤酒再配韓劇，簡直絕絕配!!!! XD

韓國女仔，個個塊面都水光肌咁靚

我似韓國人唧，但就冇似埋人地嘅皮膚質素 :(

不過好多嘢都可以後天去補救 :P

AIR CC CUSHION嘅出現，簡直就係我地懶人嘅恩物

又可以遮瑕、又可以防曬、又可以亮肌

3分鐘就可以搞掂塊面，真係NO MORE懶嘅藉口 :P

而且我地為人媽媽，樣樣嘢，最緊要「快」

咁短時間就可以搞掂塊面出得街，當然係「媽媽級」恩物

上面幅圖嘅指甲配搭，係咪好靚呢??? XD

又係「韓風」啦!!!!! 韓式指甲，又係我另一愛上嘅「韓風」

KEEP住都會留意幾個「韓甲」IG

好多「甲款」都好吸引去整呀!!!!!!!!!


好 ! 韓流情報分享住咁多先，下次再講 :)

題外話一則 : 近期好有幸做咗SUNDAY KISS BLOGGER

希望遲D有機會喺SUNDAY KISS個平台同大家交流「韓」情 :P

火燒連環烤 @ 白石燒烤場 + 西貢路邊

好耐(應該都有3年)冇去白石燒烤

今次應野人同學仔生日邀請

喺白石「重新裝修」後第一次再去燒烤

「重整」過嘅燒烤場

多咗D彈彈床、多咗D獨立房配燒烤爐。。。

除此之外，都冇乜點變 :P










生日會時間撞正咗野仔習泳時間

所以我地去到主要都係「切餅」同「玩」，完全冇燒過烤 :P

可能因為咁。。。「又」激活咗小虎燒烤條根

過咗唔夠一星期，佢自己預備好哂嘢

車我地一家人去西貢路邊燒烤!!!!!!!





計埋一星期多前復活節嘅燒烤

16日內燒咗4次烤!!!!!!! (平均每4日一次!!!!!)

適逢呢個幾星期，新姐姐嚟咗屋企

唔知佢會唔會誤會香港人每個星期要燒烤2次 :P