【本地好去處】小朋友WarGame場

隨著野人愈來愈大，可以帶他們去玩的選擇就愈來愈小。「太小朋友」的波波池、室內遊樂場，他們會嫌不夠刺激，好玩度欠奉；但大人的玩意，他們又未必駕馭得來，顯得沒有興趣。

早前見朋友帶仔仔跟一班同學「全仔班」去了「SWS Shooting Workshop」玩室內War Game，感覺超好玩！剛巧這間「Workshop」由舊址搬到九龍東的油塘區，搬得如此近我，更加要帶野人去試試。

這裡用Nerf Gun海綿彈玩的兒童War Game，年滿6歲就可以玩，如星期一至五(非繁忙時間)，最少6人就可以組隊玩。

聽職員講油塘這個新場地比以前大好幾倍！野人跟朋友仔玩了兩個場景。開始是一個放滿「油桶」，感覺地方不是很大的場地，用來Warm-up剛好，不過小朋友其實根本不需要甚麼熱身，一兩分鍾已進入狀態，不斷狂奔、尖叫！(職員說笑下次應提供「耳塞」給家長！哈哈哈哈)

另一個場景對小朋友來說真是相當吸引！完全像一個迷宮，中央位置還有一座讓人爬高爬低、「捐窿捐罅」的大件設施。遊戲過程中，小朋友分成兩隊，其中一隊一開始已佔據設施上層位置成為基地，另一隊就不斷進攻，簡直就像要「攻城」一樣！非常好玩！(不過要提醒一下上層位置不能直立，所以玩時要提醒小朋友特別小心，免生意外！)

一個場次遊戲時間為2.5小時，包括職員的講解及小朋友開始Battle前的「上彈時間」；玩樂時間都很充足，足以令小朋友放飽電及令他們全身濕透，所以大家最好帶備多一件後備衣服給小朋友替換。

收費包括每位參加者一支Nerf Gun、海綿彈及護眼罩(建議大家準備好消毒濕紙巾去清潔護眼罩，因為用完未必有人清潔)。場地提供的Nerf Gun，彈夾可以入12粒彈，入滿彈就開始玩。War Game途中要再入子彈，就在地下隨處執。現場所見，地下海綿彈數目比較少，如果多點會好玩些，因為小朋友都要花點時間才找到海綿彈補充。

另外，可以自備Nerf Gun去玩。如果有玩過Nerf Gun，都可能知有些款式，海綿彈會「卡」在彈夾中難以發射。場地提供的Nerf Gun款式就是較易卡彈的款式，所以如果像野人自備了不卡彈的Nerf Gun，感覺會更好玩！

【SWS Shooting Workshop】

地址：油塘四山街22號美塘工業大廈4樓

(由於這個War Game場在油塘的工廠區內，路面超多車停泊，所以帶著小朋友過馬路時真的要特別小心！)

預約：81016988

收費表：

想收看更多親子資訊及優惠，請到

《3B孖媽生活館》Facebook Fanpage :

https://www.facebook.com/3bmama/

【本地好去處】米埔自然學堂

好榮幸收到「世界自然基金 - 香港分會」(WWF)的邀請，可以在剛過去的週末，跟野人一起到米埔自然保護區，參加他們舉辦的「自然學堂」系列的其中一個名為「鳥類學家」的活動。



 

導賞員先在訪客中心作了一個米埔的簡介。我小時候(大概是野人現在這年紀)去過一次米埔自然保護區，印象是地方很大，但今次聽導賞員講解後，才知道原來米埔有380個足球場那麼大！

到達米埔自然保護區，導賞員沿途都會作出詳細的講解。原來米埔屬於「拉姆薩爾濕地」，這對瀕危的黑臉琵鷺具有全球重要性！所以一定要好好保護米埔這環境，才可以持續成為雀鳥「心中的」安舒棲息地。

 

 

野人參加的活動名為「鳥類學家」，那當然會到「觀鳥屋」觀鳥。野人在觀鳥屋是前所未有地安靜，因為一大聲，雀鳥就會被嚇走！

 

 

每位參加者都會派發一個望遠鏡，方便觀鳥，當導賞員看到一些特別雀鳥時，就會調較好更高質的望遠鏡，給小朋友更清晰觀鳥 (我都有看過，清晰度真的像在電視看Discovery Channel，哈！)

 

觀鳥不只限於「觀鳥屋」，沿途都會不時停下腳步觀鳥。導賞員指導觀鳥之餘，當然也會拿出他們的「觀鳥天書」教導如何將雀鳥分門別類。原來有些雀鳥在繁殖期時，身上羽毛的顏色會轉變！

 

 
 

研究發現，香港的地理位置是很多雀鳥「飛行路線」必經的中途站，而米埔又是鳥類糧食充足之地，所以很多雀鳥就會選擇米埔成為他們的「補給站」。因此我們一定要好好保護米埔的環境，讓雀鳥繼續能在米埔補給糧食；不然，牠們就會因為沒有糧食補給，不能支撐到目的地，最後生態就難以平衡！

