野人公公生日飯

今年「野公」生日飯

改改一貫食中菜風格，轉食新加坡菜

其實食乜都唔重要，最緊要一家人齊齊整整又一年 :)

網評話呢間嘅「班蘭天使蛋糕」出名好味

所以一試，順便唔使另外買生日蛋糕 :P

個人認為個蛋糕好甜!!!!!



同場小插曲：

弟弟呢期愛上自拍，但係係「大頭自拍」!!!!!!!

即係有佢自己拍冇其他人拍 XD

2015。生日快樂TO MYSELF

生日，雖然都已經過咗三十X次

但心底裡仍然覺得。。。

每年呢一日應該要同其餘364日有少少唔同:P

一大早，哥哥CHOK爆送我生日卡XD

生日要做喜歡做嘅事

好多年生日正日冇同屋企人一齊過

趁野人返學時間，約咗媽子 + 姐去吃個豐富早餐


傳統地收到媽子生日利是兩封:)


到野人放學，一齊去慶祝我生日

其實我生日咪即係野人生日

都係帶野人去佢地鍾意嘅地方 + 做佢地鍾意嘅事

因為佢地快樂就等於我快樂:)

首先帶恐龍粉野人去MEGA BOX 3D魔幻館嘅恐龍世界

3D魔幻館恐龍世界之詳情可參考另一篇BLOG :)
http://bbbmama.blogspot.hk/2015/10/mega-box-3d.html

之後再同野人去想去咗一段時間嘅ICC「觀光」

ICC的風光，可睇呢篇BLOG「102/F @ ICC – 高空的快樂」:)
http://bbbmama.blogspot.hk/2015/10/102ficc.html

生日要食鍾意食嘅嘢，當然唔少得啱唒我生日季節嘅大閘蟹

今次選擇咗九龍城嘅肥仔號
(買蟹前，見到「一日死五次羅樂林」哈哈哈哈)


好GOOD，好多蟹膏!!!!!!!



大閘蟹宴 + 打邊爐 = 膽固醇餐，哈哈哈哈



FOR野人，慶祝生日就等於一定要食生日蛋糕

因為每次講同邊個邊個慶祝生日

佢地都第一時間問我︰「咁食咩生日蛋糕呀??」XD

所以佢地都好熱衷同人過生日，因為又有機會食蛋糕!!!

虎爸送我嘅蛋糕。。。



同場加映弟弟送我嘅生日歌，亦即係佢今期金曲

當年紅極一時嘅"My Heart Will Go On"，哈哈哈哈

亞姐送我嘅蛋糕。。。





壓軸還有至親朋友嘅蛋糕。。。


生日，又大一年

雖然又老一年，但今年有一個強烈感覺

「只要有家人、朋友齊齊整整與自己一起成長、一起老

感覺其實好幸福:)」

巴屎閉生日之旅 – 宜蘭篇

今次巴屎閉驚喜生日之旅

最SURPRISE野人嘅部份就係帶野人去住一間

我100%肯定佢地會好鍾意嘅酒店 – 蘭城晶英酒店 (SILKS PLACE)

P.S.酒店名雖然好OLD SCHOOL，但小朋友真係會覺得超好玩!!

SILKS位於宜蘭，所以我地住了一晚台北之後

就在野人生日當日出發去宜蘭

野人一向都鍾意鐵路嘅交通工具

所以我將虎爸本來打算租車去宜蘭嘅計劃BAN了

堅持帶野人搭台鐵 :P

果然不出所料，開心到彈起XD





又一發現帶6歲以下小孩去台北真係好抵!!!!

台鐵，未夠115cm高係免費，115cm-150cm高就要買半票

野人未夠115cm高，所以不用買票

但我建議如果隨行小朋友都有2、3歲，就算未夠高都買個半票

因為不買票就代表「無位」，即係小朋友要坐成人大脾

有番咁上下重，又要坐你大脾大半至一個鐘，都唔少嘢 XD



由宜蘭車站步行至酒店大約需要15-20分鐘

沿途會經過幾米繪本嘅場景

(整個宜蘭，除了要住嘅酒店、"幾米"和"蠟筆館"外

我唔知仲有冇其他嘢XD)

我都算係睇幾米繪本長大的，所以對場景嘅一切不太陌生:)









連接蘭城晶英酒店，有個大商場 (我相信已是全宜蘭最繁華嘅地方:P)

商場裡有十數間連鎖式食肆

重點有我至愛之一「MISTER DONUT」YEAH!!!!!!


食到。。。樣衰到呢。。。

食飽飽DONUT，可以去酒店CHECK-IN，YEAH!!!!

而野人見到LOBBY呢堆車都開始覺得興奮，哈哈!!

等我開始介紹呢間全台TOP 1 親子酒店有乜好嘢到非住不可!!!!

