畢業相 @ FODIO

野人一向對「被影相」都零興趣

所以我都冇帶過佢地去影嗰D家庭影樓相 (無謂不歡而散啦 XD)

但今年野人K3，真係好想帶佢地去STUDIO影輯相留念

而且K3之後，佢地好似對任何事嘅接受程度都高咗

所以就膽粗粗同佢地去JENNY嘅FODIO影畢業相 :P

揀FODIO，因為有朋友去過影相

見到輯相靚之餘，個個小朋友都笑得好自然
(其實我好怕為笑而笑嘅家庭影樓相 :P )

小朋友自然嘅一面係最靚、最應該被捕捉 :)

野人放學後去影相，所以先同同學仔食個靚飯

近來弟弟同呢幾個女同學「玩得好埋」:P

今次約埋2個女同學，組成2男2女組合去STUDIO影相

FODIO地方雖然唔太大，但換衫區/家長等候區都好寬敞、舒適


JENNY真係好識同小朋友相處

影相前先同小朋友溝通、交流下


大約兩個鐘嘅影相過程，小朋友都喺歡笑聲渡過 :)


為咗「慰勞」小朋友笑咗兩個鐘，同佢地去食甜嘢

好快已經有得睇相 (影相後少於兩星期)

真係影得好好好好好呀!!!!!!!!

真係好多謝 + 欣賞JENNY嘅「功力」




同場加映︰

野人老正學校畢業相 + 拍攝花絮 XD

同學同遊迪士尼

第一次相約AM CLASS同學仔同遊迪士尼

由於早一晚喺野人婆婆家留宿

所以同婆婆LUNCH後，就由葵芳出發去迪士尼


一拖二，冇咗虎爸呢個「負磁場」人士

就會遇上超級無敵暢順嘅交通!!!!! :P

由葵芳到迪士尼只係用咗20分鐘!!!!!!快到好爽呀!!!!!!



同學仔比我地早入園，我地坐車入去會合佢地


由於野人宜家已經「洗心革面」

改變咗一貫「眼中只有哥與弟」嘅性格

睇得出佢地同同學仔一齊玩嗰種真ENJOY :)










巴斯玩過好多次，但同同學仔分組比高分就係第一次 :)



今次入園，有兩大目的地，就係新開嘅「公主花園」

同埋我想睇咗好多次都唔成功嘅「魔法書」

野人對「公主花園」當然零興趣啦 (當陪下我啦 :P)




至於「魔法書」。。。排隊入去時，野人已經多次表示唔多想睇

但問佢地點解唔想睇，又答唔出 (我估佢地以為入面好黑好驚)

最終俾我游說咗入去，但都堅持唔睇喎 -____-

P.S.之後(偷)睇睇下，咪又係覺得好睇

是日都有好多奇事發生

先有睇睇下「魔法書」，出現技術問題

音樂響起，準備唱全城起哄嘅LET IT GO時，突然暫停

好彩之後整得番，如果唔係

都唔知點同在場千千萬萬個ELSA交代 :P

第2件奇事就係我地玩咗咁多次嘅WINNIE THE POOH

玩玩下停唒!!!!!

之後仲整唔番，要徒步離開 :(

玩埋個旋轉木馬，食埋個WAFFLE，滿足咁離開

野人學校 – 餐桌禮儀日

早幾年，喺野人學校入學簡介會上

已聽聞K3學生會於校內進行「餐桌禮儀日」

目的當然就係俾小朋友學習下TABLE MANNER :)

話咁快，幾年已過。。。

咁就到咗野人嘅「餐桌禮儀日」

幫兩隻野仔執執個樣返學校食「西餐」

場內暗暗地，好有氣氛!!!!! XD

野人以後可能認為只有暗暗嘅地方，先需要TABLE MANNER，呵呵

是日「西餐」包括食餐包、飲餐湯，好豐富嘅西餐呀!!!! :P


哥哥有種慢活格，食麵包好鍾意搣到一細粒一細粒咁食

我經常話佢咁樣食會搞到周身周地麵包碎!!

餐桌禮儀日前一晚。。。
我：「老師有冇講聽日有咩食？」
哥：「包同湯」...
我：「哦。。。」
哥(突然急促補充)：「嗱，媽咪，今次唔關我事呀。。。
老師話要將個包搣嚟食呀，唔係我想呀!!」

-_____- (真係無時無刻都要抽水嘅哥哥。。。)

後記：

事後睇番學校影嘅相。。。

原來「餐桌禮儀日」，小朋友會分成兩組

一組「負責」食西餐，另一組就負責前期預備工作、侍應

兩組會輪流角色

所以小朋友除咗喺呢個活動學到TABLE MANNER之外

仲會學到點樣去預備一件事、同埋點樣去服侍其他人:)

多謝學校搞咗一個咁有意義嘅活動

俾小朋友又多一個學習機會 :)