但一直都未有帶野人同行！
因為總係覺得蠟像館得大人嘢睇兼冇嘢玩，唔多啱小朋友 :P
所以就算同野人去過山頂幾次，都冇帶佢地去蠟像館
但由2017年4月6號開始。。。
蠟像館嘅「動漫遊戲世界」多咗幾個小孩好愛嘅新元素
令蠟像館即時變咗合家歡好去處！
原本「動漫遊戲世界」都有嘅麥兜麥太、Marvel以及Hello Kitty場景依舊存在
而Hello Kitty場景現已加入蠟像館元素，例如凌霄閣、山頂纜車
令此場景更有蠟像館代表性
之但係呢D都只屬於齋睇部分，未滿足到小朋友嘅真正「需要」！
真正吸引小朋友首選當然係宜家好受歡迎嘅全新《妖怪手錶》場景
蠟像館係香港首個以景太間房作為背景嘅長期展區
當中梗係唔少得地縛貓啦！
呢個展區更吸引係設有大型《妖怪手錶噗尼噗尼》遊戲區！
小朋友有得玩之餘，更有機會玩遊戲贏到「妖怪噗尼」特別版 - 地縛喵B!!!!!!
蠟像館嘅景太房外
就有日本teamLab為蠟像館打造嘅全新互動遊戲區 - Connecting! Block Town
小朋友喺呢度可發揮創造力，一齊建造理想城市 :)
建造嘅城市會同步投映到牆上嘅投影幕，令小朋友覺得非常有趣！
新主題場景仲有內地動畫《巴啦啦小魔仙》
喺呢度可以透過虛擬遊戲變身成小魔仙
雖然唔係好識係乜東東，但依然玩得好投入
特別係虎爸變身小仙子 XD
令蠟像館比以前更適合帶小朋友去！
而且由4月6日至4月28日
香港居民憑身份證於蠟像館正門購買成人正價門票
即時可免費帶同一名3-11歲小童參觀蠟像館！
復活節假期就嚟喇，大家可以趁假期帶小朋友去蠟像館玩下呢個全新體驗！
杜莎夫人蠟像館官方網站 :
https://www.madametussauds.com/hong-kong/zh-hant/
