去華欣，完全體驗咩叫「長途跋涉」！2個多小時嘅機程到曼谷機場(仲要Delay咗一個鐘!!!) + 3個多小時車程 (已經感恩冇塞車）總共用咗6個幾鐘去到華欣。。。其實我知去華欣係煩嘅。。。但我真係好想同野人去玩下嘛。。。咁所以已經一直等到宜家佢哋大啲易搞啲、唔會成日問住幾時到幾時落車嘅年紀先去呀喇！
食下嘢、瞓下，車程時間都快啲過。。。
第一站到達華欣，就係入住Holiday Inn Vana Nava Hua Hin。住呢間酒店嘅原因當然為咗可以好近、好方便玩隔離嘅Vana Nava Water Jungle。酒店住客於Check-in後，免費無限次進出Water Park，直至Check-out酒店。
Water Park地方唔太大，但睇電視介紹原來呢度有全泰國最高嘅滑水梯！！雖然細，但要玩嘅Water Park玩意都接近有齊，人造浪、Lazy River、大水桶、滑水、BB仔嬉水區、大大小小長長短短滑水梯。。。
身高122cm或以上嘅小朋友，就開心喇，因為已經可以玩盡場內99%嘅設施，只有滑水梯「ABYSS」玩唔到
另外，Water Park有兩個比較另類嘅遊玩設施
1）Ropes Course
2）Climbing Wall
因為時間關係，野人只玩了Ropes Course。Ropes Course有3層，小朋友可以只玩一層，又或者鍾意挑戰自己嘅小朋友，一層層玩上去，玩哂3層又得 (3層係完全獨立無關，所以膽大嘅小朋友可以一開始玩最高嗰層！）
⚠️注意事項⚠️
1）兩個玩意都需要著鞋 (唔一定要運動鞋，總之唔係Open-heel、唔係拖鞋就可以)。
2）身高1.22米或以上嘅小朋友就可以玩Ropes Course (家長冇得陪) ; 至於Climbing Wall就冇高度要求。
泰國嘛，Water Park當然有做MASSAGE嘅地方
食方面，場內有Food Court、餐廳、Cafe Amazon、仲有Buffet可供選擇
小朋友除咗玩Water Park之外，其實Holiday Inn都稱得上係一間親子酒店。酒店設有特色家庭房，另外仲有Kids Club同Infinity Pool👍🏼
Kids Club場內一邊就似平時室內遊樂場，有攀爬、波波池、瀡滑梯，另一邊就有積木、畫畫、車仔、路軌、廚具玩具玩，仲要有電影睇、有遊戲機玩！酒店嚟講，呢個Kids Room絕對算大得嚟又有嘢玩！
註：Kids Club每日指定時間會有Workshop可以參加(需收費)，主要都係Art Work，例如畫T-Shirt、咕𠱸⋯⋯
Infinity Pool位於酒店頂樓，景觀👍🏼👍🏼唔游都去影張相打個卡😛
酒店早餐，要食嘅嘢都有齊。
重點：11歲以下小孩早餐免費👏🏼👏🏼😆😆
想收看更多親子外遊資訊，請到
《3B孖媽生活館》Facebook Fanpage :
沒有留言:
張貼留言