讚!!!

這隻乳鴿的意義非常重大，因它是代表我餵人奶時期的終結!!!!!!!!!!!!!!!!!

從來沒做過一件事值得俾個"讚"自己

但今次長達半年的餵奶期，我真係冇諗過自己會捱得過.....而最終真係捱過左!!!!!!!!!

唔可以講係痛苦0既經歷，因為我知道很多媽媽的過程是很痛苦的

我已算很好彩，因為餵0既過程，我沒有覺得好痛、亦沒有大病過

而這些因素都是普遍令媽媽放棄餵人奶0既原因

而我需要的只是那份堅持

記得上年初初知道有B0個時，都有諗要戒口戒到餵完人奶，都有成年有多0既時間

諗落好似好漫長，但係日子一日一日咁過，其實好快

雖然咁一定有好想破戒0既時候，但一諗到"又唔係要戒成世"

我就連0個種"食少少唔怕啦"0既心態都冇埋

因為相比那一時偷食0既快感，我更享受那忍耐過後的滿足感!!!!!!!

而且我真係認為健康0既身體才是給BB一生受用0既財產

相比玩具、教材、衣服，沒有一樣比健康更重要

我唔係想講我0既戒口成功令MM出世好健康, 因為佢地出世都要0係NICU/SCBU<-----雖然我諗最主要都係因為我當時陀住47吋0既肚皮，仲行左成大半日中環，導致佢地早產所至.........

但係能力範圍做到0既我都會去做

有些同事日日見我呢幾個月咁堅持去PUMP奶，都話我好"偉大"

但講真，我一D都唔覺得同"偉大"扯上任何關係

我只覺得這是應該做0既事，我便去做了......

FIRST CHRISTMAS

MM第一個聖誕節黎喇

由於佢地仲係處於嘔奶期,所以都唔敢帶佢地外出..............下年啦下年啦........

買左個蛋糕同佢地係咁易慶祝下(雖然佢地仲未食得.........都係下年啦下年啦......HAHA)

睇下媽媽0既威力，引到佢地笑得幾開心!!!!!!!

神乎奇技

"捲利"呢樣野係遺傳，我知丫!!!!!!

我同小虎都識"捲利"，所以我2個仔都有3/4機會率識

但係奇就奇在..........細佬0既利係向下捲呢!!!!!!!!!!!!!!!!!!!!!!!!!!!!!!!!!!!!!!!

教材

MM三個幾月開始，我就俾佢地用DISNEY WORLD ENGLISH

唔係本人覺得呢套教材特別好

而係第一)迪士尼,我一定唔會抗拒(因為我話唒都係迪士尼半個DIE HARD FAN)

第二)咁有誠意上到黎屋企SELL,而我又懶得去研究其他教材.......咪揀佢囉!!!!HAHA

套野送到黎屋企0個時,我都嚇一嚇

多野到咁!!!!!!!!!(我間屋好細架咋!!!!!!)

認得我喇!!!!!!!!!!!!!

上星期.......

我同小虎講:我覺得2個仔開始認得我

小虎:你又知?!

我:到佢地認得你0個時,你就會自己感受到.....

佢聽完我咁講,即刻0係mm面前"搔首弄姿"!!!!!!!!!!!!再同我講:佢地都認得我~~~~

雖然理論上+好多人都話BB好細個就會認得自己0既mama

就算睇得唔清,都會認得mama0既味道

但係mm一路俾我0既感覺都係..........一舊飯咁,佢地對個個都係同一個反應

不過近來我感覺到佢地見到我0個時,係會興奮D架喎

真係搞到我鬼屎咁高興

而家咁樣我都開心到咁,真係難以相像佢地開始識得講野、爬爬、行路0個時

我會興奮成點?!?!?!?!?!?!?!?!?!?!?!?!哈哈~~~~~

早生vs遲生

我一向都覺得早D生BB係好事

雖然自己都唔算太遲,但係我覺得如果23.24歲生,無論係體力同精神上都係比較優勝

而家見到我D同事,更加睇到早生0既好處

佢地都唔係年紀好大,但係D仔仔女女都讀緊中學

有D年長D0既同事,但都唔係老喎,D仔女都讀完書,做緊野lu......2公婆勁free,真happy~~~~~

所以大家都早D生啦,唔好諗住咩結完婚,要過耐D2人世界,其實3人/4人世界仲開心,

第日仔大女大,有排過2人世界,哈~~~~~

而家MM,3個幾月大,成日0係度學講野,真係好搞笑~~~~

有時好似長氣到講左一句野咁.....真係笑屎我~~~~

雖然嘔奶情況仍然持續,(連百日宴0個日都有0係酒店嘔呀!!!!!真係失禮人....哈)

