童來賀聖誕 2015

真係最後一年喇!!!!!


上年睇K3表演時，已幻想到野人K3時我會唔會好唔捨得

果然今年表演開始無耐，我已經睇到眼濕濕ㅠ_ㅠ

今年野人嘅表演，真係俾100分再+100分

唔係完全因為佢地係我仔仔，所以得到我咁高評價

而係我見到野人今年真係好認真對待呢個表演

同佢地以往只會唔專心、得過且過、我行我素嘅態度完全唔同!!!!

有努力過、認真過

見到佢地呢種成長，先係得到高度評價嘅原因 :)






咁好嘅表現，我當然都好識做

表演完畢即時去揀心水聖誕禮物

路經好受歡迎嘅STAR WARS，湊熱鬧影相 :P

當然野人完全唔知係乜東東 XD



努力過後得到嘅，最開心 :)

童來賀聖誕。2014

又到聖誕~~~又到聖誕~~~

屋企的聖誕樹又要被翻出來

今年係野人第二年幫手裝飾聖誕樹

有了一年經驗，今年已接近100%野人兩個人獨立完成


當然我最後做了少少後期加工

完成品，超靚呀，間屋立時好COZY :)

踏入聖誕節倒數階段

當然有年度我最期待的聖誕節目

野人學校的"童來賀聖誕"表演

表演日分上、下午兩個時段

AM CLASS就上午表演，PM CLASS就下午表演

今年野人轉了AM CLASS

所以要倒塌地早送野人去表演場地作最後預備-__-


送走野人，尚有大半小時才開始表演

我同虎爸可以去慢嘆早餐 :)

又一年做家教會委員的虎爸

令我又有機會坐前排欣賞表演 :)

跟往年一樣，不想公開野人同學仔樣貌

找來了這張可以透露最少人樣的表演照，哈哈~~~~

再補一張野人表演造型照

以下是K3學生作壓軸的表演照

明年野人就將會是其中兩員，亦即是最後一年表演

想起這一幕，看了3年表演的我真是覺得有點不捨。。。

完成表演後，當然帶野人食他們想吃的，慰勞一下
(雖然表演時，野人有點發呆，呵呵呵呵)