同學日日見の學校旅行+生日會BBQ

學校嘅活動，永遠都係倒屎咁早模式Zzzz

今年學校旅行目的地 - 沙頭角農莊

汲取上年熱到屎教訓，唔敢同野人著咁多衫

入面著短袖確實係明智之舉!!!!!

農莊離唔開一定有得餵動物

每次見到呢堆好似食極都唔飽嘅動物

我都懷疑.....

究竟農莊嘅動物係咪每次有人到訪先有飯開?!?哈哈


隻牛身上好似有一億隻烏蠅!!!!!


呢隻駝鳥簡直係全場焦點，俾人搶住餵!!!

呢隻恐龍，鴨都唔放過？哈哈


呢個沙頭角農莊好有趣

無啦啦有間好精緻嘅朱古力店 :)

午餐時間，等入坐時，一班小孩在吹水，內容笑死我!!!

午餐前，有個茶果製作課



今年午餐食盤菜，4年旅行以來首次，幾特別！

野人學校旅行由「家教會」負責舉辦

所以身為「家教會」其中一員嘅虎爸

當日經常有工務在身，哈！


我就帶野人去彈下床打發時間





明明寫住「禁止下跳」，但野人就。。。照跳。。。

虎爸忙完，我地繼續下午行程！


下午活動地點仿如一個軍事用地XD






一架車，一班小孩可以捐出捐入玩足差唔多一個鐘!!!!


以下呢張相，80年代感覺好重!!!!!XD

野人近期對遙控船好有興趣

咁啱沙頭角農莊有得玩，非常好 :)


玩完一輪，都去到旅程嘅尾聲

行去海邊，睇下紅樹林~~~

咁就最後一年幼稚園學校旅行

唔知將來野人小學旅行係親子定係佢地自己去嘅呢???

學校旅行第二日，同學仔生日BBQ聚

即係成班同學NON-STOP見足13日，哈哈哈哈

魚排。樂

重陽節假期，我們一家無"上山"登高

反而"下海"去咗我都從來冇去過嘅魚排

計劃去嘅「滘西灣悠閒垂釣樂園」

要喺西貢碼頭坐船前往

(船飛可以喺碼頭旁邊呢個牌嘅位置買，大人:$100/位，小孩:$60/位)

我地買咗2:30pm嘅船飛，係每日嘅最後一班船

坐船前，就喺碼頭旁邊餐廳食個悠閒午餐 :)


由西貢碼頭出發，坐大約15分鐘船，就到達魚排




魚排落船位置嘅魚池，有我大半個人咁長嘅魚!!!!!

野人睇到好興奮




其實唔使太興奮喎，我地唔係釣呢D魚，哈哈

出發去「真正」嘅位置釣魚啦，嘻嘻嘻

整個魚排，除咗「養魚」位置之外

其他全部地方都可以「任釣」

釣到嘅魚就係自己架喇，因為都係來自大海:D

虎爸開始授課喇

野人初初都有少少心機學




跟住嗰20分鐘裡面，就不斷思覺失調以為有魚

不停地將粒魚餌拉上拉落睇有冇俾魚食咗

20分鐘後，已經出現頹樣

「質問」虎爸點解冇魚上釣!!!!!!哈哈

突然又變得好積極

神經病地對住個海講「魚仔，嚟食我舊魚餌啦~~~」

突然又行到好後

聲稱驚釣到條大魚，會拉咗自己落海-__-


總之嗰大半個鐘就不斷「口水多過浪花」

咁C嘈，咩魚都嚇走哂啦！



虎爸都俾佢地煩死

決定轉過第二個位再戰，哈哈




同兩隻嘢講要安靜少少先有魚游埋嚟

佢地就靜(悶)到瞓著埋-__-


見佢地咁悶，帶佢地餵下魚

就係去餵一落船見到嗰D超級長魚

大大舊「魚糧」掉落去餵 (「魚糧」喺魚排有得買)

好有「海洋公園」餵海獅嘅感覺

咁瘋狂地餵，唔夠3分鐘，乜都玩完

去睇下大大條「三刀紅魚」+ 超美夕陽


坐喺呢個魚排真係好C服

舒服到我稍稍瞓咗一陣晏覺Zzzz，哈哈哈哈

下次想去試有得BBQ嘅魚排 :)

呢個魚排雖然冇得BBQ

但係都有嘢食買，餓都有得醫肚

虎爸俾咗少少魚餌野人

餵海面上嘅細細魚 (海面超級多細細魚!!!!!)


兩隻嘢話下年要再嚟

睇下自己餵嘅魚有冇長大 :)

不如你地下年再嚟，睇下自己有冇長高:P



差唔多6點，搭船走Lu.....(尾班船)


兩隻嘢...好似亞伯....閉目養神@@

喺西貢來個豐富晚餐


將個包搽KETCHUP食，弟弟好有「肥佬」風範@@


再吃埋個飯後甜品至完滿 :)