同小朋友一齊去嘅旅行，我極少會安排去大人地方
即係例如去買買買、景點 OR 好靚坐低Hea嘅地方
原因好簡單。。。
帶得小孩去旅行，當然以佢地為中心
如果唔係，不如我同虎爸自己去 :P
今次
大阪行都一樣，全部都係小孩行程
日日都齋玩!!!!!
不過。。。竟然。。。喺DAY 2離開機場酒店出市區前
有兩個鐘空檔，俾我去OUTLET做我愛做嘅事!!!!!!!
(咁益我，係因為未夠鐘去玩KIDZANIA，哈哈)
兩個鐘！Outlet喎！
真係超級INTENSIVE SHOPPING!!!!!!
最終超額完成 XD
冇影Old School戰利品相呀
大概就係買咗「包包」一兩個，「銀包」又一兩個。。。
LC靚碗幾個、靚碟幾隻。。。
再加衫褲鞋唔知幾多件，哈哈哈哈
有冇諗過。。。只得兩個鐘。。。
點解我帶埋野人都可以超額完成?!?!?!?!
嘻嘻，好簡單，OUTLET有間LEGO店
虎爸同野人，佢地有佢地玩
我有我努力買，各取所需，正！
隨著呢兩個鐘嘅INTENSIVE SHOPPING完結
整個大阪行，大人行程嘅部份亦都完滿結束 :P
出發去大阪前，參考咗其他BLOGGER去KIDZANIA嘅經驗
為免去到先發現Full House
最好喺KIDZANIA官網預買定門票
網址：
http://www.kidzania.jp/koshien/en/
每日分兩個場次：
早場：9:00am - 2:00pm
午場：3:00pm - 8:00pm
聽聞如果去早場，預埋排隊入場時間
要晨早6、7點爬起身去!!!!!!
所以早場唔使預我，一定揀第二場！:P
去KIDZANIA，記住係搭「阪神電車」去甲子園站
好多阪X車隊呀!!!!!唔好搭錯線!!!!!!
甲子園站出站後，會見到有個巴士總站嘅物體
向著呢個方向，行兩、三個街口之後。。。
就會見到呢個商場，咁就知成功到咗KIDZANIA。。。附近:P
因為再要穿過個商場 (真係要穿過，因為係一直行到尾，行哂整個商場！)
見到引死人嘅KrispyKreme就到KIDZANIA喇
由於已經遲遲地，冇得停低食個我至愛嘅KK DOUNGNUT-___-
外觀 - 野人見到ANA個飛機頭已經相當興奮
因為佢地最想做嘅「職業」就係飛機師
KIDZANIA玩法同台灣BABYBOSS唔同
呢度每個小朋友會有張「打工卡」
只需要到心儀職業嘅地方，用打工卡預約好時間
直到預約時間到了，先返去「打工」
咁就唔使好似台灣BABYBOSS
要死守喺同一位置排隊呆等，週圍行下都唔得。。。
不過 ! 留意唔可以一次過預約定多過一種職業
要每次玩完一個職業後，再預約下一個
所以要好好計劃「打工」次序
我略略向野人簡介有咩職業之後
佢地就開始自選行程。。。
第一就當然係見到個飛機頭已經好HYPER嘅「我要做機長」
衛生問題，頭頂又要帶野人口中嘅「蘋果帽」
雖然「雞同鴨講」，依然玩得投入，哈哈
繼續雞同鴨講咁做咗汽車生產員、消防員
好有幸，野仔咁啱被編排坐消防車車頭位置
但亦都好搞笑，因為坐車頭嘅小朋友
其實要負責喺架車去緊火場時
用日文叫D途人「行開」，以免被車撞到
就咁，野人學咗AND講咗人生第一個日文字，哈！
每次打完工，都有糧出呀!!!!! (5蚊/職業)
打咗3份工之後，野人變咗富翁 :P
除咗賺錢之外，都有地方使「錢」
野人用佢地嘅「積蓄」去學車同埋租車揸
好認真，學車後，真係要考試!!!!!
野人唔識日文，差D考唔到車牌 :P
(講笑，其實職員點都會幫小朋友考到為止)
車牌到手，去租車
做事好仔細、認真嘅日本人
設計到玩個遊戲都好迫真
租車要填Form!!!!!仲要有得揀車!!!!!哈！
終於搞掂哂D手續，可以出發!!!!!
野人喺駕駛方面，確實有D SENSE
由當年4歲扮6歲喺LEGOLAND揸車
已經揸得有板有眼 :P
到宜家KIDZANIA，已經識OVERTAKE，哈哈！
揸車中途，會去入一次油
如果我係小朋友，都會覺得好好玩！
究竟言語唔太通嘅弟弟
做咗咩事搞到姐姐咁開心?!哈哈哈哈
KIDZANIA嘅街道、配件，全部都整得好仔細
身處其中，就好似喺一個小型社區咁 :)
呢個小型社區，仲要好「自給自足」
就好似野人用打工錢去租車揸
中途幫佢入油嘅就係其他打緊油站工嘅小朋友
嗰D小朋友打完工，會出糧，人工錢可以使咗去
但亦都可以選擇儲喺銀行
而銀行又有另一班小朋友打緊工。。。
所以整個KIDZANIA真係好生生不息，哈哈哈哈
由於搵「阪神電車」用咗頗多時間
所以我地其實遲咗個半鐘先入場
即係玩到8點完場，都只係玩咗3個半鐘
3個半鐘玩到5樣嘢，其實都算多
因為出發前睇其他BLOGGER分享
玩足5個鐘都係玩到5、6樣嘢
我估因為我地玩嗰日都唔算太多人
所以野人少咗個半鐘玩，都玩到5樣，算好好彩!!!!
離開前，再同ANA飛機頭影相留念 :)
離開KIDZANIA，喺商場見到「夾夾店」
職員介紹我地玩「100円玩3次必有獎」夾夾機
結果野仔每人用咗100円
得到一大袋「獎品」，滿載而歸，哈哈
回程發生咗段「離奇」小插曲。。。
話說去到「尼崎」站，突然要全車落車
仲要等咗勁耐先再有車!!!!!!!
都算好「離奇」
而更「離奇」係。。。
等車時。。。
弟弟摷番KIDZANIA頂「蘋果帽」出嚟戴！
頂帽突然出現番，仲「離奇」!!!!!!!哈哈哈哈！
下一篇預告 : KIDS PLAZA OSAKA，STAY TUNED :)
