失驚無神自助餐 :P

野人有個自助餐達人「虎爸爸」

呢個達人近期又「引」起

無啦啦點都要去食個自助餐 -___-



其實我自己就唔太LIKE自助餐文化

因為某個角度，自助餐都係助長緊「浪費食物」

但野人好似都受到虎爸嘅影響，每次食自助餐都好興奮

(睇下佢地3父子食得幾咁HAPPY :P)

本來去食餐自助餐就冇乜特別事要記低

但食完呢餐之後嘅事就好值得記低

哥哥食完之後，病。咗。一。個。星。期

我估並唔關酒店事，只係時間咁啱咁吻合 (因為我、虎爸、弟弟都冇事)

最重要係。。。野人學校老師都知道哥哥食完自助餐就病咗

唔知會唔會以為佢食得太博命，博命到病埋呢?! :P

野人學校 - 聖誕自助餐日

野人每年都會收到同學仔好多聖誕卡

但過往幾年野人都冇送OR回過同學仔聖誕卡

雖然感覺上唔太禮貌，但唔做都係因為。。。

1) 野人冇主動提出要送聖誕卡

2) 個人覺得送聖誕卡唔多環保 :P

相比聖誕卡，我比較鍾意送實際嘅聖誕禮物，例如食得OR用得嘅嘢

例如野人N班同K1，我都係叫野人送自家製曲奇俾老師、同學!!!!

不過自K1後期，學校暗示家長送禮物俾老師、同學唔太好之後

都冇再送禮喇。。。

今年見野人最後一年幼稚園

加上佢地今年係第一個聖誕節識寫字

所以破例問下佢地想唔想送聖誕卡俾同學仔

其實我估兩隻嘢怕煩唔想寫唔想送呀

點知竟然好肯定話送喎，真係估佢地唔到，哈哈

努力寫。。。努力寫。。。要一晚完成。。。

因為第二日已經係聖誕假期前最後一日上課日 :P

最後機會，當然要係咁送係咁送!!!!



假期前最後一日返學日係聖誕自助餐日

學校每年聖誕節都會有呢個活動

除學校預備食物外，每個小朋友嘅家庭都要帶一款食物回校

食嘢，仲要任食喎，當然啱哂黑洞胃野人!!!!!

野人真係食飽到LUNCH都食唔落呀!!!!哈哈哈哈

虎爸。生日快樂。2015

虎爸今年生日嘅夜晚，我要返學

所以下晝接埋野人放學之後

就一齊去食LUNCH BUFFET慶祝

THE MARKET嘅DINNER BUFFET

出名要早一兩個月前預約

但我地食閒日LUNCH BUFFET，早兩日前預約都有位，哈哈!!







雖然幅相影到咁矇，但都睇到哥哥個邪惡樣XD

都唔係第一次食BUFFET啦，點解弟弟仍然咁老土

邊行邊食。。。-__-


弟弟心諗︰「爸爸拎咁多腳，會唔會跌落我個頭??」

哥哥拎唒所有甜點，準備試食:)




THE MARKET其中一個賣點就係有榴槤

榴槤芝士蛋糕、榴槤布丁、貓山王雪糕

最好味係左邊嘅榴槤酥!!!!!!


今年冇預備任何嘢慶祝虎爸生日

只係盡個綿力去排隊買呢期好話題嘅芝士撻孝敬虎爸

其實係我好想食，如果我唔去買就冇得食:P

之前一個人只可以買6個

超好彩我去買嗰時已經改咗1人買12個

如果唔係，我都唔可以幫虎爸砌「3」+「6」嘅撻陣，哈哈哈哈

生日蛋糕小插曲︰

有個胃食弟弟，見哥哥飽得滯食唔唒件生日蛋糕

自己嗰件都未食唒，就打件蛋糕主意XD

5月飯局

5月除了是野人的生日月

亦是兩個重要飯局的月份 – 嫲嫲生日和媽媽節

嫲嫲生日飯局去了食BUFFET，是嫲嫲自己選的

很感恩年紀這麼大的她，胃口仍然好好

吃的比我更多!!!!!



還記得5年前，我生完野人，正在坐月時

當時85歲的嫲嫲來我家探我

手上外帶了一個"許留山"的西瓜西米露

當然不是給坐月的我吃，是她自己吃以作消暑

85歲的老人家還能如此吃"生冷嘢"，實屬難得，哈哈

今年90歲的嫲嫲，仍然很精靈

還可以經常出席教會活動，被神所用，感謝神:)

黑洞胃野人吃得很高興!!!!!




高興到有點HYPER，狂搶自拍!!!!!!



好樣衰的兩隻嘢!!!!!




今年的打孖來媽媽節禮物，是本人最LIKE的TOTE BAG

虎爸提醒我記住要帶出街用 -___-


媽媽節正日飯局，和我的媽媽一起吃

由於驚媽媽節的"多人到癲"飯局情況

超級早就去吃晚飯，吃飽飽，天都未全黑，哈哈哈哈


兩隻嘢例牌地影張"無嚟正經"相就SAY BYE BYE :P