小孩開心位(一)

每間房可以自選一隻酒店吉祥物做WELCOME GIFT

小孩開心位(二)

房內有帳幕。小孩對瞓帳幕嘅情意結真係好深!!!

野人開心到飛起!!!!



小孩開心位(三)

酒店有各式各樣泳池，INDOOR/OUTDOOR都有，唔怕落雨

不過野人掛住玩其他嘢，所以我地一家都冇時間去游水。。。

小孩開心到爆位(四)

酒店8樓全層嘅走廊位化身成「車路」

如果唔係住8樓，就可以任玩泊於走廊位嘅公家車

如果住8樓，每間房會包括一架自選車

可無限次於車房內換款



野人有兩個，一架車當然唔夠!!!!

8樓住客，每額外加一架車需要NT$660 (玩到直至CHECK-OUT)

所以如果想有自家車，記住訂房時講明住8樓 (需每房房價額外加NT$1650)

訂房時，曾經托台灣朋友幫忙，向台灣AGENT問過價

發現台灣AGENT跟官網訂房的價錢差不多

都是比透過香港AGENT平數百元

所以我最後是於官網訂房的

給大家一個參考房價

我們入住日期: 31/5 (星期日)，房價是NT8800+NT1650(8樓附加費)

星期一至四的房價會平少少 :)

蘭城晶英酒店官網: http://www.silksplace-yilan.com.tw/index.html

野人揀好車，職員就要教教點玩。。。

兩隻普通話白痴，當然需要我呢個TRANSLATOR!!!!呵呵~~~

自家車同公家車分別在於。。。

「自家車」有車匙!!!! (小孩最喜歡就係扮大人!!!哈哈)

所以每次離開自己架車，記住拔車匙

如果唔係，自己架車就有機會俾其他人揸走~~~

男人都愛車，野人都唔例外，不斷換款FOR SURE，嘻嘻




房外留倩影 :)


玩到悶悶地，跳上另一個架車。。。

8樓的好玩之處，就是還有一個兩層高的室外遊戲場「芬朵奇堡」!!!!

好可惜，我地揀完車後落起大雨，有得睇冇得玩 :(

不過陽光小子野人威力都唔弱!!!!

大約一個鐘後，天氣好轉，可以出去玩喇!!!!YO!!!!

自家車可以揸出去室外車場玩



嫌自家車揸到悶，就可以泊埋一邊，因為車場仲有好多其他車選擇







10字路口偶遇。。。




揸車之外，場內仲有彈彈床、假屋之類嘅小孩恩物

P.S.如果小孩比較年幼，未識揸車、未識跳彈彈床

可以去有間草屋之類嘅嘢，靜靜地睇圖書，玩BB玩具 :)





夜晚去吃飯前，將自己架「私家車」泊於房外草地就可以:P

晚餐去咗酒店LOBBY嘅餐廳食DINNER BUFFET

唔貴，但冇乜嘢食

所以唔建議大家試，去酒店隔離商場食晚飯應該更好!!!!



話唒都係野人生日正日，預備咗個少少SURPRISED CAKE

個蛋糕係酒店送嘅 (唔包括蠟燭、靚靚BIRTHDAY FLAG)

只要訂房時同酒店講有人生日，就有免費蛋糕一個，嘻嘻


夜晚，野人全程瞓帳幕

個帳幕其實幾寬敞，我瞓埋入去都得!!!!!嘻嘻

今年帶野人去旅行又比上年舒服一點

基本梳洗佢地都已經可以自己一手包辦!!!!VERY GOOD!!!

吃個少少豐富嘅酒店自助早餐後

就去我地喺宜蘭嘅最後一站 -「蠟筆館」


由酒店打的前往蠟筆館，大約需時30-45分鐘


蠟筆館入場費，每人NT200

包括玩5個小手工區

1) 拓印圖畫 – 用唔同凹凸底版，在畫紙畫(印)出唔同PATTERN




2) 組裝顏色筆 (我認為是最好玩的一部份)

跟著組裝步驟，造出小孩自己想要的顏色筆






這邊野人在努力人手組裝，那邊有個機器快速組裝，哈哈哈哈

3 and 4) 第三部分同第四部分好類似，都係自家做造型蠟筆

只是一個靠機壓，另一個靠人工壓









5) 人體彩繪 – 小朋友可以選擇俾專業EE畫手

OR好似野人咁，拎幾張貼紙，幫爸爸媽媽手繪 :)


全部小手工區做的成品，小朋友都可以帶走

愛畫畫嘅弟弟，表示返到香港要第一時間拎自己製造嘅筆畫畫 :)

話咁快，2日1夜宜蘭之旅咁就完滿結束

返台北繼續行程!!!!!



野人都非常滿意是次生日安排 (哈哈哈哈!!)

弟弟仲話蘭城晶英酒店好玩過LEGOLAND!!!!!

大家都可以將弟弟呢個COMMENT成為帶小朋友去玩嘅一個參考 :P