但係都算好過之前架喇,都安心D~~~~~

我發覺,大M係似我個樣,但係就似小虎0既性格

細M個樣就似小虎,但性格就似我~~~

我真係好鍾意觀察MM佢地每一日0既變化,

因為對於我黎講,過左1日就1日架喇,要好好珍惜佢地成長0既時光~~~

有個同事問過我,有冇好PROUD OF生左2個仔,

咁我又冇咁誇有"引以為傲"0既感覺,But really happy with being with them!!!!!!!!!!!

Breast Is the Best

Breast Is the Best

呢句係政府鼓勵人餵母乳0既Slogan

我都有響應架~~~~哈,

因為我覺得母乳比起任何靚衫,靚鞋,靚玩具都係一份對BB更好0既禮物~~~~

對於餵母乳,我自己就有3個階段0既目標

1) 極短期目標:1日

由於初初餵人奶時,自己感到極度辛苦,但係又唔想咁快放棄

所以就本著餵得一日得一日0既心態,每過一日都當自己已經達到目標

咁就會容易D開心D~~~~

2) 中期目標: 3個月

而家MM已經3個月喇,呢個中期目標我已經達成左喇,YEAH!!!!!!!

3) 終極目標: 半年

我陀住BB0個時,一心都諗住要餵半年架

不過原來餵人奶呢樣野,真係要有好堅定0既決心,希望我自己可以KEEP到啦~~~~~

好在而家返醫院,有地方又有埋Equipment pump奶,如果唔係,好似好多公司都冇0咁0既地方,要0係toilet搞掂,

我就未必可以堅持到喇.........

煩人的濕疹

自從MM四個月人仔開始，佢地就展開左爛面人0既生涯!!!!!!!

特別係細佬，佢塊面0既濕疹真係好強，真係睇見都登佢痕+痛（細佬真係乜核突野都勁過人，0個時D頭泥，我稱為菠蘿頭，又係好勁!!!!)

濕疹呢家野真係好麻煩，因為佢會時好時壞，主要都係因為天氣，乾燥時會特別利害!!!!!

基本上可以試0既潤膚膏我都試過唒

有類固醇0既藥膏，我又唔想俾佢地搽!!!!!!

最後都試到有隻潤膚膏係幾OK0既，而且醫生話有D小朋友係咁，大大下就會自然好唒，希望MM都係呢TYPE啦!!!!!!

 

FU MASK!!!!!WAKAKAKA

有時會好唒0既面!!!!!!^^

互相學習

一直都認為大人係可以從小朋友身上學到好多野

同MM相處左差唔多3個月

我學識左耐性同唔好HEA

對人要有0既耐性,講真我不嬲都冇乜

特別係愈親0既人我就愈冇,哈~~~

但係小朋友就係要你去明白,佢地真係乜都唔識

如果你冇耐性對佢地,只會令自己愈忟憎

例如,之前MM食奶0個時,(當時仲係食少過2oz奶)

好鍾意食到一半就擘大個口唔再啜

佢地根本就唔會知道自己係唔可以食咁少

所以最好就培養耐性繼續餵

至於hea呢樣野,我就真係好鍾意

仲要加埋發呆,簡直係我強項

但係MM出世之後,我就成日提醒自己手腳要快D

唔好拖懶個人,又唔好成日呆左唔知自己做緊乜

而家MM仲係咁細,我諗我要學0既野仲有好多

為左2個仔,做咩都係值得

不求回報0既付出係最舒服,最開心0既~~~哈~~~

唔覺唔覺

原來咁又過左2個月,真係唔覺唔覺.....mm已經5個月有多喇~~~~

小朋友0既成長能力真係驚人!!!!!!!!!!!!!!!!!!!!!其實我日日對住mm真係唔多覺

但當我近日經常0係醫院見到D初生BB,加上我近排搵番我之前覺得放0係mm身上好大0既衫

但係而家已經差唔多去到爆衫0既地步!!!!!!!!!發現原來佢地真係大粒左好多!!!!!!!!!!!!!!!

