迪士尼樂園 - 「星球大戰：入侵明日世界」

野人由BB開始到宜家6歲，99.9%都係孖人行

我同虎爸好少好少好少會同其中一個野人去拍拖

今個夏天，迪士尼樂園被星球大戰主題入侵

哥哥一向唔多鍾意星戰

所以造就我有機會同弟弟拍拖去迪士尼 :P


星戰入侵後，未入到樂園就已經充滿星戰氣氛

沿途佈置外，小食亭嘅小食都轉咗星戰主題

星戰蛋糕、麵包、WAFFLE、POPCORN、雪糕、飲品乜都有

最型就係支CHURRO，變咗「星戰光劍」

完全滿足唒星戰粉絲嘅「慾望」!!!!!!!

粉絲最不能錯過嘅，當然就係星戰紀念品

呢個「盤」，大過我個頭!!!!!

TOMICA X STAR WARS


最可愛嘅星戰紀念品一定係TSUM TSUM X STAR WARS :)

小朋友最開心嘅紀念品首選DIY「星戰光劍」

全把光劍，由頭到尾，都因應自己嘅喜好嚟砌

小朋友一定可以整一把自己認為最犀利嘅「星戰光劍」!!!!!

主題叫得做「星球大戰：入侵明日世界」(Star Wars: Tomorrowland Takeover)

當然改動得最多就係明日世界!!!!!!

「飛越太空山」加入咗星戰元素！

改裝成全新版本嘅「星戰極速穿梭」(Hyperspace Mountain)

令你仿似置身喺星球大戰電影一樣!!!!

不過弟弟唔敢入去玩，所以只好喺入口影相留念
(後面嘅X-wing FIGHTER好型!!!)

平常同史迪仔STITCH見面嘅地方

變咗會同R2-D2、Chewbacca見面

弟弟只想見R2-D2、對Chewbacca零興趣 XD

其實同弟弟今次嚟迪士尼，有個主要目的

就係要玩「絕地聖殿武士特訓」

由6月25日開始，明日世界會有一個特備節目「絕地聖殿武士特訓」

過程中，小朋友會特訓成小武士

一齊對抗黑暗勢力，同Darth Vader對戰!!!!

如果小朋友係星戰迷，真係會玩到好投入同興奮!!!!!!

「絕地聖殿武士特訓」須預先登記

登記地點：明日世界 - 太空驛站的招募處 (鄰近「星戰極速穿梭」)
武士年齡：4至12歲
場次：每日6場


去咗咁多次迪士尼，都係第一次玩到關門大吉先走 :P

題外話，FINDING DORY就快上映

園內已經有好多呢套戲嘅產品賣喇 :)

澳門科學館 - 恐龍活現濠江

澳門科學館，上年暑假同野人嚟玩過一次

都真係幾多嘢玩 (多過香港科學館 :P)

門口仲有棵必影心型樹，俾你好靚影張相 :)

全館有14個展覽館，如果每個都認真玩，可玩足一日!!!!!

今年冇咁多時間，冇再去玩展覽館

如果大家想了解科學館嗰14個展館有咩玩

可以睇番上年介紹澳門科學館嘅3B MaMa Blog（寫得好詳盡呀!!! :P)
http://bbbmama.blogspot.hk/2015/08/32_5.html

今次再去科學館，完全因為科學館有特備展覽「恐龍活現濠江」

雖然兩隻嘢已經對恐龍嘅迷戀冇以前咁強烈

但都照帶兩個過氣「恐龍控」去朝聖一下

「恐龍活現濠江」
展期 : 2016年3月23日至2016年9月11日
地點 : 2號展廳
詳情 : http://www.msc.org.mo/LivingDinosaurs/ch/index.html

因為「恐龍」呢個特備展覽，科學館由門口直到展廳

周圍都充滿恐龍佈置，野人見到「恐龍」都即時上身XD






令野人更興奮就係，一入展廳見到嘅「恐龍長廊」

一共有14種機械仿真恐龍，由三疊紀走到白堊紀




全場令野人(特別令哥哥)最上身嘅就係見到最震撼嘅暴龍!!!!!!

