3B MaMa Blog: 2月 2016

2016年2月28日星期日

野人婆婆。早早慶生飯

野人婆婆3月生日

但由於我地虎家 + 野人E-MA三月分別都要去旅行

所以同野人婆婆提早吃飯慶生

周氏合照 : 好少兩老咁合作 (對眼冇合埋 + 個咀冇講緊嘢 XD)

全晚嘅相都只得哥哥

其實弟弟都有去食飯，只係唔多舒服，「哩」埋咗一邊

但食完飯走嗰時又乜事都冇，好奇怪嘅一個人-___-

P.S. 2月BLOG完成唒。。。

3月一開始就寫我又愛又恨嘅親子旅遊BLOG

今次我們這虎家去到大阪!!!!!!

想知道大阪有乜最啱小孩玩，就要STAY TUNED 3B MaMa Blog喇 :)

2016年2月20日星期六

2016新年朋友團拜

農曆新年尾聲嘅週末，連續兩日朋友團拜

有冇發現其中一日只有ONE OF THE野人???

事緣虎爸突然要留家處理公事

一向都唔鍾意出街嘅宅男弟弟

就趁機留喺屋企砌LEGO-___-

想推薦其中一晚團拜去咗一間喺富豪九龍酒店入面嘅西餐廳 - MEZZO

我地去嗰晚，餐廳人少少

仲咁啱有個CORNER位置俾我地

小朋友食完飯可以有個位置「聯誼」

而且食物無論質素、價錢都好OK!!!

所以如果係一大班朋友，有大有細，呢間MEZZO確實係唔錯嘅選擇 :)

我地呢班朋友已經講定下次如果都係DINNER聚

都係去呢間餐廳，哈哈哈哈

新年後記：

隨著團拜完畢，野人逗利是節期都過去。。。

又係時候影下呢張每年必影嘅「利是大合照」XD

2016年2月14日星期日

情人節 / 人日 / 娘家開年飯

野人BB年代，我同虎爸一定係拍拖去過生日、情人節、結婚紀念日

因為要帶BB年代嘅野人外出，確實好麻煩 :P

到宜家野人愈大，就變得無論任何節日都選擇同兩隻嘢一齊過

因為同佢地出街已經變得好自在 :)

今年情人節，平凡嘅星期日

如常要帶野人去學游水。。。

呢個小孩好嚇人

食完飯去游水，游完水又話肚餓

要食碗叉燒飯!!!!!!CRAZY!!!!!!!

人仔細細，個肚放到咁多嘢?!?!?!

今年情人節，又係人人生日嘅人日

亦都係返娘家食開年飯嘅一日

所以今年情人節，好多人一齊過 XD

訂咗隻有米豬，比準時更準時到!!!!!

由野人姨丈主理「開豬」儀式

有米豬之外，仲有個大盤菜

其實我地一家唔係咁多人

所以食到個肚要爆開都唔會食得唒!!!!! :P

2016年2月13日星期六

虎家慈善日 – 宣明會赤腳行 + Unicef小畫家大夢想

晨早流流，腳踏人字拖去到海邊，搞咩?!?!

答案就係參加香港世界宣明會一年一度

喺清水灣鄉村俱樂部舉行嘅「新春童樂赤腳行」

今年第一年同野人參加赤腳行。。。

見佢地呢個唔太順超樣，唔知轉頭會唔會抗拒「赤腳」?!?!?!

今次約埋力行一家參加赤腳行，齊齊做慈事

為印度貧困孩子籌款 :)

好朋友就是愛用同一品牌 XD

大家都脫好鞋，影張赤腳照，準備出發!!!!!

其實野人唔太討厭赤腳，但呢張相。。。

只可以講。。。佢地交足戲!!!!!!

出發出發出發!!!!!!

我確實係幾鍾意帶野人參加慈善行、慈善跑之類嘅活動

因為每一次都係一個教育野人嘅好機會 :)

在我立場，幾能幹幾有學識嘅人都好

如果睇唔到其他人嘅需要，幾叻都冇用!!!!

能幹嘅人，就係要運用自己嘅影響力，幫助更多人 :)

本來都天陰陰，愈行愈好太陽

中場休息：環境優美嘅GOLF草地

風景一流!!!!!

休息完畢，準備回程時，聽到大媽一番話

簡直令我下巴跌落地!!!!!

大媽向著全家人呼籲：

「趁行完草地對腳乾乾地，著番對鞋啱啱好」

我心諗「未行完呀喎!!!!!!!!!」

其實未行完就著番對鞋，一開始唔赤腳都得啦-___-

力行上半場行得有D唔耐煩

但回程時，好似變咗第二個人!!!!!

完全開懷唒!!!!!!!XD