隨著百日宴0既過去,佢地0既夜奶生活都過去喇

(其實matthew0係醫院返左屋企幾日,已經一覺訓天光,

不過個8掛仔,0係哥哥返埋屋企之後,就齊齊食番,仲要一食就3個幾月~~~~)

唔好以為戒左夜奶, 一日得番4餐食,我同小虎就爽左好多喎(雖然係好左,但係稱唔上"爽")

因為佢地唔食夜奶之後,每晚最後0個餐奶就開始發癲喇!!!!!!!!!!!!!!!!!

癲0既程度.......我都唔知點形容,有興趣0既朋友可以夜晚9點後黎我屋企觀摩一下.....

總之就係0係度想反抗---->反身---->唔肯食奶(但係其實係肚餓啦)

不過佢地有癲0既方式,我同小虎都有對應0既方法<------雖然唔係百份百work,但都有90%

其實都係無意中發現,話說就係小虎一唱"我鍾意地球"呢首兒歌就會平伏到佢地0既心情

"我鍾意地球"係一首咩歌呢????我上網查過,終於0係一個"老孩子兒歌網"搵到!!!!!!!!!!!!

係霑叔同顧家輝呢個金牌組合0既作品!!!!!!!歌詞都好有意義架~~~~哈~~~~

由於每晚唱,聽0個個唔厭,唱0個個都厭啦!!!!!!!!!所以我地試過用艾phone錄左,重播又重播

有時小虎仲會發輝佢0既創意,胡亂加入新0既歌詞~~~~

或者呢D就係湊小朋友0既樂趣<---------何謂苦中作樂,就係咁喇............

至於由2個月大開始0既嘔奶情況,到而家仲有架!!!!!!!!!!!!!!!不過就已經去到可控制階段

偶爾都仲有一餐半餐啦,半餐即係嘔少少,唔係好似之前咁,食完成餐奶嘔番唒出黎!!!!!!!!!!!!!!!!!

成日都有人問我,湊2個BB係咪好辛苦????

我0既standard answer:"辛苦,但係可以接受~~~~"

相反,B俾到我0既快樂,係意想不到呀~~~~~

當我每朝用燦爛0既笑容歡迎佢地,佢地會用更加燦爛0既笑容回應我0個時

辛苦0既感覺,去左邊呢?!

嘔奶期

2個月0既MM,我會稱之為嘔奶期0既MM

我同小虎都諗左好多個可能令到佢地嘔奶0既原因.....

1)食得太飽<------唔係,因為俾少D佢地食,2個即刻餓到發癲

2)掃風掃得唔好<-------都應該唔係,因為用萬六蚊一個月請番黎0既專業掃風員,即係陪月姐姐,掃好風都照嘔

3)奶粉唔0岩<-----最初都有諗過,當佢地食人奶就唔嘔0個時,但後來食人奶都嘔,就即刻排除呢個可能性...

本來好想帶佢地去睇醫生,因為細M有試過一整日,餐餐都嘔!!!!!!!

但係亞媽又話呢D問題睇醫生,醫生都冇乜野做到,

加上,我地次次諗住第2日帶佢地睇醫生,佢地就會即刻連續幾餐都好乖,唔嘔,真係俾佢2兄弟玩死!!!!!!!

另外,MM而家訓覺0既時間已經少左好多,

以前一食完奶,甚至奶都未吃完就訓

而家食唒奶之後都唔訓,好似好想同人玩,同人講野咁,呢一方面,真係覺得佢地好似大個左好多咁

加上,而家同佢地講野,佢地都會ERERURUR咁應番我地,好似真係識聽咁,有時仲會笑TIM~~~~

見到佢地咁樣,真係好HAPPY,

而家0既我,真係"有仔s萬事足"~~~~哈~~~~~~

MM@1st Month

經過一個月0既磨合,我對MM都叫做有初步0既了解

外型上:

1) 兩個右邊面都有個好勁0既"酒粒"

2) 兩個都係耳仔側邊有個小孔,大M就2邊都有,細M就一邊

3) 大M頭髮黑D,細M0既頭髮+眉毛係啡啡地0既

4) 大M笑0個時,對眼都會笑埋,好可愛;細M就好多古怪表情

動態上:

1) 2個掃風"GER"氣都勁大聲!!!!好似想將個胃都GER埋出黎咁!!!!!!!

2) 細佬係粗人,一喊就勁大聲,想整聾你隻耳!!!!!大哥係斯文人,好溫柔^^

P.S.其實細M咩都大聲過人,例如痾屎0既聲,好似想炸爆個屎坑咁......

3) 2個打完"乞痴",都會發出類似"唉"一聲

4) 2個食奶都係初頭好快好急,驚死人搶左佢地支奶咁!!!!!!!食左一半之後就勁慢!!!!!搞到餵0個個人勁忟!!!!!!

