寒冬下的科大BBQ

野人聖誕節假期將迎尾聲

假期最後一個WEEKEND之星期六

約左哈哈+維維喺寒冬10度以下去科大BBQ

好彩當日並無大海風

如果唔係呢4隻糉將會凍瓜!!!!!WAKAKAKA

燒烤前，維維爸"餵哺"各位小鳥....HEHEE.....

好耐冇試過呢D原始燒烤 (即係一手一腳自己透爐、買嘢食)

SUPER THANKS 維維爸媽幫我地預備食物

我真心覺得D食物預備得好好!!!!!!!!!!!!!!!!讚!!

KENNIS,我唔封你為我年度好友都唔得啦

幫我餵食埋野人，嘻嘻~~~

原本虎爸一心諗住我地燒3、4個鐘會FINISH

點知最後我地由天光到天黑，TOTAL燒左6個鐘!!!!CRAZY!!!

其實我地可以安心燒咁耐

都要多謝呢4個男孩咁通力合作，互相娛樂對方，呵呵~~~

關於2013 CHRISTMAS

自從野人開始返學

我視為聖誕節嘅日子再唔只係24-26號

而係跟足野人學校聖誕假期

總之聖誕假有幾長，聖誕節就有幾長，嘻嘻~~~

整個假期有10幾日咁長，一定要預備好節目同野人開心下!!!!

由於太多零零碎碎節目，所以來一篇"關於2013 CHRISTMAS"總結一下

(唔好話我得一篇HEA BLOG呀，體諒下，時間緊迫，2014就快殺到，嘻嘻)

野人學校聖誕假期前夕，一如往年

JOIN PTA返學校做SANTA-PARENTS派禮物

虎爸自從上年做完"濕水"聖誕老人

今年退位俾其他PAPA，同我一齊做聖誕平民，WAKAKAKA

有左上年經驗，我呢個聖誕平民同小朋友唱歌跳舞都好純熟

因為主打都係唱"HAPPY BIRTHDAY JESUS"，呵呵呵呵

雖然野人比上年已經大個仔左好多

而且我已經同佢地講好我同虎爸會返學校派禮物

(其實上年都有講定俾野人知.....@@)

但係有左上年嚇到野人呆左經驗

今年我對野人見到我同虎爸嘅反應都持保守態度

兩個最初見到我地嘅反應都好開心

GORGOR仲主動舉手玩遊戲，嘻嘻

但後來因為老師專登想幫小朋友同自己嘅SANTA-PARENTS玩遊戲

最後因為咁，惹到DIDI唔多高興，喊左

其實我就唔多介意野人出唔出黎玩，我認為佢地自己鍾意咪會主動囉

不過我都明白老師係出於好意:)

好彩DIDI天生性格比較易氹

轉頭已經冇事玩緊，哈哈哈哈~~~~

P.S.真係唔好意思，我完全冇留意學校EMAIL，原來當日便服日:P

搞到野人著左校服，WAKAKAKA!!!

聖誕節其中一個重要環節就係同朋友相聚一刻

每逢聖誕都總有部份移居外地朋友回港

與小菊一年一聚@TST GREYHOUND CAFÉ

我專登MENTION TST，因為WEEKEND嘅TST真係超超超超多人!!!!

如果唔係我地約黎約去都約唔到一日FREE出黎

我都唔會咁自殺式WEEKEND出TST!!!!!!!!

(小菊，睇下我幾俾面你，WAKAKAKA)

12月除左有好重要嘅聖誕節，仲有"冬大過年"嘅冬至

今年冬至約左一個其實識於2012年

但唔知點解去到2013先突然發掘到互相都好投契嘅朋友--->哈媽

當虎爸喺屋企預備緊冬至邊爐

帶左3隻野去CLUB HOUSE放放電

返到屋企，哈哈繼續好專心玩玩具.....HEHEE (小孩永遠都係隔離飯香)

合照張相出自玉豆對手，其實真係唔需要再驚訝個QUALITY.....

但....我初初喺電話睇....OK的，一放電腦睇真係嚇親.....

