今年選擇咗"上水假日農場"
野人搭慣校車，唔需要我提醒
一上旅遊巴必做指定"扶實"動作，叻!!!
旅遊巴上嘅野人又俾我感覺長大左好多
1)佢地兩個自己坐，唔一定需要我同虎爸陪坐
2)全程都冇瞓覺，欣賞沿途風景
3)老師帶領唱歌，佢地有一齊唱，再唔係一舊飯咁樣!!!
經過一段好崎嶇嘅路，終於到達目的地
基督教背景嘅學校，第一件事當然係唱詩+祈禱
而野人.....真係任何時候都在進食!!!!!(學校老師都係咁講@@)
其實學校旅行呢樣嘢，去完真係好攰.....我指我地一班父母
我記得.....上年去完都好似全個人想散開
因為我地仲處於"3陪"階段，陪玩、陪食、陪瞓覺
佢地玩乜，我地就要玩乜
好似呢個山仔，上上落落數十次
佢地唔會放過我，一定ASK FOR我一齊玩!!!!
但係見到佢地去完旅行又確實玩得好開心!!!!攰都抵番唒:)
一張長櫈都要玩好耐
之後仲有同學仔加入!!!!!@@
俾上年N班老師見到佢地玩櫈
即刻笑到勁尷尬!!!!!!呵呵呵呵~~~
野人大個唔知係咪想做"花王"
勁鍾意玩"灌溉"!!!!!!!
差D想唔玩其他任何嘢!!!!(真係太專一-__-)
玩左30次都有!!!!
好彩都有良心地叫我小心D去打水:)
其中有個活動係自製麵包
兩位哥仔，一個要隻馬，一個要HELICOPTER
放喺4、5位置就係野人嘅馬+HELICOPTER，哈哈哈哈
焗完出爐個樣真係笑C我!!!!!!!!!都唔知似乜鬼!!!!!!
不過野人仍然好興奮話
"嘩，我隻馬呀""嘩，我架HELICOPTER呀!!"
完全體驗到"指鹿為馬"係咩意思!!!WAKAKAKA
兩隻野仲要食到勁滋味咁嘅樣
搞到我都忍唔住試左一啖
嘩，個包冇味到呢，兩隻野擺明整蠱!!!!!
整完麵包，仲有COTTON CANDY
一個興奮，一個兇狠!!
食飽飽去散下步
見到隻豬瞓左覺，野人話要靜D行!!!!
心諗就算你地喺隔離打鑼打鼓，隻豬都未必醒(哈)
但係都欣賞你地懂得體諒隻豬
不過點解平時我同虎爸仲瞓緊覺，兩隻野喺屋企都係勁嘈?!?!?!?!
其實呢個假日農場話佢好多嘢玩又唔係
玩佢冇乜嘢玩又唔係
但總之會搵到D嘢做…
DIDI玩呢個，我好驚呀!!!!!!好驚佢玩到一身泥呀!!!!!
係呢個時候，佢地兩隻野都玩到冇電喇
呢頭仲吃緊個農場自家焗製菠蘿包
轉頭就係我隔離熟睡!!!!!
咁又過左好攰但又好HAPPY的一DAY:)
咁HAPPY嘅一日都要多謝一班PTA家長咁出心出力搞今次嘅旅行
呢個多謝當然虎爸都有份啦~~~~
沒有留言:
張貼留言