5) 2個都係食食下奶,會搵個奶樽,但係明明已經係佢地個口度..........

5) 大M最鍾意小虎餵奶0個時痾屎,細M就鍾意下晝食奶時份痾~~~

睇住佢地一日一日咁長大,轉變(真係日日望都覺得唔同呀!!!!!)

由初初0係醫院返到屋企0既細碼B,到而家2個都有D雙下巴,手手腳腳都有D肥肉仔

我敢講"冇人可以比得上我咁開心",哈哈哈哈~~~~

呢張係第一個月,我最鍾意佢地0既合照~~~真係睇親我都勁笑!!!!!!!!

生產全紀錄

由一開始知道有小B,醫生差唔多第一樣野就同我講"希望可以去到38WEEK,BB先好出世"

因為孖B確實好大機會會早產,又或者因為2個0既關係,媽媽0既血壓會好高,迫住要早D拎BB出黎

0係我28WEEK0既時候,見到/聽到好多孖B,30/32/34WEEK就出左世

當時0既我,真係覺得自己每2個星期就過左一關咁呀!!!!!!!!!

最後,孖b終於要在35week3day出世了!!!過程真係永世難忘~~~

5/30(日)

1200 - 起身,感覺到有少少唔妥,落街吃完個早餐,返到屋企,懷疑穿水,打俾葉醫生,佢叫我入院觀察

1300 - 入到法國,搞好唒d生b手續(當時仲話未穿水!),聽左一個鐘胎心機

1400 - 葉醫生黎左睇我,話未穿水,叫我bed rest,希望可以等多幾日,bb先好出世

2100 - 沖涼,我自己confirm真係穿水,通知醫生

2130 - 葉醫生同我講解完,心入面好驚,因為小b得35周多d,留0係法國生,我對自己個狀況會安心d,因為始終係自己個醫生接生,但係如果小b出到黎有咩事,法國係唔夠廣華0既設施咁充足,我好驚係自己下錯個決定,影響到小b佢地,但係呢個咁重要0既決定只有我可以話事,0個一刻,我唯一做0既事係心裡禱告,渴望神為我安排

2230 - 好驚之下,喊完+禱告之後,葉醫生再黎同我講左一陣,好似明確左,最後揀左去廣華,打左一支BB強肺針就離開法國了......

2300 - 抵達廣華,其實我真係覺得自己個醫生好好,我決定左去廣華,佢就幫我安排唒所有野,事後我仲要知道佢冇收我錢........

P.S. 行入去法國醫院,訓住咁離開,我已經係第2次訓住咁0係法國搭lift,2次都係好驚

P.P.S. 咁大個人,都係第一次搭白車,當時心情已平伏左好多,所以訓住咁觀摩下白車入面係點,hehe

2300 to 0000 搞左一大輪,換衫呀,檢查呀,終於決定即晚開刀,

P.S. 同麻醉師傾麻醉方法0個時,有個"方力申"咁0既人走埋黎,同我講"我係你今日0既麻醉師",我並唔係想討論佢靚唔靚仔,而係佢完全俾唔到一個專業0既感覺我,佢想說服我揀半麻,我堅持揀全麻!!!

5/31(一)

0030 - 入手術室

0130 - 小B們出世了,他們0既年齡係相差2分鐘~~~

~0330 - 小虎報稱,這是我由手術室推出黎0既時間,佢事後話我知佢好緊張,因為明明小B都出左世2個鐘,都未見我出黎......HEEHEE,傻佬~~~

0係麻醉藥0既記憶下,我只有幾個印象:

1) 仲0係手術室,第一下被拍醒,我個喉嚨入面好似有條管咁,出唔到聲,但係拍醒我0既人一定要我應佢

2) 醒左之後,訓番,唔知過左幾耐,我仲0係手術室,我終於儲到第一啖氣問左2個問題,就係"我係咪做完架喇???"同埋"我2個BB點樣"

3) 推出手術室,第一眼見到小虎,問"BB佢地點呀???"

4) 推上病房,好似同小虎傾左幾句,同佢講好痛,想食止痛藥,不過好似有個護士咁0既人話未食得住...

後記:

曾經聽過,在肚裡孕育一個小生命要10個月是有原因的

如果太短,你會變得不珍惜得來的生命

如果太長,將會有更多人選擇不要小孩子

我不知道這說法的真確性

但這35周3日確實令我的人生有著很重要很重要的經歷~~~