呢個巴屎閉之旅，由買機票之後
一直守口如瓶，真係忍得好辛苦 (我係忍唔到口TYPE!!)
但為求令野人有爆驚喜嘅感覺，一直死忍!!!!哈哈哈哈
去前一晚，仲要等野人瞓唒覺，先開始執行李
今次認真「用心良苦」!!!!!!哈哈哈哈
終於到出發日，晨早6點幾叫醒野人
弟弟第一反應係：「媽咪，可唔可以俾我瞓多一陣??」
但當我講完「起身去旅行喎!!」
弟弟即開眼，衝出廳，再大叫哥哥起身!!!!!哈哈哈哈
見到呢一幕，覺得之前「忍口」忍得咁辛苦都值得:P
驚喜之旅嘅結果，就係叫佢地要拿拿臨執喼!!!
小孩旅遊真樂趣之一，拉唿 :)
呢個香港機場景點真係好景點
多人影到呢。。。永遠有個大媽在身後!!!!
READY-TO-GO GO GO!!!!
驚喜之旅帶來嘅高漲情緒唔知係咪太持久
直至到著台灣機場，野人情緒仍然高漲
台北DAY 1第一站
帶野人去"台北市立兒童新樂園"玩玩玩
喺捷運"劍潭"站外，有SHUTTLE BUS前往兒童新樂園
野人第一次去台灣，第一次搭捷運
對捷運版圖好有興趣。。。
原來帶六歲以下小孩去台北真係好抵!!!
搭捷運唔使錢!!!!
兒童新樂園入場又係唔使錢!!!!
野人一入場就衝去玩呢個免費嘅兒童遊樂場
呢個遊樂場旁邊仲有得玩沙玩水
但我入場後先知有個咁嘅地方，冇帶玩沙事後「裝備」
所以野人。。。
有得睇，冇(得)玩:P
除以上遊樂場外，其他大型戶外設施都係用悠遊卡按次收費
每次收費介乎NT$20 – NT$30 (港幣$5-$8玩一次，超抵玩!!!!)
溫馨提示: 場內有悠遊卡售賣，一張悠遊卡可以連環”DO”
所以如果本來冇悠遊卡，又多於一個小孩，買一張悠遊卡都可以:)
場內13個大型戶外設施，以野人高度，夠高玩7個
當然係玩唒7個，而且唔止玩一次啦!!!!哈哈哈哈
本來以為唔夠手長，要用腳按掣
但後來發現部份「飛船」有多一個手掣在旁邊:P
基本上而家玩呢類遊樂設施
如果冇指明要大人陪同，野人都係兩個自己去玩
我同虎爸都可以「退休」，唔使陪玩
只係部份觀光味濃厚點嘅設施，我地兩老就會陪玩:P
摩天輪撇開浪漫，好玩之處就係咁:D
兒童新樂園入面有FOOD COURT、BURGER KING
同埋一間細細兒童FEEL餐廳(印象唔吸引，所以唔記得有咩食:P)
我地揀咗FOOD COURT醫肚
質素好一般，如果再揀，我會食BURGER KING，哈哈
差D跌唒冇得食!!!!野人後面個人幾驚，嘩哈哈XD
FOOD COURT外面，有一堆HEA玩意。。。 (投幣付款，不是用悠遊卡)
除了戶外大型遊玩設施，仲有一個室內AREA
感覺就像「平價版」冒險樂園 (全部都是投幣付款，不是用悠遊卡)
"冒險樂園"內有個遊戲區，分場次玩，免費的
不過我地時間唔多夾，冇玩。
呢個台北市立兒童新樂園，閒日跟周末開放時間唔同 :
週二到週日：每日09:00~17:00
週六及寒暑假期間延長營運至20:00(暑假期間週六試辦延長營運至21:00)
連續假期(除收假日外)延長營運至20:00
週一及農曆除夕：休園日不對外開放
緊記!!緊記!!逢星期一休息呀!!!!!!
我地選擇星期六去，因為開放時間長少少
可以玩耐少少，而且原來星期六都唔係太多人
排隊時間絕對可以接受，玩得好舒服!!!!
去東門站I.O.U店吃個甜品完結DAY 1行程 :)
DAY 2就是要去今次巴屎閉生日之旅重點行程「宜蘭」
STAY TUNED!!!!!!!!!!!!!!
