野人K2之完結

野人已經過了3年學生哥生活

3年中，感覺上K2呢年過得最快

唔知係咪因為今年係第一年我同虎爸親自湊返學

所以覺得時間特別快過。。。

(雖然有時我都偷懶，得虎爸自己接送:P)

但有一樣嘢一定同我&虎爸親自湊返學有關

就係相比N1、K1兩年，今年我&虎爸同野人班老師ss都比較熟絡:)



雖然過往兩年野人都係搭校車返/放學

但我同虎爸都有個傳統

就係每個學年LAST DAY都會親自接野人放學

虎爸K2整整一年接放學，LAST DAY當然唔例外

不過今年LAST DAY有個驚險小插曲。。。

話說LAST DAY前一天打颱風，停課一天

所有家長同老師都好擔心最後一日返學會因為颱風仍未走

繼續停課一天 (大家都知8號風球難掛，但3號風球係好易掛!!!!)

如果真係繼續停課，今個學年就會「無聲無色」咁結束-__-

所以大家都超級想個颱風有咁遠走咁遠!!!!!一定要返到學!!!!!

最後真係好感恩，天父令颱風走了。。。

學校每個孩子今個學年都可以有一個完美嘅句號 :)

特別係K3嘅學生，佢地真係最後一日返幼稚園

如果冇得返學，真係好可惜!!!!!!

最後一日嘅早會，唱了「說說再見」呢首歌

好多老師同K3家長都留下不捨嘅眼淚

雖然野人仲未K3，但我都眼濕濕

感謝神，令野人在如此充滿愛嘅學校長大:)