大阪GoGoGo : 海遊館 + Adhoc心齋橋

既然玩完天保山嘅LEGOLAND Discovery Center

就當然去埋行幾步就到嘅大阪海遊館

買海遊館門票時，無啦啦見到有款套票

「海遊館 + 聖母瑪利亞號」

呢期野人除咗係「LEGO控」，更加係「船控」

見開船時間PERFECT MATCH (每逢整點開船)

所以緊急加插咗呢個坐船行程

未有野人前，已去過天保山嘅海遊館

但真係唔發現呢度有船坐。。。

「船控」野仔準備上船，心情極興奮


呢隻「聖母瑪利亞號」原來係模仿哥倫布發現新大陸時

所使用嘅聖母瑪利亞號

船隻會遊覽大阪港灣區，航程大約45分鐘

甲板下層有餐廳，近窗位置一早就會被人坐滿

所以如果你想坐「窗口位」，就要早早上船「霸位」喇 XD

野人當然要企喺甲板上「欣賞」風景啦


去船頭周圍參觀下


最估唔到係。。。野人喺船倉發現佢地至愛嘅Titanic模型 XD

吹咗差唔多一個鐘海風，BACK TO原定行程 -海遊館

海遊館，野人都好期待去

因為佢地想睇「鯨鯊」好耐好耐 !!!

原來到野人見到想見咗好耐嘅「鯨鯊」嗰時

佢地會出現兩個極端反應，一係開心，二係發呆 XD

欣賞「鯨鯊」之餘，當然再睇下兼玩下其他嘢。。。


膽小弟弟今次竟然有勇氣TOUCH下魔鬼魚!!!!

(不過掂掂下條魚突然郁，嚇到弟弟即時跳落地!!!!!!哈哈)

離開海遊館，諗住買個得意「鯨鯊」包咬下啦

點知太夜，已售罄，唯有點都食個雪糕啦 :P

雖然玩完LEGO、再搭船吹埋海風、再再去埋海遊館探「鯨鯊」

但見野人唔太攰，時間又唔太夜

突然決定去心齋橋走一趟

俾野人感受日本嘅夜生活 XD

好肚餓，叫到一枱都係

簡直就係4個大人嘅食量!!!!!


本來整個大阪之旅，係冇心齋橋呢個行程

因為根本安排唔到時間

但既然野人有機會去到，老土相都一定要影!!!!

我同虎爸當然冇影啦 XD

星之旅 完結篇 : 悠悠閒@SENTOSA

自從上年暑假去完SANYA RITZ CARLTON渡假三日

一直對渡假呢個感覺念念不忘。。。

如果唔係今次俾LEGOLAND HOTEL截擊咗我個腦

今年暑假都應該係去渡假，而唔係旅行。。。

為咗補償我少少渡假嘅慾望

由MAL返SNG嘅最後2.5DAYS行程決定HEA喺SENTOSA!!!!!

何謂HEA???就係冇時間概念，想做乜就做乜

無無聊行下街，影下相，食個飯，最爽!!!!

呢間CANDYLICIOUS，睇名都知

全間賣朱古力、糖之類所有甜嘅嘢

咁嘅一間糖店，我都可以行好耐，Wakakakaka

串燒達人 – 野氏兄弟呢期食串燒數目不斷彪升

4個人。兩打串燒。我同虎爸好似食咗兩串咋!!!!!!

今次我地冇打算入去UNIVERSAL STUDIO

一來兩年前已去，又冇新加到景點

二來覺得新+坡嘅USS冇乜嘢啱野人玩

三來想HEA，唔想行程PACK得太緊，哈哈哈哈

只係想去USS SOUVENIR SHOP逛下+使下錢，嘻嘻

當野人喺SOUVENIR SHOP外玩泡泡玩到癲喪咗嗰一刻

突然(真係好突然，只有1秒之差)落超超超大雨!!!!!!

大雨到好誇張，我以為有嘢"塌下來"!!!!!!

為咗避雨，唯有好無奈屈喺嗰間細細SOUVENIR SHOP入面

最後要等咗大半個鐘先停雨!!!!!!

喺SENTOSA HEA得黎，我地一家都去咗幾個地方

當然係估野人會鍾意去嘅幾個地方。。。

就係玩水、睇魚、滑路

滑路(SKYLINE LUGE)係乜東東???

就係坐喺個兜兜，一直滑落山

詳情可睇以下WEBSITE :
http://www.skylineluge.com/luge-singapore/skyline-luge-sentosa/

野人第一次玩，玩完超鍾意!!!!!

所以HIGHLY RECOMMEND你地如果去SENTOSA都帶小朋友去玩玩

要滑落山，一定要先上山

上山就係坐呢D好似滑雪場嘅吊兜，好舒服呢~~~

望落地見到個網，上面有個頭盔，驚唔驚????哈哈哈哈~~~

虎家頭盔4人組

虎爸實在太慢喇!!!!!!

我為咗要等佢，張相多咗兩個路人甲乙!!!!!@@

每次去旅行，無論大小，我都會去當地嘅AQUARIUM

位於SENTOSA嘅S.E.A ARUARIUM係全世界最大水族館

而且野人不嬲都愛睇魚，所以更加要去!!!!