其實都係我自己衰，唔應該再放任何希望喺玉豆影相呢件事上

大家放心，我唔會真係HEA到全部聖誕活動寫唒同一篇BLOG

野人聖誕BLOG陸續有來!!!!!!!

P.S.同上年目標一樣，希望唔使欠BLOG債到2014年!!!!FIGHTING!!!!!

N-Mate聚舊

俊俊生日會後嘅節目，就係野人老友飯聚

野人第一班靠自己識嘅朋友仔就係NURSERY同學仔, N-MATE

而比較熟絡(其實係我地一班MAMA比較熟絡, HEEHEE)

就係呢六位男丁.....

而家各散東西，一齊出黎玩嘅次數都比較少

呢班全仔班FULL-TEAM見面都已經係好好好多個月前喇!!!!

"老朋友"一見面，場面混亂，嘻嘻

適逢就到聖誕，個個小孩都滿載而歸，開心C佢地

見佢地如此"合作"地俾我地一班MAMA影相

就知開心指數有幾高!!!!呵呵~~~

其實每次見到佢地聚埋，我都好無聊諗.....

唔知佢地呢段友誼可唔可以一直KEEP到各自成家立室嘅年紀

到時幫對方做結婚嘅兄弟呢，嘩哈哈哈~~~~

嘉年華@維園...AGAIN

太陽非常猛烈嘅一個下午

約左哈哈一家來到維園

就係為左呢個東華三院嘉年華

因為聽講有小朋友最鍾意玩嘅彈彈床，仲要係FREE OF CHARGE!!!

等虎爸泊車期間，我地去其中一個攤位影左一張FUNKY PHOTO(又係FREE:P)

此攤位由一個名為"Image Pro 映誌高"社企負責(唔知同東華三院有冇關係)

"Image Pro"提供攝影、攝錄及宣傳品製作服務

詳情可去佢地FANPAGE睇睇

https://www.facebook.com/imagepro.se

影相小插曲:

話說雖然呢張相係免費，但係"Image Pro"一班年青人都絕對唔係HEA影

佢地勁想幫我同野人影到一張3個都望唒鏡頭嘅相(我心知梗係冇可能啦)

搞左好耐都影唔到(其實中間我已經講左幾次"都唔使影到佢地正面喇")

而當場其實係排左一條長長嘅龍!!!!!

我好尷尬阻住人地咁耐囉!!!!最後睇張相，大家都知影唔影到啦:P

影完相，3位男孩都按奈不住要除鞋玩彈彈床!!!!

排隊期間，3隻野突然傻左

GORGOR更達到無人之境!!!!!笑C我!!!!

其實免費野黎講，排隊時間都算好短

可能因為個彈彈SIR只可以SIR一次，可以縮短輪候時間

唔知點解GORGOR一排隊冇嘢做就要"R"肚皮@@

3隻野未排到，想偷偷地喺個彈彈床邊玩住先

不過俾工作人員阻止左!!!!!呵呵~~~

終於入得去喇!!!!!

雖然呢兩張相朦到差D睇唔清楚野人

但係一定要POST出黎，因為佢地真係玩到非常狂野!!!!

男孩子真係NON-STOP，排排下隊又自創玩意!!

玩玩下，有個貌似我個女嘅小朋友加入!!!

真係幾似，又笑C我!!!!

當我地玩到最後呢個彈彈床

大會突然宣佈所有彈彈床要夠100CM高嘅小朋友先可以玩

突然改RULES，唔知係咪發生左意外

如果我地呢一刻先到，真係乜都唔使玩就要走LU.....

(3隻野都未夠100CM高，嘻嘻)

玩飽彈彈床，去練下手力，擲豆袋

分享M&M時間

呢3位小朋友以前喺NURSERY係茶點時間嘅"添食"BUDDIES!!!

所以嘉年華後，一定要食下嘢啦!!!

可惜GORGOR未食前，已經進入熟睡狀態!!!!!!

其實東華三院呢個嘉年華真係算唔錯

唔太迫人，又有嘢啱小朋友玩，仲要係免費!!!!!!

唔知係咪年年都有呢???