2015除夕夜。失驚無神去探班

NEW YEAR'S EVE放半日假

原本打算餵飽兩隻嘢就去<<東華嘉年華>>

點知佢地想去虎爸公司嚇佢多D

所以就變成「失驚無神去探班」嘅NEW YEAR'S EVE :P

多得撞到舊同事幫我「進入」虎爸公司

所以今次「失驚無神去探班」得到100%成功!!!!!YEAH!!!!

 

啱啱食完嘢，喺虎爸公司又食嘢

究竟野人個胃咩構造?!?!?!



2015除夕夜，當然又係虎家傳統DINE-OUT NIGHT

飯前，兩位突然書引發，去睇書

哥哥呢期當然離唔開佢至愛 – 船!!!!!

弟弟長情，繼續「車車車車」!!!!



進餐期間，急不及待睇啱啱買本書

吃埋至愛雪糕，幸福回家 :)


2015。完

2015共寫咗105篇BLOG，比2014少了9篇

雖然少了，但我覺得自己叻咗

因為2015要持續寫BLOG，真係好困難

特別係韓文要測驗、考試嘅時期

掛住溫書，確實冇時間寫

補寫番起碼要1、2個月後

一次過寫1X篇，確實好困難

就好似12月呢18篇BLOG

係韓文大考完一次過寫!!!!!!

COMING 2016年，只可以講。。。寫得幾多得幾多

因為總要有取捨，學好韓文要時間

但寫BLOG都要好多時間。。。

而且野人真係大個仔喇，2016年中就會6歲

佢地嘅事都係時候開始好好保密 :)

但可以分享嘅有趣事，都希望繼續可以分享

因為。。。始終佢地兩個都係流著諧星嘅血。哈哈哈哈

童來賀聖誕 2015

真係最後一年喇!!!!!


上年睇K3表演時，已幻想到野人K3時我會唔會好唔捨得

果然今年表演開始無耐，我已經睇到眼濕濕ㅠ_ㅠ

今年野人嘅表演，真係俾100分再+100分

唔係完全因為佢地係我仔仔，所以得到我咁高評價

而係我見到野人今年真係好認真對待呢個表演

同佢地以往只會唔專心、得過且過、我行我素嘅態度完全唔同!!!!

有努力過、認真過

見到佢地呢種成長，先係得到高度評價嘅原因 :)






咁好嘅表現，我當然都好識做

表演完畢即時去揀心水聖誕禮物

路經好受歡迎嘅STAR WARS，湊熱鬧影相 :P

當然野人完全唔知係乜東東 XD



努力過後得到嘅，最開心 :)

2015。中秋節

中秋節，有幾樣指定動作必做

1)中秋節，即是月餅節



今年哥哥瘋狂地愛上吃月餅!!!!



2)人月兩團圓，家人團圓飯

唔食月餅，食蛋糕


3)賞月，玩燈籠

中秋節點都要去屋企樓下玩下先安落

呢個係我細細個時開始有嘅屋企傳統

只有中秋節，屋企樓下先有嗰一種專屬嘅熱鬧:)








咁多年中秋節，我都冇同野人玩蠟燭

原因不盡是因為我怕佢地玩火

而係本身我自己極怕火(打火機，我都唔敢用^^")

我唔玩，虎爸又唔玩，咁野人邊有機會玩呢?!?!?!哈哈

所以雖然我覺得傳統燈籠係最靚

我都冇買俾野人，只係拍個照留念:)

唔影相記低真係驚遲早冇埋

仲記得自己細個好驚一個好似太陽樣嘅圓形燈籠

大家都應該知係邊款

以前周街都見到，而家真係買少見少。。。

今年聽聞係超級月亮

雖然最初好多雲，但之後雲散了

個超級月亮又確實係超級光+亮:)

2015夏天的清水灣二灘

每年夏天都會同野人去沙灘

清水灣二灘係我嘅不二之選

除了因為近之外，呢個海灘嘅配套確係唔錯

停車場比較其他沙灘大、沖身地方多位

對野人最緊要就係有小食亭，哈哈

今年6、7月分別去了一次清二灘

6月就是虎家一家四口去

帶了野人E-MA新送嘅CUTE CUTE鬆馳熊水槍

可惜真係太CUTE，水力好弱，唯有後期PP補效果XD


我鍾意喺沙灘食杯麵，野人就一定揀雞脾!!!!!



7月去清二灘，相約野人E-MA伉麗同行

雖然野人同E-MA伉麗已經一齊去過N次沙灘

但今次可算係全新配搭，因為係我單。拖。野人!!!!

所以有得齊齊坐姨丈車去沙灘

由於我前一晚已通知野人坐姨丈車去沙灘嘅安排

佢地開心咗一晚，因為佢地勁鍾意坐唔同車@@


當日異常大浪。。。


真係激大浪!!!!!!!


游出少少，平靜少少





衝咗勁耐浪，係時候休息下

不過姨丈休息時間仍然要伴玩，哈哈



後期:(寫於開始秋涼的時間)

平常每年5月尾，天氣開始熱，就會去沙灘「下水禮」

平均每年都去到4、5次沙灘玩

但今年真係比較多活動，最後整個夏天只去了兩次沙灘

下年暑假希望多D時間去玩:)