毛。妳要走了。。。

毛毛 - 我家姐的小狗狗

13多歲的她，在5月第一個晚上走了 :(

這件傷心事，其實唔多想提起

因為毛毛就算唔係我自家養的狗狗

但每次想起她走了的事實

仍會眼淚不止在心裏流

不過我很想在這裡用一篇網誌來紀念她

好好記下她在我生命曾留下的痕跡

自出娘胎的我，就唔知點解好怕動物

所以由細到大，屋企都唔會出現寵物

直到後來家姐自己住，養了毛毛

其實當時我仍是怕所有動物，當然包括毛毛

所以每次到家姐屋企

毛毛都無奈地被限制活動範圍

直至慢慢的與毛毛「遠距離」相處

是她的乖巧令我最後完全不怕她 :)

毛毛老了，要走了。。。

雖然這是無可改變的人生定律

但送她最後一程的一刻，對她真是充滿不捨

感謝生命中曾經出現毛毛

感謝她帶給我、還有野人的一切快樂回憶 :)

豐富團年飯 2016

娘家團年飯，今年繼續選定野人E-MA私房菜 :)


從來都只有哥哥可以同毛毛好有愛咁相處 :)

弟弟一加入，毛毛都露出個驚樣XD


去到姨丈主場，又同姨丈玩健身。。。

(實際都唔知邊個在健身XD)


至於虎家嘅團年飯，由於小虎今年唔使忙到屎

所以就出山搞番個「虎家團年飯」

全家總動員去預備團年飯食材前

先悠閒吃個LUNCH。。。

買好食材返歸時，野人「舉杯慶祝」

兩隻嘢好明顯冇乜出過力幫手，只負責飲飲食食噗世界啦 XD

(其實都係得小虎一個負責，我都係行行企企:P)

以下就係大廚虎為我地一家預備嘅「虎家團年飯」!!!!!


兩隻嘢，變咗「蟹粉」，係咁食蟹!!!!哈哈哈哈



食到飽飽嘅野人，當然要付出下啦

幫手準備過年物資

過程中，發生咗段SWEET SWEET小對話。。。

我：「你地BB嗰時，我等你地瞓咗先開始做呢堆嘢。
宜家你地大個仔可以幫我手。」

弟：「媽咪，我就係唔想你咁辛苦。」

哥：「我都係呀。。。所以你睇我眼瞓到就暈都幫你」

哈哈哈哈哈~~~~~~

新一年，新開始，今年一定好甜蜜

祝大家都一樣，全年都咁SWEET SWEET!!!

農曆新年前。團年飯 X 年宵

今年農曆新年在二月中

比較以往大多數都是一月中過年

今年算是較遲

較遲過年，理應多點時間做預備功夫

但反而今年是我有了野人之後，最有趕頭趕命感覺的一年

就連帶野人去維園行年宵這個每年傳統，今年都KEEP唔到-__-

行唔到維園，CHEAP BOM BOM都帶野人去行下將軍澳年宵

野人去年宵，指定動作買氫氣球

今年氫氣球有GU-MA這個贊助人

買咗波，做咩都得，兩個現實仔!!!

今次係我第一次行將軍澳年宵

眼見野人的動物氫氣球只賣HKD20

不禁諗『將軍澳年宵賣嘢好平』

點知第2日我同事行維園年宵，見到哥哥的恐龍波只售HKD10

真係低處未算低。。Wakakakakaka



我和虎爸每年都去兩個年宵 –

1) 維園 (帶野人去逛年宵)

2) 旺角 (買花)

旺角年宵有這個GIMMICK串燒

真係純GIMMICK，味道好麻麻


買了水仙、蘭花、桔 (哥哥主動提出要買桔@@)

水仙，試過買一年，之後年年都要買

因為真係好靚 + 好香 :)

自己一丁友行今年第3個年宵 – 維園

維園巧遇少爺占。。。


我咩事咁熱血???迫C人都要一個人行年宵???

為了是要買兩個"鐵馬"哈哈哈哈



自野人E-MA常下廚，過節飯都好大機會俾E-MA大廚出馬

小虎更自製香草蜜汁燒雞加餸，哈哈哈哈

哥哥去E-MA屋企最開心，可以同毛毛玩:)



唔知係咪因為心情好，哥哥這個團年飯

一個人KO半隻小虎自製的燒雞!!!!!!!勁CRAZY!!!!

所以對於黑洞胃野人，食物一向都可以俘虜佢地個心

ESPECIALLY甜品 :)

去開銅鑼灣辦年貨，買久違了的MIMOSA同野人開心SHARE

至於年三十晚，虎家傳統團年飯

都因虎爸近期忙到甩轆緣故，無法親自下廚

唯有買TAKE-AWAY充當住家菜上枱，哈哈哈哈

換上新睡衣的野人，年三十晚幫我掛埋新揮春就Zzzz

瞓醒後又是新的一年，哈哈哈哈

2014。中秋。記敘

隨著野人愈來愈大，可以多D機會帶佢地接觸唔同事物 :)

今年中秋，適逢好友寶EE相約去學整月餅

我就拉埋野人一齊去，來個"親子月餅班"

月餅班夜晚7點開始，同寶EE先去吃個晚餐

話明係親子月餅班，當然都要俾野人落手落腳嘅機會

特別鳴謝寶EE幫我一對一教授




呢一類型嘅整餅班，當然會因為時間關係

部份材料已經事先幫我地預備好

例如今次事先預備好嘅就係月餅餡

所以我地嘅任務就只係要搓餅皮、整月餅個造型



經過一輪嘻嘻哈哈之後，我同野人嘅8個獨一無二月餅造型。完成



第一次整，我覺得已經比預期之中好，起碼睇到係乜東東，哈哈

焗月餅需時15-20分鐘，老師就送咗野人每人一個造型月餅

知唔知GORGOR手上嘅月餅係咩造型???答案：3眼仔:)

我嗰兩隻小豬造型月餅，焗完之後，甩。咗。個。鼻。

不過唔緊要啦，咁先係自家製嘛，嘻嘻

而且最緊要整個過程好HAPPY :)


近年大時大節嘅家人飯聚，隨著野人E-MA變咗燒飯達人

都變咗家中GATHERING

其實咁仲好，唔使同人迫，而且食到野人E-MA嘅菜式


GORGOR同毛毛愈來愈FRIEND

佢亦都同我提出想養狗狗嘅念頭

先撇除我驚狗呢個因素

我覺得養狗狗係一生嘅承諾，絕對唔能夠3分鐘熱度

所以我亦都向GORGOR反提出要佢先學識照顧自己

先有能力照顧狗狗嘅要求，乘機再俾多D時間佢慢慢長大諗清楚




來到中秋月圓之夜。。。去咗屋企樓下屋苑搞嘅中秋晚會

兩個文盲玩猜燈謎，笑C我咩!!!!!


4個字之中，只識個"大"字，YEAH!!!!!


野人呢D黑洞胃人，每逢去呢D乜乜嘉年華，乜乜晚會

都離唔開食。食。食。





難登大雅之堂，點帶你去高級餐廳食嘢呀?!?!?!


按照虎家傳統，帶齊月餅，中秋夜去曬月光。。。







P.S. 今年中秋，打破唔到宿命，我。又。係。病。-___-