 

 

雀鳥要補給，人都要補給，米埔自然保護區內都有些休息站，提供洗手間、飲水機。

幾小時的行程，雖然有點倦，但非常值得參加，因為內容真的很豐富，而且環境很優美。

【自然學堂 - 鳥類專家】活動詳情

(適合6-12歲小朋友參加)

日期：

1）1月11日 (廣東話場)

2）1月12日 (廣東話場)

3）1月18日 (英文場)

時間：8:30am - 5:30pm 

(於米埔自然保護區內享用由世界自然基金提供之午餐)

地點：米埔自然保護區

(九龍塘港鐵站「D出口」集合及解散)

詳情及報名連結：

https://www.wwf.org.hk/whatwedo/community_engagement_and_education/youth_training_and_volunteers/connect2nature_school/

【師奶仔至抵精明眼👀Price.com.hk App】

慳家又好、師奶又好、興趣都好，買嘢前我必格價！因為我唔想經歷買貴咗嘢嗰種「揼心口」嘅感覺😜所以我都經常上Price.com.hk格過靚價先買(之前我買嘅蒸焗爐我都係格過價先買呀😎最平同最貴都差唔多差1000蚊！）

不過我都係近來先知原來Price都有App，咁就方便快捷好多喇！另外宜家仲發現咗個產品類別💁🏻‍♀母嬰產品！

尿片、奶樽、揹帶、牙刷、清潔劑、維他命、玩具。。。。。。乜種類嘅母嬰產品都有！

如果以前生野人嗰時已經有就好喇🥺咁就可以有Price幫我格埋價話我知邊度買尿片至抵(如果大家之前有睇過我一張相，就知兩隻野加埋要買嘅尿片何奇多！😅)，仲可以睇埋邊間BB舖最就腳！

💝Price.com.hk仲有「安心訂購」服務，如購買附有原廠保養嘅貨品，可於訂購後60天內登記額外6個月的維修補償，金額最高可達HK$800💰

一齊下載Price app一齊share下心得同秘技啦！https://pricehk.onelink.me/u3YG/6d219046

【新加坡親子遊】聖淘沙Village Hotel

如果你喜歡入住新酒店，又如果你將會帶小朋友到新加坡旅行，那你應該對這間開業只有4個月，位於聖淘沙的Village Hotel有興趣。

新加坡長期「熱辣辣」，一間有泳池的酒店就變得相當吸引，我就是給Village Hotel的大大個泳池吸引到。

這大大個泳池只有0.5米水深，非常適合小朋友「游」玩。

另外還有一個附有兩條小滑梯的嬉水池。

這酒店不算RESORT類型，但就有RESORT常有的LAZY RIVER!!!!

雖然LAZY RIVER是短短的，但酒店都有這設施真的相當有驚喜!!!!

每逢星期六晚上，泳池會有MOVIE NIGHT (7:30pm)。(圖片來自Village Hotel Facebook)

泳池是24小時開放 (但晚上10點會關燈)，小朋友當然不會放過玩到最後一分鐘的機會。

Village Hotel連接住Outpost Hotel，屬同一集團的酒店。但Outpost Hotel只限成人入住，所以有小朋友的話，訂房時記著要選Village Hotel。

雖然酒店有分成人專屬，但設施是共用的，所以這個望海的成人專屬Infinity Pool，就算是Village Hotel的住客，只要是大人都可以享用。

Village Hotel的房間，面積比較小，但由於光線充足，沒有侷促感覺。

Check-in時，可以在「零食櫃」挑選5款零食或飲品，零食選擇都算多，有薯片、朱古力、果仁。。。。。。

酒店還提供每位住客一張「SENTOSA Monorail Fun Pass」，Fun Pass開始使用後，3天內可無限次乘搭Monorail。

SENTOSA範圍內搭Monorail是不需要使用Fun Pass的，但當去了Vivocity，回程時就要用這張Fun Pass，乘搭Monorail返回酒店(Monorail - Imbiah Station)。

如果不想乘搭Monorail，酒店另外有提供Shuttle Bus，來往酒店至Festival Walk或Vivocity。

想收看更多親子外遊資訊，請到

《3B孖媽生活館》Facebook Fanpage :

https://www.facebook.com/3bmama/

【毛毛ByeBye】激光脫毛初體驗

激光脫毛呢件事，係一直想做但唔敢做嘅事，無他嘅，完全因為驚會痛(我超怕痛！)記得第一次有衝動去做係十年前。。。2009年，當時有個閨蜜做完激光脫毛話唔痛喎，好似俾蟻咬咁，雖然我唔知俾蟻咬係點，但既然密友咁講我梗信呀，咪諗住去做囉，點知正想去做就發現。。。有咗野人喇！就係咁，唔知點解脫毛呢件事一拖就拖咗10年(可能做媽媽又忙又懶得理自己掛)

