最佳情人節禮物 - YANZI CONCERT@TP

本來諗住同虎爸去完OKINAWA之後

下一次再同虎爸出外，都應該係等野人放假同佢地一齊出國

點知正正去完OKINAWA之後

闊別樂壇3年幾嘅YANZI，宣佈情人節喺台北小巨蛋開SHOW

上一次睇YANZI已經係4年前喺香港陀住野人嗰時睇。。。

因為咁，就促成左我同小虎去情人節一下嘅台北之旅

今次可以喺情人節睇到YANZI，真係最佳情人節禮物!!!!!些些小虎~~~

急不及待，一落機就去拎左演唱會飛(其實行程第3日先睇，哈!)

拎到手，安落唒~~~


小巨蛋睇SHOW，其實冇乜感覺

反而係睇SHOW嘅台灣人令我好IMPRESSED

因為佢地會趕住入場(會跑入去，但其實都仲有10分鐘)

比起香港。。就算遲到都係慢慢行-__-

仲有一樣IMPRESSED就係台灣藝人

話說我睇嗰場。。。黑人哥、范范、SELINA、HEBE都係睇同一場

佢地真係睇到完SHOW先走呀!!!!!

(香港藝人睇SHOW，通常場SHOW都未完就走!!!!!)

睇YANZI之外，其實去台灣都冇乜嘢要做

咁啱係台灣花季，上左陽明山賞花

好大陸FEEL。。。


小虎未去過9份，陪佢去行下。。。

新舊購車票機。。。



新舊台鐵。。。



去到瑞芳站，已經狗C咁大雨!!!!!!!

9份仲大雨!!!!!!


但無阻小虎食腸心情


如果要我食唒呢磚花生糖 = 叫我去死!!WAKAKA(都幾憎花生糖陣味)

旅遊書介紹，所以要排隊嘅芋圓店

芋圓MASS PRODUCTION中。。。

旅遊書之所以介紹呢間芋圓店

我估係因為個景致，而唔係芋圓質素

因為我覺得同山腳嗰間店嘅芋圓質素差唔多。。。
(半個鍾之內食左兩間芋圓，嘻嘻)

喺台灣，經常吃麵。。。

永康街牛肉麵、鴨肉扁麵(但其實係鵝肉)

食麵其實都好正常

但!!!!!!唔知點解小虎去到台灣都要食"任燒"

(仲要之前喺香港BOOK定位!!!!!SHORT SHORT地!!!!)

唔知點解嘅其實唔止小虎

我自己都係唔知點解次次都要喺台灣食呢個咁HEA嘅夾心包

仲有要飲我平時唔多飲嘅大盒豆漿。。。

不過我真係好想香港有呢個超方便CEREAL買!!!!!!

香港誠品都有嘅天仁茗茶，喺台灣都要飲飲，嘻~~~

如果唔係幫朋友搵書，其實我都好少一定要去台灣誠品

台灣人唔知係咪太鍾意睇書，對眼搞到唔多好

定係佢地好注重眼睛健康呢???

超多護眼、保眼、操眼書!!!!!WAKAKAKAKA

小虎話。。。喺誠品一定要坐地睇睇書喎
(但佢睇緊介紹香港嘅旅遊書-_-)

台灣咖啡弄出名到喺香港開左舖

次次都要排兩個幾鐘先有得食!!!!

台灣嘅CAFÉ一樣要排。。。

今次去左呢間MELANGE CAFÉ

好彩只係排左唔使一個鐘，算快:)

台灣CAFÉ好鍾意用報紙質地做MEUN

其實我就唔多LIKE，凝住會整黑隻手(只係凝住唧，唔會嘅。。嘻嘻)

MUST HAVE WAFFLE!!!!!!YUMMY!!!!!

去到台灣總要行番一個半個夜市


巧遇MR. (啱唔啱??我經常撈亂MR.同RUBBER BAND，WAKAKAKA)

呢堆蟹，個味好快令人悶。。。

呢個胡椒餅，咪睇小虎個樣笑唒，以為食到好開心

話說買呢個餅係排唒長龍

我一路排、一路睇佢地點整個胡椒餅

真係睇到我心都UP埋:(

佢地係"塗"手將個未焗嘅餅，UGG落去個爐邊焗!!!!!!

"塗"手呀!!!!!!!!!我見到佢地嘅掌心係紅唒架!!!!!

我估佢地已經唔知熱係咩一回事

而個餅只係賣TWD40!!!!!!!

總之睇完之後，覺得用TWD40買起左呢幾個人對手

所以唔想再支持，但又有可能如果個個似我咁諗

佢地就會冇生意做，所以好矛盾。。。

或者可以試下用D工具，唔使只係靠對手。。。

可能會做慢左，但都好過對手冇唒知覺。。。

前排聽電台，DO姐去完台灣金馬獎之後極力推介嘅"佳德"鳳梨酥

買左少量試試。。。

順手喺嗰度買左個碗咁大嘅蛋撻食
(都係香港蛋撻好食好多!!!!!!)


近年香港人好興去，但台灣人唔會點去嘅上引水產

行程最後一天，見有時間都去左行下。。

好熟口面，係咪OKINAWA嘅吉祥品?!

喺上引水產，你可以選擇即買即煮

又或者可以喺各類餐廳食炭燒/鍋物/生食海鮮

食野之外，仲有品酒區，以及買家品嘅地方

我同小虎就選擇左食SEAFOOD BAR

一心諗住食完呢堆蟹膏，膽固醇指數又標升。。

點知食完半個鐘之後。。。

我就覺得好唔舒服，超級想嘔!!!!!!

(我去旅行，從未試過水土不服嘅不適)

最後，我真係全部嘔唒出黎!!!!!!

嘔完即刻舒服唒~~~呼~~~~

而且D膽固醇唔會黎揾我，嘻

舒服唒之後，買埋我至愛KRISPY KREME就返香港

超級多人買囉!!!!!!!!

好彩我係買一打原味，有快隊排，YEAH!!!!

(我想買兩打呀!!!!!但俾小虎質疑我食唔食得唒)

KRISPY KREME店附近，出現左個勁人

佢可以喺個大泡泡波入面，再吹幾個小泡泡波

好想練成呢一技之長，表演俾野人睇，WAKAKAKA

後記 :

本來我估自己嘔嘅原因係食左嗰堆蟹膏

小虎唔食蟹膏，所以冇嘔

但後來返到香港，小虎中左輪狀病毒!!!!!

而我就完全冇事。。。

相信都係D海鮮唔乾淨OR上引水產D人嘅手唔乾淨所致

我之所以完全冇事，係因為我啟動左自我保護功能

全部嘔唒出黎，WAKAKAKAKA

呢件事對小虎真係好大懲罰

喺台灣，佢仲同我講5日黎都未試過肚餓嘅感覺(日日食到勁飽)

但去完台灣嗰一個星期，佢因為輪狀病毒，日日白粥咁滯，嘻嘻~~~