한국어考試完成

한국어大考於一月尾舉行

所以由一月頭開始，如非必要出席嘅活動

都可免則免，務求儘量留家溫書備戰!!!!!

大考前幾日，先來個次次考、次次都緊張到死嘅ORAL TEST

完咗ORAL，其實個人都鬆咗好多

即刻去開心獎勵自己

但返到屋企都繼續要溫、溫、溫!!!!!!!!!!!

喺我留家閉關呢一個月

其實虎爸同野人都理應可以如常外出

不過由於野人本身都係宅男底

所以除一定要出嘅街之外

佢地都寧願留喺屋企，做佢地愛做嘅事:P

例如砌LEGO + 狂畫畫




專心溫書。難

仲要一月經歷寒流下溫書，真係更難!!!!!

加上野人在家無間斷嘅騷擾

搞到我成日都分心同佢地影相解溫書悶氣 :P


幸好有個貼心虎爸，預備好邊爐 + 驅寒蕃薯糖水

幫我打打氣 :)



虎爸仲要幫我完成咗每年一月必做嘅事!!!!

加上帶兩隻嘢離開下屋企，等我可以專心溫書 :)


講真，溫到後期，就算覺得自己未百分百準備好考試

都想快快考完就算!!!!!(溫書過程實在難頂。。。)

終於都捱到孝試日兼放監日 :P


咁啱考完試當晚教會小組食盆菜

感謝主，呢個盆菜聚時間真係啱啱好

早一個星期未考完試之餘，仲要凍到得3度

真係唔會食到!!!!!


考完試，趕住去做要做、愛做嘅事。。。

農曆新年將至，要辦年貨、整新年甲!!!



LAST BUT NOT LEAST

就係要追睇番之前因為冇時間冇睇嘅「重要嘢」:P

配以我最愛吃嘅無益食物，人生一樂也 :)

102/F@ICC – 高空的快樂

野人自從6月去過台北101後

一直對去高樓大廈有種情意結 :)

雖然香港都有好似台北101嘅SKY 100

但諗到野人隨時喺SKY 100逗留最少兩個鐘 (上次101都留咗好耐!!)

我就有少少覺得悶悶地唔多想去:P

既然佢地兩隻嘢都係想享受下「高空的快樂」

倒不如去102樓AFTERNOON TEA

咁佢地快樂時，我都有得快樂地爽下:)

下午茶地點在102/F，但LIFT就直上到103/F


由於生日，TEA SET多了個生日牌



唔知係唔係肚餓，覺得呢個薯條好好食!!!!!

TEA得多，野人都知TEA SET主要有咩食

弟弟好愛吃SCONES!!!!!

吃了兩個還想吃!!!!!!

102樓嘅景致，天光睇到天黑都睇唔厭嘅野人。。。

最終TEA SET食到天都黑齊先閃人






非常好，野人有野人高空快樂嘅滿足

我有我下午悠閒一下嘅時光 :)

初遊南生圍

十。一假期，與教會弟兄姐妹同遊南生圍

我從未去過南生圍

所以今次我同野人一樣，都係南生圍初體驗

對南生圍印象只有兩個

1)濕地公園隻鱷魚"貝貝"嘅「原產地」

2)好多劇集、婚紗照嘅取景場地

由呢個「南生圍路」嘅路牌開始出發




行咗差唔多一個鐘，仲未見到我印象中嘅南生圍

但係就去到一個「休息站」

我地全部弟兄姐妹就喺休息站歇歇



當小朋友發現有魚餵 (仲要餵魚麵包無限量供應!!!!!)

個個即刻由"攰到不行"樣，變"精力過盛"樣 @@




餵魚塊麵包，大過小朋友塊面!!!!!!!哈哈哈哈哈

休息過後，繼續行

又再行咗1個小時，都仲係未見到我印象中嘅南生圍

野人開始攰到「唔耐煩」

就喺野人行到唔想行之際

發現到我一直都想搵俾野人睇嘅怕羞草

我嘅童年周圍都會見到怕羞草

唔知點解而家係好。難。見!!!!!!!

第一次見怕羞草，野人覺得好好玩!!!


再再再行多概半個鐘，終於行到去「拍劇之地」



去到空氣咁清新嘅地方，我個樣都即刻反老還童，哈哈哈哈

原來呢條人人都影相嘅小木橋，係有個WARNING呀!!!!!

不過我地一家都照影，哈哈


兩隻嘢行咗兩個幾三個鐘，弟弟已經不斷問我幾時行完

但自從佢地執咗支樹枝陪行之後，就冇再唔想行:P



聲稱在飲「樹汁」




有樹枝「陪行」，愈行愈起勁

去到南生圍最後一個CHECK-POINT

「開心橫水渡」



等橫水渡時，見到好多濕地蟹仔 + 彈塗魚

呢個「開心橫水渡」由上船到落船

應該都冇5分鐘，所以真係名副其實「開心橫水渡」

因為快樂嘅感覺最短暫:P



離開南生圍，都係時候同愛不釋手嘅樹枝SAY GOODBYE

後記︰

南生圍之遊，又是超感恩的一日

我地全程行咗差唔多4個鐘，都超級好天(嫌太過曬:P)

但事後知道原來好多地方都落雨!!!!!!

而我地行完之後，ON THE WAY HOME時

都遇上超大雨!!!!!!!!

神嘅恩典真係夠用，而且有餘:)