直至前排，野人話我塊面有鬚。。。我個男朋友仔咁問我喎，我梗係超大動力去搞掂佢啦！

經朋友介紹，認識咗「More Beau」激光脫毛專門店，就決定做三個部位

1) 上唇(唔想再俾野人話我生鬚🤨）

2) 腋下(成日同野人游水，搞掂呢個位都方便好多)

3) 小腿(其實我覺得我啲腳毛都比一般女仔多及粗)

就係咁，戰戰兢兢咁去咗「More Beau」位於旺角嘅激光脫毛專門店。整間店都以白色為主調，感覺好舒適(同揀酒店一樣，最鍾意乾淨光猛嘅感覺）

填少少個人資料之後，照顧我嘅療程師就同我講下做激光脫毛嘅流程同埋好清晰咁講解哂做激光脫毛要注意嘅事項，例如係：

1）脫毛位置要注意保濕，因為太乾嘅皮膚有可能做唔到激光脫毛

2）脫毛位置要做好防曬，同埋避免過度暴曬，因為會影響激光脫毛嘅效果

 
 

可能我係一個讀Science出身嘅人，所以無論做咩，我都係要好清晰知哂啲原理、因果關係、好壞處先去做一件事嘅人，所以我都幾多問題問但療程師好好呀，超有耐性解答哂

到做療程嘅房，一樣感覺舒適

同我啲「鬚」留個合照同換衫就開始喇！

(如果你係做小腿位置，著短褲/裙係唔使換衫嘅；同樣道理，做腋下，著背心都係唔使換衫）

未做激光脫毛之前，療程師會清潔脫毛位置，同埋Check皮膚兩樣嘢 - 濕度及毛孔狀況。

因為我皮膚都比較乾(但乾得嚟都算可接受程度)，所以療程師就喺脫毛前幫我用導入器做個保濕。

好喇！是日重點嚟喇，幫我「剃鬚」嘅激光脫毛機

每一下激光「打」落皮膚嘅感覺，好具體形容就係有舊乾冰掂落去皮膚一下，好冰凍️除此之外，就冇其他感覺喇🤣(所以其實做完嗰下都覺得自己好白痴，一直都唔知驚乜，都唔痛嘅）

至於每個部位「打」幾多下，當然因應脫毛範圍嘅大細，俾大家一個參考：

上唇：3、4下

腋下：4、5下(每邊)

小腿：5、6下(每邊)

整個過程，由檢查至做完，只需半個鐘，好啱我呢啲「日理萬機」嘅全職媽媽

補充資料：去做激光脫毛前，其實要先處理好自己啲毛毛(用剃嘅方法，千奇唔好「拔」或用脫毛蠟紙)。但如果好似我咁一直都好怕剃自己啲唇毛，療程師都會幫我搞掂

獨立包裝即棄剃刀，感覺衛生

其實呢篇分享文係我做完激光脫毛一個星期後先寫，因為都想話下俾大家知個「脫後感」

1）療程師同我講過做完之後，皮膚可能會痕痕地，呢個係正常反應，注意番保濕皮膚就OK。我頭一兩日，上唇有時會痕痕地，其他位置就完全無痕過

2）做完第一次之後，唔好以為啲毛毛會完全唔生長，其實只係會慢咗生長。要整個療程做完(約6-8次，每次相隔約6星期)，毛髮去到穩定期，就真係會唔多見啲毛再生喇我宜家做完一個星期，真係覺得啲毛毛生慢咗，特別係之前又多又租嘅小脾毛

如果你都想一了百了搞掂自己啲毛毛，或者唔想俾小朋友問你做乜生鬚?!做乜好似男人咁生腳毛咁就心動不如行動，拿拿臨約個日子免除「毛」患喇 

詳細價目表可參考https://www.morebeau.com.hk/price/

為咗答謝你睇完咁大篇嘢，我都「R」咗個小小著數俾大家：只要用呢個優惠碼：KA013購買任何激光脫毛療程，唔係二人同行都可享有二人同行嘅優專

滿$3000，減$500

滿$7000，減$1000

滿$15000，減$2000

(全部以折實價錢計算)

對於收費嘅問題，可能大家同我一樣都會有啲尷尬問，但我今次好膽粗粗咁問過喇收一次錢一個價錢就直至做完成個療程為止；就算療程做完後，激光脫毛位置偶然有條小毛毛生番出嚟好「un」你眼，都可以再預約搞掂佢

如果大家仲係心大心細，都可以試下約咗個免費體驗試試先https://www.morebeau.com.hk/laser-landing/

(用我專頁嘅優惠碼：KA013登記免費體驗，仲可以得到護膚禮品乙份；唔好登記完No Show呀，冇禮物呀！）

⚠️專頁優惠碼有效期至2020年5月14日⚠️