跟著虎爸上班去

我家玉豆姐一月頭突然請辭了。。。

一個月過去，其實我心情都麻麻 :(

唔係因為姐姐突然請辭，要做番家務

或者因為又要請新姐姐而心煩

而係100%因為屋企突然少咗個人

我個心有份好重嘅缺失感。。。

雖然好多朋友都同我講「對姐姐唔使有真感情」

而且我姐姐其實係欠落一身債走咗去

但係我就係對佢有種唔捨得嘅感覺

見過我姐姐嘅朋友，應該都知我姐姐態度其實唔太好

直頭可以用「串」嚟形容

家務方面，其實又唔係做得好好

明明每日都要做嘅家務，有時都可以忘記得乾乾淨淨

但。。。佢就係由野人仲喺我個肚

到宜家野人已經5歲半，一直陪住野人成長嘅一個靈魂人物!!!!!

以前我有時都會幻想玉豆姐離開我地屋企嘅畫面

唔知野人有咩反應?!我自己又會有咩感覺?!

始終「天下無不散之筵席」，姐姐一定會有走嘅一日

其實我以前每次諗，每次都會眼濕濕

雖然喺我幻想之中未出現過突然請辭呢個畫面

但結果都係眼濕濕，我呢一個月每次同朋友提起玉豆嘅事

我每次都係眼濕濕。。。

可幸嘅係，野人對玉豆姐呢件事唔係有太大嘅負面情緒

可能佢地都知姐姐做咗唔啱嘅事，唔走唔得

而且姐姐走咗呢段時間，我同虎爸陪佢地嘅時間都多咗好多

加上野人宜家都大大地，對姐姐嘅倚賴都比以前少

所以都唔使太擔心野人嘅心靈狀況

可能我嘅心靈狀態比野人更差 :P

野人可能知我心情不佳，送我SWEET HEART畫一幅 :)

由於冇姐姐，又唔想野人婆婆要長時間湊住兩隻嘢

所以野人學校新年假未完嘅日子

虎爸帶住兩隻嘢返工返咗兩日XD



而我自己，就有自己嘅「開工大吉」

冇兩隻嘢陪，只有醒獅陪我 :P

其中一日，3父子放咗工去接我放工，齊齊晚飯 :)

SWEET SWEET~~~





飯後。。。當然要。。。飯後甜品 :)


姐姐閃後小插曲：

姐姐走咗，雖然我地都有請鐘點EE嚟屋企打掃地方

但係虎爸都趁住呢個機會，俾野人做下家務!!!

記得姐姐閃人第3日。。。

我：「D碗等我一陣洗」
(飯已經係小虎煮，我唔好意思碗都唔洗:P)

點知小虎回我：「乜你識洗碗咩???」

我：「碗都唔識洗，你當我低能呀?!」

最後D碗當然唔使我洗 :P

記得未結婚前，我老豆都會去洗碗

佢去洗碗係因為覺得我結婚後有排要做家務

所以趁佢可以幫我做，就儘量幫我做

點知最後我嫁著個老公，完全唔使我做家務 :P

感謝主，喺我生命出現兩個咁愛錫我嘅男人 :)

虎家的新年假期

經過一晚野人嘅幫忙 + 自家最後衡刺

終於完成唒新年嘅家居「裝置」

今年加入咗少少新元素，包括呢個我超LIKE嘅零食新擺法

仲有今年唔買百合花，變咗5顏6色菊，靚!!!

今年都有買我好愛嘅水仙。。。

但係今年盤水仙就唔多GOOD喇

遲開花得嚟，仲要又高又低「散修修」:(

官方的3日新年假期

當然都係去各家各戶拜年

大年初一出發前

我+野人三個當然要向我地一家之主逗利是 :)


先返娘家，再去野人太婆家。。。


野人E-MA想成功影嘅SELFIE，我諗都要等野人大多幾年XD


姨丈唔影SELFIE都一樣出事地被野人「遭質」XD

同我親如家人嘅野人POON EE，新年當然要見 :)



臭豬大笑仍然只愛男人，不愛我!!!!!!!

官方最後一日新年假，唔使去拜年

本來都諗住同野人出去玩

但由於虎爸近來實在太勞累，所以最終決定留家休息

食食新年必吃糕點、睇睇電視



最後送上野人今年對E-MA自家整蘿蔔糕嘅食後評語 :)

超突然。布吉「游」

野人學校突如其來嘅兩日假期
(學校N班面試日，以往3年都得1日假，今年變2日!!!)

換來呢個超級Adhoc四日三夜布吉之旅

今次Adhoc程度有史以來最高

出發前唔夠一星期先BOOK酒店機票!!!!!

揀去布吉，就係因為咁趕，要去一個乜都唔使PLAN嘅地方，哈哈

我地揀咗住Centara Grand West Sands Resorts & Villas

原因只有一個︰Resort入面有個好好玩嘅Water Park

完全唔怕水+極愛游水嘅野人學咗幾個月游水

去今次布吉旅行就啱唒佢地，可以盡情咁游!!!!!

得4日假期，我地爭取時間搭零晨機去

所以到埗已經係差唔多零晨4點

事前約定酒店車喺機場接我地

我地只係一家4口+行李唔多，坐呢架車好舒適寬敞:)

兩隻嘢差唔多零晨5點瞓

朝早8點幾就起身問我幾時去游水!!!!!係咪癲呀????!!!!!

