親子玩意 | KRACIE DIY知育菓子

身為小朋友每日嘅陪玩專員

我都會經常留意有咩好玩嘅「親子玩意」

近期同野人玩咗由日本研發嘅教學糖果「KRACIE DIY知育菓子」

「KRACIE DIY知育菓子」一共有八個款式

我同野人今次玩咗Sushi同Pizza兩款 :)

小朋友喺玩嘅過程中。。。

要學識睇說明書，知道邊樣做先、邊樣做後

再根據說明嘅份量、時間去搓粉團、沖調顏色粉


由於菓子體積比較細

所以都好考小朋友小肌肉嘅靈活度以及手眼協調

整嘅過程已經好好玩

整完仲可以食番自己嘅製成品，小朋友最LIKE :)

日本產品一向做得好迫真!!!!!

嗰個Pizza底，真係有陣烤過嘅味!!!!!!

食到野人LAM LAM脷 :P


製作過程只需加入清水

而且菓子嘅顏色及果味大多來自天然蔬果

所以好安心俾小朋友食用 :)

一盒DIY糖果，有得玩、學、食，一舉三得！

絕對可以帶嚟一個優質嘅親子時間 :)

「KRACIE DIY知育菓子」銷售點：City'Super、LOG-ON

產品及有關資料由Kracie HK提供
http://www.db-beauty.com.hk/category/cat-kracie-food/cat-kracie-diy-candy/

跟著虎爸上班去

我家玉豆姐一月頭突然請辭了。。。

一個月過去，其實我心情都麻麻 :(

唔係因為姐姐突然請辭，要做番家務

或者因為又要請新姐姐而心煩

而係100%因為屋企突然少咗個人

我個心有份好重嘅缺失感。。。

雖然好多朋友都同我講「對姐姐唔使有真感情」

而且我姐姐其實係欠落一身債走咗去

但係我就係對佢有種唔捨得嘅感覺

見過我姐姐嘅朋友，應該都知我姐姐態度其實唔太好

直頭可以用「串」嚟形容

家務方面，其實又唔係做得好好

明明每日都要做嘅家務，有時都可以忘記得乾乾淨淨

但。。。佢就係由野人仲喺我個肚

到宜家野人已經5歲半，一直陪住野人成長嘅一個靈魂人物!!!!!

以前我有時都會幻想玉豆姐離開我地屋企嘅畫面

唔知野人有咩反應?!我自己又會有咩感覺?!

始終「天下無不散之筵席」，姐姐一定會有走嘅一日

其實我以前每次諗，每次都會眼濕濕

雖然喺我幻想之中未出現過突然請辭呢個畫面

但結果都係眼濕濕，我呢一個月每次同朋友提起玉豆嘅事

我每次都係眼濕濕。。。

可幸嘅係，野人對玉豆姐呢件事唔係有太大嘅負面情緒

可能佢地都知姐姐做咗唔啱嘅事，唔走唔得

而且姐姐走咗呢段時間，我同虎爸陪佢地嘅時間都多咗好多

加上野人宜家都大大地，對姐姐嘅倚賴都比以前少

所以都唔使太擔心野人嘅心靈狀況

可能我嘅心靈狀態比野人更差 :P

野人可能知我心情不佳，送我SWEET HEART畫一幅 :)

由於冇姐姐，又唔想野人婆婆要長時間湊住兩隻嘢

所以野人學校新年假未完嘅日子

虎爸帶住兩隻嘢返工返咗兩日XD



而我自己，就有自己嘅「開工大吉」

冇兩隻嘢陪，只有醒獅陪我 :P

其中一日，3父子放咗工去接我放工，齊齊晚飯 :)

SWEET SWEET~~~





飯後。。。當然要。。。飯後甜品 :)


姐姐閃後小插曲：

姐姐走咗，雖然我地都有請鐘點EE嚟屋企打掃地方

但係虎爸都趁住呢個機會，俾野人做下家務!!!

