嘔奶期

2個月0既MM,我會稱之為嘔奶期0既MM

我同小虎都諗左好多個可能令到佢地嘔奶0既原因.....

1)食得太飽<------唔係,因為俾少D佢地食,2個即刻餓到發癲

2)掃風掃得唔好<-------都應該唔係,因為用萬六蚊一個月請番黎0既專業掃風員,即係陪月姐姐,掃好風都照嘔

3)奶粉唔0岩<-----最初都有諗過,當佢地食人奶就唔嘔0個時,但後來食人奶都嘔,就即刻排除呢個可能性...

本來好想帶佢地去睇醫生,因為細M有試過一整日,餐餐都嘔!!!!!!!

但係亞媽又話呢D問題睇醫生,醫生都冇乜野做到,

加上,我地次次諗住第2日帶佢地睇醫生,佢地就會即刻連續幾餐都好乖,唔嘔,真係俾佢2兄弟玩死!!!!!!!

另外,MM而家訓覺0既時間已經少左好多,

以前一食完奶,甚至奶都未吃完就訓

而家食唒奶之後都唔訓,好似好想同人玩,同人講野咁,呢一方面,真係覺得佢地好似大個左好多咁

加上,而家同佢地講野,佢地都會ERERURUR咁應番我地,好似真係識聽咁,有時仲會笑TIM~~~~

見到佢地咁樣,真係好HAPPY,

而家0既我,真係"有仔s萬事足"~~~~哈~~~~~~