野餐 @ 大埔海濱公園

第一次去大埔海濱公園已經是一年多前的事

當時發現那裡有個大草地適合野餐 (經常發掘新野餐場地已成我的嗜好:P)

但由於那次是即興去的，沒有準備野餐物資

所以只踩了單車、玩了公園設施

一年以來，一直無再去過此公園

5-1勞動節，朋友仔FAMILIES相約於大埔海濱公園野餐

GOGOGO，終於可以去"試草地":P


這個草地比中山紀念公園的多人，但比佐敦谷的少人

而且這裡有很多樹蔭位，最啱野餐 :)

不過都有不少人在草地上放風箏

所以小朋友在草地喪跑時要小心小心!!!!

真係好鍾意同小朋友去野餐

帶少少玩意玩下、跑下草地

玩到攰、餓就即刻可以"攤"在草地休息及開餐，好方便!!






大埔海濱公園有個觀景塔

這個可以喪跑的機會，小朋友點會放過!!!!!





其實唔止5個小朋友呀!!還有一個小BB。好可愛 :)

3個家庭，6個小朋友，只有1個女孩子，好珍貴，嘻嘻

這4個小孩，由媽媽肚內已認識

看著他們一齊長大，真的很開心:)

初遊大埔海濱公園

星期日，返完教會，見好好天

即發掘下D未去過嘅公園。。。

之前喺FB見其他朋友去大埔海濱公園嘅相，個公園好似幾得

我自己都未去過，帶埋野人一齊踩下新場

一入到去，就見到個放船池

野人專心睇船睇到唔想走。。。(但我就快曬C!!!!!)

再行入D個公園，就見到好多人野餐嘅草地

但我地冇預備野餐，直接殺去海邊踩單車。。。

GORGOR隻腳好似俾個LOOK食住咗。。。-__-

如果唔想好似我地咁帶自家單車，海邊都有租單車地方

下次再去我都想租架家庭車喺海邊踩 :)

踩車踩到悶，去跑下。。。

真係好熱呀。。。呀。。。呀。。。

由於氣管炎又黎搵我，咳到冇命，咁熱都要飲自備暖水

仲要睇住佢兩隻野飲凍凍寶礦力。。。唉-__-

我覺得大埔海濱公園都係一個幾完善嘅公園

有草地野餐、有單車租、有幾個小食亭、有個有位坐嘅餐廳仔

仲有小朋友至愛嘅遊樂場

玩到攰，去海邊吹吹風~~~

唔知大家有冇用過GENKI APPS嘅攞飛FUNCTION呢????

本人真係覺得呢個FUNCTION好STUPID

因為只係可以拎到附近分店嘅飛 (仲要真係好附近下!!!!!)

話說離開海濱公園，諗住拎定張GENKI飛

我地架車要過左九龍灣先拎到APM GENKI飛!!!!

咁我估個APPS原意都係想方便人唔使排咁耐隊

但去到咁近先拎到，同我自己行到去間舖先拎，分別都應該唔大囉-__-

所以呢個FUNCTION我估計只有利於屋企樓下就有間GENKI嘅人

可以喺屋企HEA多陣先出發，WAKAKAKAKA

野人其實好少有機會食雪糕

因為長期都好似有D咳清唔到

見佢地呢期真係冇咳好耐

我先敢帶佢地食少少雪糕開心下 :)

GORGOR五官表情真係好浮誇

如果佢肥仔D，真係絕對有說服力做飲食代言人，嘻嘻