杜莎夫人蠟像館 @ 山頂凌霄閣

位於山頂嘅杜莎夫人蠟像館，曾經同朋友去過兩、三次

但一直都未有帶野人同行！

因為總係覺得蠟像館得大人嘢睇兼冇嘢玩，唔多啱小朋友 :P

所以就算同野人去過山頂幾次，都冇帶佢地去蠟像館

但由2017年4月6號開始。。。

蠟像館嘅「動漫遊戲世界」多咗幾個小孩好愛嘅新元素

令蠟像館即時變咗合家歡好去處！

原本「動漫遊戲世界」都有嘅麥兜麥太、Marvel以及Hello Kitty場景依舊存在



而Hello Kitty場景現已加入蠟像館元素，例如凌霄閣、山頂纜車

令此場景更有蠟像館代表性


之但係呢D都只屬於齋睇部分，未滿足到小朋友嘅真正「需要」！

真正吸引小朋友首選當然係宜家好受歡迎嘅全新《妖怪手錶》場景

蠟像館係香港首個以景太間房作為背景嘅長期展區

當中梗係唔少得地縛貓啦！

呢個展區更吸引係設有大型《妖怪手錶噗尼噗尼》遊戲區！

小朋友有得玩之餘，更有機會玩遊戲贏到「妖怪噗尼」特別版 - 地縛喵B!!!!!!


蠟像館嘅景太房外

就有日本teamLab為蠟像館打造嘅全新互動遊戲區 - Connecting! Block Town

小朋友喺呢度可發揮創造力，一齊建造理想城市 :)

建造嘅城市會同步投映到牆上嘅投影幕，令小朋友覺得非常有趣！

新主題場景仲有內地動畫《巴啦啦小魔仙》

喺呢度可以透過虛擬遊戲變身成小魔仙

雖然唔係好識係乜東東，但依然玩得好投入

特別係虎爸變身小仙子 XD

蠟像館呢個全新「動漫遊戲世界」

令蠟像館比以前更適合帶小朋友去！

而且由4月6日至4月28日

香港居民憑身份證於蠟像館正門購買成人正價門票

即時可免費帶同一名3-11歲小童參觀蠟像館！

復活節假期就嚟喇，大家可以趁假期帶小朋友去蠟像館玩下呢個全新體驗！

杜莎夫人蠟像館官方網站 :
https://www.madametussauds.com/hong-kong/zh-hant/

【新加坡親子遊】Art Science Museum

新加坡近年不斷發展成一個親子旅遊好去處，有好多好玩、「好睇」嘅地方可以帶小朋友去，例如多人熟悉嘅環球影城、動物園、Garden By the Bay、S.E.A. Aquarium、Adventure Cove，今年更新開了Kidzania :)

今次想同大家分享一個地方唔太大，但感覺好舒服，幾值得帶小朋友去玩下，位於Marina Bay Sands嘅Art Science Museum :)

Art Science Museum入面同期有幾個展覽，我地去咗其中一個比較適合小朋友去嘅展覽，名為FUTURE WORLD: Where Art Meets Science。

整個展覽大致可分為「欣賞」同「玩」兩部份。只供「欣賞」嘅展覽，令到眼睛好滿足，感覺好舒服。

「玩」嘅部份，分別有發光球/發光方塊，以及兩幅大型投影牆。發光球充滿彈性，小朋友可以安全、自由地，隨意推、彈、滾大型發光球，而且發光球會不斷變色，令到整個畫面都好靚 :) 

另外一個位置就放了一堆發光方塊，小朋友亦可用發光方塊砌出唔同形狀、高度嘅「建築物」。

全場最吸引野人就係兩幅大型投影牆。兩幅牆，分別兩個主題，一個城市，一個海洋。

城市主題那邊，小朋友可用場內提供嘅特定畫紙，畫上自己鍾意嘅車或建築物。畫完嘅車/建築物圖畫，掃描後，就可出現喺「城市」牆。海洋牆那邊都一樣，只係畫紙上唔係車/建築物，而係唔同嘅魚類。野人一向都鍾意畫畫，所以呢個位置，佢地留得最長時間 :) 由於Art Science Museum地方唔算大，所以快玩係可以兩個鐘內玩完，但慢則都可以磨4、5個鐘 :P

想收看更多親子資訊及優惠，請到《3B孖媽生活館》Facebook Fanpage :

https://www.facebook.com/3bmama/