玉豆姐放假兩星期返印尼過年
即代表虎家會進入家務冇人做狀態!!!!!!
喺呢個咁嚴峻嘅考驗之前。。。
虎爸揀去唱個K爽一爽~~~
我就揀深夜零晨4點啪舊榴槤享受片刻寧靜Wakakakaka
既然要應付呢個非常性家務減至最少時期
對策當然係將留家日子、時間減至愈少愈好Kekekee
野人之前有同野婆提過想去佢屋企住下
所以就襯呢個機會，帶兩隻小鬼去達成願望 :)
去野婆家前，先去晨早9點習泳
其實9點。。。我平時都冇咁早返工Zzzzzz
但見佢兩隻嘢精神到咁，真係無。話。可。說。
習泳後，開始野婆家3D2N渡假之旅
話明渡假之旅，一定已經諗好唒節目
夜晚去E-ma屋企同毛毛玩。。。
今次野人對毛毛嘅熱愛又增加
特別係GORGOR，同毛毛深情對望咗好多次!!!!
小孩同動物永遠都係最夾 :)
可惜我天生怕動物，完全夾唔到(毛毛除外Wakakaka)
去得野人E-ma屋企，一定有好嘢食!!!!!
飯後仲要有西瓜盅
野人食到停唔到口!!!!!!
第一晚@野婆家瞓，瞓到極之爽YY
我完全冇諗過野人會瞓得唔好
因為佢地冇乜"想家"嘅天性，超似我!!!!呵呵
但係超唔似我嘅就係極之膽少
如果要佢地自己去野婆屋企住兩日，一定唔夠膽Wakakaka
野婆屋企有個超級啱野人心水嘅窗台
佢地一起身，擘大眼，就可以睇到至愛嘅車&Trains
當我諗住佢地睇完一輪車、再去刷牙洗面換衫搞完一大輪
應該冇11點都10點幾嗰時
落到街去買早餐，奇怪見到地鐵站仲有好多人行出黎
睇一睇時間，原來未夠9點囉!!!!!!
兩隻嘢真係超級早起身。。。z__z
咁早起身，一日時間頓時變多咗好多!!!!!(對於我)
不過好彩野人都好識互相娛樂 Kekeekee
自從野人放暑假，如果時間配合到
我都會盡量叫佢地瞓個下晝養生覺Zzzzzz
DAY2下晝@野婆家，諗住叫野人食完雪條就去瞓覺。。。
我都知小孩食雪條，會食到嚴重災難狀態
但我又覺得，冇理由因為會食到周圍都係，就唔俾食雪條
所以我就幫野人做足我認為足夠嘅"安全措施"先俾野人開始食
點知。。。我諗嘢實在太膚淺!!!!!!!!
個災難狀態真係Out of Expectation!!!!
最後GORGOR食完雪條，我要即刻幫佢沖涼!!!!!@@”
喺野婆家，除野人去瞓覺，我可以抖抖之外
另一個我可以歇一歇嘅時間。。。
就係公公陪兩隻嘢嘅宅男玩具欣賞大會
公公不斷講嘢娛樂佢地(我真係驚我爸講到失聲!!!!)
3D2N婆婆渡假樂結束
我估喺呢3D2N，虎爸超掛住野人
而野人呢。。。就應該冇掛住虎爸喇
因為佢地好似提都冇點提起佢地爸爸~~~~Wakakakaka
