2015。聖誕餐

野人早在聖誕節前好多日已收到我同虎爸送嘅聖誕禮物

但平安夜晚上，我仍然預備咗份聖誕小驚喜喺佢地聖誕襪入面 :P

縱然大家都知聖誕老人並不真實，但作為小朋友

仍然有童真去相信聖誕老人送禮物呢個FANTASY，其實更好 :)

聖誕節晚上，幫野人執靚仔去食聖誕餐


宜家同野人出外食飯

感覺已經好自在、悠閒

已經脫離咗要問餐廳拎「高櫈」、預備小孩餐具、

怕佢地會食到「周身係」等等嘅麻煩階段



見到佢地經常咁恩愛，都唔知開心定擔心，哈哈哈哈 :P

3B飲食系列 - 華嫂冰室@觀塘

自從「華嫂」喺觀塘出沒

一直心癢癢要去食

但知道初初開肯定多人，所以忍忍口

點知開咗幾個月先去，都一樣好多人!!!!

野人等到(扮)瞓著XD


招牌菠蘿包、牛蛋包、蕃茄湯通、凍奶茶。。。

所有「人氣」嘢，差唔多食唒!!!

食飽飽，見風和日麗

唔好嘥咗個太陽

去觀塘海濱，「人」「車」放電XD

3B飲食系列 – 萬芳冰室@元朗

早前上網見到元朗萬芳冰室嘅介紹

呢間冰室有山咁高嘅紅豆冰+手掌般大嘅炸雞脾

虎爸一直都想趁去開元朗就試一試

上次去元朗野餐到差唔多晚飯時間

所以同呢間冰室緣慳一面

今次再去元朗遊南生圍

終於可造就個機會俾虎爸滿足願望:)

睇個樣，就知呢個炸脾薯條好食!!!!

炸脾真係有手掌咁大!!!!(同哥哥塊面一樣大!!!!哈哈)

呢個炸脾餐，我地叫咗3個

分別有炸脾薯條、炸脾沙律、仲有好GOOD嘅配搭

炸脾公仔麵!!!!!!

加埋法蘭西多士，整個下午茶真係好EVIL!!!!!

我要證清，杯紅豆冰原本嘅冰真係山咁高呀!!!!!

不過我掛住影雞脾，搞到個「冰山」塌塌地我先影:P

食完呢餐，我夜晚飯都唔係幾食得落，哈哈哈哈

虎爸。生日快樂。2015

虎爸今年生日嘅夜晚，我要返學

所以下晝接埋野人放學之後

就一齊去食LUNCH BUFFET慶祝

THE MARKET嘅DINNER BUFFET

出名要早一兩個月前預約

但我地食閒日LUNCH BUFFET，早兩日前預約都有位，哈哈!!







雖然幅相影到咁矇，但都睇到哥哥個邪惡樣XD

都唔係第一次食BUFFET啦，點解弟弟仍然咁老土

邊行邊食。。。-__-


弟弟心諗︰「爸爸拎咁多腳，會唔會跌落我個頭??」

哥哥拎唒所有甜點，準備試食:)




THE MARKET其中一個賣點就係有榴槤

榴槤芝士蛋糕、榴槤布丁、貓山王雪糕

最好味係左邊嘅榴槤酥!!!!!!


今年冇預備任何嘢慶祝虎爸生日

只係盡個綿力去排隊買呢期好話題嘅芝士撻孝敬虎爸

其實係我好想食，如果我唔去買就冇得食:P

之前一個人只可以買6個

超好彩我去買嗰時已經改咗1人買12個

如果唔係，我都唔可以幫虎爸砌「3」+「6」嘅撻陣，哈哈哈哈

生日蛋糕小插曲︰

有個胃食弟弟，見哥哥飽得滯食唔唒件生日蛋糕

自己嗰件都未食唒，就打件蛋糕主意XD

3B飲食系列 – R&B Research Bakery

今次飲食系列衝出觀塘，而且飛甩埋野人

得我同虎爸去咗尖沙咀HEA食。。。

Weekdays下午，餐廳只坐了唔夠半滿嘅人

餐廳一邊全落地玻璃窗嘅設計，感覺好舒服:)


呢杯LEMON GRASS，好FRESH!!!!!

鐘意食CHEESE嘅朋友，真係要去試試呢間R&B

樣樣都好CHEESE!!!!!

3B飲食系列 - 小時候@觀塘

大家應該都知近一、兩年

觀塘好多工廈入面都開咗一堆餐廳、PARTYROOMS、GAME-PLACES

虎家話唒都係東九龍人士

都要跟一跟個TREND，試試:P

第一間，試了「小時候」



全店貼題以「小時候」嘅班房陳設，作為一間主題餐廳

我們這一家坐嘅都係小學雞時嘅檯櫈

睇網上介紹，店內嘅3千幾本漫畫係由一間已結業嘅漫畫屋搬過嚟!!!!

餐廳全打台灣菜 – 鹽酥雞、鹵水甚麼甚麼等等




「小時候」全店飲品都以LABWARE裝住

好貼虎家係「化學世家」嘅身份，哈哈哈哈




哥哥，係咪想繼承父業?!?!?!?!

食後感︰

好唔好味???我地點嘅幾樣嘢。。。一般啦，嘻嘻:P

不過店內陳設確有特色!!!!!

如果呢類上樓餐廳喺觀塘區愈來愈多都係好事

因為而家真係好怕去商場餐廳食飯

次次都要等個幾鐘，真係等到冇心機 -__-