新界西。薑醋。輕鐵遊

我的好友兼超錫野人的潘EE，10月誕下了"鄭大少"

就在大少差不多一個月大時

終於有機會帶野人去探探潘EE+小BB :)

每一次再手抱初生BB，我想我跟虎爸都是百般滋味在心頭

探朋友+探BB當然是重點，但食薑醋都好重要!!!! :P

真係好唔明自己點解生完BB後，愛上了薑醋。。。



潘EE好耐都冇同兩隻嘢陪讀了。。。

野人近期無原因地迷上恐龍。。。

就憑以下4張相，就知將來要3個人仔合作影相會超難!!!!!




鄭大少，跟媽媽一樣，超大眼睛!!!!!!

BB生長速度驚人，下次見面，樣子已經會長得很不一樣 :)

大少在爸爸懷中"努力"看電視，嘩哈哈哈

野人最愛整蠱寶EE，而且一次比一次嚴重

真係唔識死，寶EE最介意就係影唔到一張靚相!!!!!哈哈哈哈



自從唔知幾時俾野人見過輕鐵

兩隻嘢每次見到輕鐵都好想搭

今次終於就到時間俾野人"遊輕鐵河"

我這個在屯門長大的人，輕鐵對我來說一點也不陌生

但對於少去新界西的朋友仔來說，例如虎爸

真係會對輕鐵這種交通工具充滿疑問

最普遍的問題就是 : "點俾錢???"

其實就有兩個選擇

1) 於售票機購票
2) 用8達通在入站機拍卡


落車時，再在出站機拍卡，以完成整個搭輕鐵程序


但由於輕鐵站的設計是異常"開揚"

所以這個入站/出站答案通常會引起另一個問題

"咁點會有人俾錢呀???"

我並唔想在這裡詳述職員會神秘查票之類之類的情況

反正就是新界西以外人士對輕鐵就是充滿奇怪之情 :P

野人如願以償，當然興奮到啞口無言，哈哈哈哈




搭了一段時間後，野人終於放鬆自己，開始互相交流


每年，我都會略略制定一個野人TO-DO-LIST

搭輕鐵後，又可以為TO-DO-LIST剔除一項，GOOD!!!!