場內另有片段介紹恐龍歷史，掃描恐龍骨、以及有得掘恐龍骸骨



近展覽館出口位置，仲有一個恐龍電子互動遊戲

我地參觀當日係閒日，所以未有其他恐龍節目

如果大家係星期六、日或公眾假期前往參觀

仲會有恐龍戲劇導賞、親子工作坊參加

參加時間可參考官網嘅時間表

恐龍戲劇導賞 (逢星期六/日分別有兩個唔同主題)
時間表 : http://www.msc.org.mo/exhibition_kp.php?cid=16&lg=cn

「恐龍活現濠江」親子工作坊
時間表 : http://www.msc.org.mo/exhibition_list_qz.php?cid=18&lg=cn

另外，天文館仲有兩個特備節目

分別係<<恐龍的記憶>>以及<<我的恐龍時代>>

時間表 :
http://www.msc.org.mo/planetarium_schedule.php?cid=24&lg=cn

Studio City Macau - 華納滿Fun童樂園 (Warner Bros.™ Fun Zone)

今次再去澳門「游」，本來打算試新嘢

入住開業唔夠一年嘅新濠影滙 Studio City

但俾野人睇完Studio City嘅玩水設施介紹後

佢地堅持再住Galaxy Macau :P

雖然最後決定冇住Studio City，但照有去玩

因為嗰度有摩天輪、又有小孩Playhouse:

華納滿Fun童樂園 (Warner Bros.™ Fun Zone)

Studio City由酒店門口開始，沿途都有好多影相位




去到Playhouse門口，主題人物佈置當然唔少得 :)



野人孖住同學女，戴好手帶

準備入去歡渡兩個鐘 :)

Playhouse參考資料：
華納滿FUN童樂園 (Warner Bros.™ Fun Zone)
位置 : 新濠影滙三樓
收費 : $200首兩小時
(一大一小；另加成人$75/位)
營業時間：上午10時至晚上7時（週一至週日）

最初被吸引去「華納」玩

係因為見到有個名為「反斗戰車」嘅揸車設施

野人去邊都會玩揸車，所以諗住佢地一定鍾意玩

點知玩完之後，確實幾失望。。。因為

第一，架車速度算幾慢，毫無揸車樂趣

第二，賽道圈好細

第三，每次有3至4架車同時間玩

但整條賽道就只有「頭尾」兩端可以雙行行車

其他位置都係單行 :(

換言之，如果喺「頭尾」兩端

所有車都冇交換位置

絕大部份時間都係跟住第一個開車嘅小朋友行

亳無「賽車」樂趣 -___-



不過有兩個設施我覺得幾好玩

一個就係野人身後嘅攀爬牆

小朋友嚟講，都算幾高，幾有挑戰性!!!

做好安全措施，就可以開始爬。

攀爬牆有兩個難度，以野人110CM嘅高度

只可以玩低難度嗰邊

雖則話低難度，但要爬到上頂都幾高

本來野人爬到中段都想放棄

但最後氹氹下，兩個都堅持爬到上頂 :)

另一個好玩設施係「華納極速迴旋」

其實就係坐上架車，揸住支槍

由架車帶你去唔同地方用支槍對住屏幕完成任務

戴埋3D眼鏡，令感覺更迫真!!!!

其實係得我同虎爸覺得好玩，野人唔覺好玩

因為佢地怕黑，所以玩咗一次就唔再玩

反而我同虎爸就玩咗幾次 :P

除咗以上設施，仲有野人每次見到

都一定玩到好興奮嘅「跳樓機」

同埋可以不停跑嚟跑去嘅「攀爬迷宮」(大人都可以進入)




如果小朋友年紀比較細，可以去呢個Playground玩

溫馨提示!!!!!(重要提示!!!!!!)

PLAYHOUSE超時一分鐘都會額外收費!!!!!

如果唔想額外俾錢，記住早少少提小朋友離開喇 :P

Studio City除咗有Playhouse

另一個要去嘅地方就係「8」字摩天輪

但好可惜，我地去嗰日遇上機件故障，要緊急維修!!!!!

所以。。。有得睇，冇得搭 (哥哥嬲嬲豬 :P)

唯有去影相留個念。。。

摩天輪入口位置有個LEGO模型

野人呢兩個LEGO控，又要睇一大輪 :)

冇得搭摩天輪，多咗嘅時間

去咗附近嘅金沙城中心

因為嗰度有間大型玩具店




由Studio City去金沙城中心

會經過澳門嘅全新地標 - 澳門鐵塔

下次嚟澳門除咗要搭番摩天輪

又多個新地方去喇 :)