2016。野餐初體驗@山頂秘密公園

2016第一天，沒有外出

留家吃了豐富晚餐



最豐富在，有虎爸自家製沙律 :)

唔外出，為的是每年一月一日嘅叱吒樂壇 :P

第二天，身為PICNIC-LOVER嘅我

就算天陰陰，都堅持去野餐

作為新一年有一個好開始 :)

一年之初嘅首次野餐

特別少少，試個新場地 – 山頂公園

呢個山頂公園，好多人都視為山頂秘密花園

因為位置上，確實比較「入」、比較神秘。。。

經過「柯士甸山遊樂場」後，再要沿著柯士甸山道一直行

直到差唔多去到柯士甸山道嘅盡頭

就會見到泊車位置，亦即係山頂公園嘅所在地

停車位置，會見到電視已經見過好多次

「真身」都係第一次見嘅呢個涼亭 :P


山頂公園野餐草地就喺停車位旁嘅一段小路行落去

為隆重其事，2016首次野餐

預備嘅物資好豐富!!!!!!




我之所以咁鍾意帶野人野餐

喺之前好多篇BLOG都解釋過 + 介紹過野餐嘅好處

其中一樣重點就係野餐之餘，野人又可以放電




野人也有靜態時。。。

佢地近期好愛畫畫，特別弟弟 :)


 

提提大家，唔同好多其他禁狗公園

狗狗係可以入去山頂公園玩呀

我去當日，有人喺嗰度搞婚禮

一對新人+朋友們都帶唒自己悉心打扮嘅CHIHUAHUA觀禮

所以在場都有好多小狗狗

不過就算驚狗如我都OK，因為所有狗主都會看實自己嘅狗狗 :)

山頂公園除適合結婚外，亦有好多人影婚紗相

就咁我地野餐時間，都有3對影相

無可否認，呢度確實幾靚 + 人唔多，好舒服

山頂公園，一定會再去下一次!!!!!

閒遊香港科技大學 + 家中烤肉日

我同虎爸都係科大舊生

所以對科大總係有個情意結

隔幾個月就會返去科大野餐OR食個BRUNCH

今次約埋一樣都係科大友嘅我的大學同學一齊閒遊科大 :)

先去科大UC嘆個BRUNCH



BB慘慘豬喇，有得睇冇得食 :P

玩下D大人玩意。。。


最好眼界嗰位。。。好似係我，哈哈哈哈

帶著班小朋友，唔通真係可以悠悠閒閒嘆BRUNCH傾幾個鐘咩(嘻嘻)

食飽飽就要同班小孩去放電喇!!!!!!

呢條俗稱科大嘅偷情小徑

兩旁嘅大樹愈嚟愈茂盛

偷情小徑都就快被淹沒(係咪唔會修剪呀???)

小徑愈嚟愈窄，有圖有真相!!!!!

去前一日仲擔心會落雨，要諗定BACK UP PLAN

點知勁好天!!!!! (忘記咗野人係陽光小子，嘻嘻)

BB暫時未可以同班大哥哥一齊發癲，不過相信好快會加入 :)

作為野餐MAMA，車上總有兩、三件野餐用具傍身

今次都算成功將AIDAN「集郵」(雖然佢個樣有點拘謹XD)

玩到差唔多天黑就返歸

虎爸突然好想烤肉

講到食「肉」方面，虎爸係會好積極預備唒所有嘢!!!!!

我只係需要等食。。。




仲要炒埋烏冬，讚!!!!!

野餐@元朗市鎮公園

第一次約大笑BB去野餐:)

地點選了方便大笑BB嘅元朗市鎮公園






幫大笑BB「搣」提子皮

我對野人都冇咁體貼:P



呢位弟弟真識嘆!!!!!

一邊吹「芭蕉扇」，一邊食嘢@@


就快到潘ee生日

野人預備咗生日卡送俾親愛嘅潘ee



元朗市鎮公園，應該自從小學旅行之後就再冇嚟過

呢度有片草地，啱唒野人放電







除咗大草地放電，仲可以行(跑)上鳥塔

呢D咁大運動量嘅活動，啱唒虎爸，消脂一流!!!!

所以當然派虎爸陪野人去放電XD








放夠電，開始日落，準備離開



一場去到元朗，順便去只開咗幾日嘅YOHO MALL「觀摩」下

食個飯。。。


平時虎爸除咗抱野人之外，其他BB都唔抱

大笑BB真係好專貴，得到虎爸嘅寵幸，嘻嘻