喺虎家工作咗5年半嘅玉豆姐姐突然請辭!!!!
冇咗姐姐，我同虎爸就輪住放假睇野人
由於個人比較懶，加上我「當值」嘅日子通常喺週末前
所以接野人放學後，我就會帶野人去媽子屋企暫住1、2天
咁就可以唔使煮飯得嚟，野人又有住家飯食，住家湯飲 :P
當然唔係餐餐要媽子煮啦，同一老兩嫩去食佢地鍾意嘅SUSHI、飲茶
由於唔係放暑假咁真正FREE
所以喺野人婆婆家渡假之餘，都不忘要做「正經事」:P
以前我細個每逢長假期都好鍾意去自己婆婆屋企住
因為婆婆總係會預備好多嘢食，務求令我個口冇時停
我諗野人宜家同我以前嘅諗法都相類似 :P
二十多年前嘅我，經常到婆婆家留宿
令我充滿住好多快樂、令人回味嘅童年回憶
希望二十多年後嘅野人，都因著婆婆家留宿呢個經歷
擁有好多快樂難忘嘅回憶 :)
沒有留言:
張貼留言