Good Morning, Phuket。。。Zzzzzzz

好﹗到咗親子旅遊BLOG嘅實用資料部份

首先介紹下呢間Centara Grand West Sands Resorts & Villas

我地間房係Luxury One-Bedroom Suite



廚房內設備都算齊全，有興趣煮食嘅朋友可諗諗自家煮

如果再有下次，好想約多個family去住Villa，仲正!!!!

整個Resort都靠Buggy代步

幾個重要位置，例如CHECK-IN LOBBY、WATER PARK、餐廳門口都有BUGGY STOP


等Buggy去食早餐。。。



由於我地好懶，所以4日3夜裡面，90%嘅早、午、晚3餐

我地一係就喺位於酒店泳池旁嘅餐廳解決

一係就ROOM SERVICE
(我懷疑ROOM SERVICE嘅食物都係出自同一間餐廳，哈哈)







餐廳附近就係KIDS' CLUB





KIDS' CLUB門口有個小沙池

怕太陽曬就可以喺呢個小沙池玩沙



唔怕曬就當然去沙灘任玩沙啦!!!!


唔好以為夜晚所有小朋友返唒酒店房

其實係去唒KIDS' CLUB「狂歡」

夜晚嘅KIDS' CLUB真係好熱鬧

有唒著住"ENTERTAINER"衫嘅職員出盡力娛樂班小朋友

又唱又跳，個個小朋友都好HIGH

野人一向都唔鍾意唱及跳，當然冇HIGH埋一份。。。

唔好以為只有夜晚先見到呢班出盡力嘅"ENTERTAINER"

其實由早到晚都會見到佢地出現喺RESORT嘅泳池、沙灘附近

因為呢個RESORT一星期7日唔同時段都有活動娛樂住客


AQUA AEROBICS、DARTING、WATER VOLLEYBALL、FOOTBALL等等




大人有大人活動，小孩又有小孩活動

所以呢個RESORT確實好啱一家大細嚟玩 :)

我都算有參與下AQUA AEROBICS

但對野人，有乜嘢活動玩都唔關佢地事

最緊要有個泳池俾佢地怒游!!!!!!














有兩個兒子嘅待遇，可以做太后，哈哈哈哈

哥哥玩玩下，有「異國」艷遇，哈哈哈哈


對於野人，真係有得游，有得嘆，有得飲下嘢就好滿足 :)





我都要嘆!!!!!!!!!!



P.S.補充資料︰RESORT入面得一間便利店仔

有少少飲料、薯片、杯麵、游水用具買。。。


解構完RESORT，到介紹本旅程之重點「WATER PARK」

8個字可以貼切形容呢個喺RESORT入面嘅WATER PARK

「麻雀雖小，五臟俱全」




呢個WATER PARK係OPEN TO PUBLIC

如果係呢個RESORT嘅住客就無限次免費入場

我地4日布吉之旅，日日都有入去WATER PARK玩

如果你小朋友都係超鍾意游水

咁一定會好似野人咁，日日玩都唔悶!!!!!

WATER PARK有大約10條唔同樣嘅滑梯







另外有要用水泡玩嘅滑梯，總共有3個

野人只夠高玩到其中一個

(另外兩個滑梯要求︰SINGLE RIDER - 身高>122CM及體重>45.5KG)

雖然只玩到其中一個，但都足以令野人玩到勁開心(勁大叫，哈哈)

至於大人。。。當然玩到勁攰

因為野人唔可以SINGLE RIDE嘛

即係每次玩，大人都要揹住個「雙水泡」行幾十級樓梯

P.S.我實在行得太多次，所以無聊數有幾多級樓梯，不過已經唔記得咗，哈哈


野人唔夠高玩嗰兩條滑梯

當然。。。我自己有去玩啦XD

超好玩!!!!!!!超爽!!!!!!!


另外仲有WAVE POOL、KIDS PLAY POOL、RIVER。。。






喺WATER PARK玩到餓都唔使出番去RESORT

因為WATER PARK有餐廳，食飽飽又可以即刻玩過

野人清醒時，真係唔留力狂玩

要知道佢地有幾狂玩，可以由佢地真係會玩到眼瞓要X電就知

佢地有得玩就忘記攰呀!!!!!竟然要小眠，真係好攰，哈哈


其實只係瞓一陣，急X完，又游過，真係精力無限大!!!!!!!

未游前，去嘆球雪糕先

呢頭食完雪糕，轉頭就飲西瓜汁、椰青，肚唔肚痾呀?!?!?!


布吉嘅天氣真係好有趣

明明好好天，但每日都會有大約半個鐘落勁大雨

雨後又變勁好天!!!!!

我唔知布吉係咪就係咁，因為今次係我第一次去布吉

但我玩咗呢幾日，確實日日都係咁嘅PATTERN


今次去完呢個RESORT，大人細路都覺得好好玩

連虎爸呢個唔係「玩水人」

都話將來放3日假都過去玩下，好過去澳門喎，嘻嘻

後記︰

每一次同完野人去旅行

我都會覺得野人又長大咗一點點 :)

P.S.兩隻嘢每次去完旅行

返到屋企都要即刻畫遊記 (唔理幾點鐘都要畫。。。)