悠悠閒閒嘆完個酒店早餐先出發睇魚

睇魚就一定要著番件魚衫襯絕一下，哈哈哈哈

野人好鍾意搭佢地身後嘅SENTOSA EXPRESS

SENTOSA EXPRESS全程得4個站

除咗喺SENTOSA STATION出閘要收費之外

WITNIN 4個站來來回回都係免費

入去AQUARIUM前，會先經過一個博物館嘅物體

其實我唔知博物館主題係咩(因為野人不斷催促我快D去睇魚!!)

大概只係知有講絲綢之路同鄭和下西洋

要小朋友專心而且將說話聽入耳

首要條件就係要表現得好浮誇!!!!!即係好似我咁，哈哈哈哈

如果做得到，你就已經具備做成功父母嘅其中一個條件!!!!呵呵呵呵

終於入到去睇魚喇，兩隻嘢好。興。奮!!!!!

S.E.A雖然係全世界最大水族館

但就冇好似其他水族館咁，有D自家SIGNATURE魚睇

即係例如沖繩水族館嘅鯨鯊。。。

唔知點解睇魚要睇到咁嘅姿勢@@。。。

睇魚之外，仲有得摸摸海星

野人本來都有D驚，但摸咗一下之後，驚嘅感覺走唒LU。。。

其實SENTOSA有得親親海豚，我估野人都應該會鍾意

但我諗佢地而家年紀太少，加上佢地成日大驚小怪

我怕佢地大叫嚇C唒D海豚，所以都係再大少少先俾佢地試 :)

一個上晝就可以HEA完個水族館

整個下晝咁多時間，就可以去野人另一至愛 – 玩水

離開SENTOSA EXPRESS嘅BEACH STATION

可以搭BEACH TRAM一個站去到玩水地方

"PORT OF LOST WONDER (POLW)"

超鍾意搭任何交通工具嘅兩個野人，當然唔止搭一個站就算啦。。。

我做咗野人嘅人肉戰靶。。。-__-

DIDI又自己挑戰嗰D長長滑梯，GOOD JOB!!!!

我地玩水當日，其實天色麻麻，所以都幾凍

野人玩咗一陣，嘴唇都開始發紫，所以都唔可以玩太耐。。。

POLW入面有間細細餐廳

玩到嘴唇發紫嘅野人，喺呢間小小餐廳醫醫肚

離開POLW，俾野人昅到旁邊有個沙灘，又去HEA左陣

啱啱喺POLW餐廳食完嘢，見到大粒魚蛋，又食

所以同黑洞胃野人出門，真係要預多少少旅費，WAKAKAKAKA

見仲有日光 + 著住件泳衣唔好嘥

返去酒店再玩水!!!!!!

又SIR滑梯100次，SIR到勁興奮!!!!!

基本上，每次我都會接住野人

但偶爾都會失手，WAKAKAKAKA

喺SENTOSA兩晚，野人都係瞓呢個角樓LONE

兩個超ENJOY + 超"恩愛"，哈哈哈哈~~~

最後一日。返香港前，見仲有少少時間，出左去SNG省城走一轉

SENTOSA STATION落車位就係VIVO CITY

即刻去門口位，影張兩年前後相，WAKAKAKAKA

出去省城，就係為咗去MAXWELL FOOD CENTRE食"天天"海南雞飯

兩年前我已經好想好想食喇

但由於當時野人正處於"唔俾人食飯"階段

所以都冇心情去食

今次GOOD喇，可以一齊食 :) YEAH!!!!

下午茶時間，依然好多人掛隊 (其他海南飯店，冇人架，嘻嘻)

食後感 : 只可以講如果你成世人都冇食過海南雞飯

而"天天"就係你第一個認識嘅海南雞飯

咁以後你再去其他地方食海南雞飯，都應該覺得唔係海南雞飯

因為"天天"海南雞飯個味係完全唔同味!!!!!

MAXWELL FOOD CENTRE隔離有條好靚嘅街，忍唔住要影一影相 :)

由於今次行程好少稍街，所以都冇機會俾我啪榴槤

唯有吃個榴槤雪糕磚頭頂頂癮!!!!

榴槤-HATER GORGOR竟然加入一齊食!!!!!

再去食埋亞坤就去機場LU。。。

飛機粉。。。

新+坡機場過完IMMIGRATION有呢棵影相樹

影完之後仲可以將相SEND去自己EMAIL，GOOD!!!!

新+坡都有COFFEE BEAN啦，香港仲未有。。。

本來我同虎爸都想搭6點零嘅飛機返香港，唔想太夜。。。

但暑假嘅機位真係太FULL!!!!所以都唯有揀8點幾機

最後仲要DELAY，真係夜上加夜!!!!!!

不過就算咁夜，野人依然精神喎

雙眼有神咁嘆個NUTS、飛機餐，仲吃埋個Haagen Dazs

另一邊箱嘅我，真係好眼瞓囉!!!!!

好彩諗起我地一家返到屋企前

我家姐姐已經從家鄉放完假返到香港

成個人都即刻冇咁攰，嘻嘻

如果唔係，要自己處理呢6日旅行嘅衫+返工，真係人都癲!!!!呵呵