記得姐姐閃人第3日。。。

我：「D碗等我一陣洗」
(飯已經係小虎煮，我唔好意思碗都唔洗:P)

點知小虎回我：「乜你識洗碗咩???」

我：「碗都唔識洗，你當我低能呀?!」

最後D碗當然唔使我洗 :P

記得未結婚前，我老豆都會去洗碗

佢去洗碗係因為覺得我結婚後有排要做家務

所以趁佢可以幫我做，就儘量幫我做

點知最後我嫁著個老公，完全唔使我做家務 :P

感謝主，喺我生命出現兩個咁愛錫我嘅男人 :)

單車樂@將軍澳海濱長廊

近期秋高氣爽，啱唒做一系列戶外活動

但大家都知呢個"爽"唔係維持得好耐

所以要抓緊時間去野餐、行山、燒烤、踩單車等等!!!!

上個月，虎爸同野人喺將軍澳海濱長廊單車樂

今次再ENCORE同一條路

等我同大家拆解下呢條路有乜咁GOOD要ENCORE啦:)

將軍澳海濱長廊全程由將軍澳康城站至調景嶺站

虎爸帶住野人由康城站出發






中途經過一條橋，景色好優美:)


如果唔想踩唒全程，可以喺將軍澳站離開

又或者喺將軍澳站先開始踩至調景嶺站

溫馨提示︰將軍澳站附近有單車舖出租單車(但數量就好似唔太多)

破風︰野人版XD


由將軍澳站至調景嶺站嘅景色

本人覺得更美，連野人都覺得靚到嘩嘩聲

而且整段路好好踩，踩得好舒服:)



日落西山下。。。回程了。。。



去到調景嶺站，某人發嬲

因為某人想原路踩返去康城站(真好精力@@)

但虎爸當然唔會陪佢咁CRAZY啦，攰丫嘛:D

未能如願以償，咪嬲到咁囉，哈哈哈哈~~~~

夏天的尾班車@清水灣二灘

本來以為要到2016先有得同野人再去沙灘

點知中秋後仲熱屎LA LA

可以去抓住夏天的尾巴，呵呵呵呵


出發前小插曲。。。

兩隻嘢對於去沙灘有點分歧

哥哥想去沙灘，弟弟想去泳池

最終決定去沙灘，因為泳池可以隨時去

沙灘就真係應該今年最後一次

因為呢個決定，兩隻嘢就開始鬥咀

哥︰「沙灘咁好玩，所以一定好多人，邊有人鍾意去泳池呀?!」

弟︰「激氣!!!!!!沙灘一定好少人去呀!!!!!」

小學雞鬥咀就是這樣練成的，哈哈哈哈

兩隻嘢而家經常亞相整蠱，哈哈



多謝虎爸全程照顧野人，令我可以舒舒服服瞓個午覺XD




近期愛上跳飛機，任何地方都可玩跳飛機:)

野人又畫佢地嘅大作!!!!!


沙灘玩樂，2016再見!!!!!

2015。中秋節

中秋節，有幾樣指定動作必做

1)中秋節，即是月餅節



今年哥哥瘋狂地愛上吃月餅!!!!



2)人月兩團圓，家人團圓飯

唔食月餅，食蛋糕


3)賞月，玩燈籠

中秋節點都要去屋企樓下玩下先安落

呢個係我細細個時開始有嘅屋企傳統

只有中秋節，屋企樓下先有嗰一種專屬嘅熱鬧:)








咁多年中秋節，我都冇同野人玩蠟燭

原因不盡是因為我怕佢地玩火

而係本身我自己極怕火(打火機，我都唔敢用^^")

我唔玩，虎爸又唔玩，咁野人邊有機會玩呢?!?!?!哈哈

所以雖然我覺得傳統燈籠係最靚

我都冇買俾野人，只係拍個照留念:)

唔影相記低真係驚遲早冇埋

仲記得自己細個好驚一個好似太陽樣嘅圓形燈籠

大家都應該知係邊款

以前周街都見到，而家真係買少見少。。。

今年聽聞係超級月亮

雖然最初好多雲，但之後雲散了

個超級月亮又確實係超級光+亮:)