K1。上學期。完

雖然呢。。。已經3月尾。。。野人K1下學期都差唔多過左一半

上學期嘅家長日AND派發"兒童學習進展紀錄"都已經係兩個月前嘅事

但!!!!!!我都要堅持寫篇BLOG記下佢地K1上學期嘅事

因為學校生活佔左佢地兩隻野1/3時間

我絕對唔容許有1/3野人嘅野冇寫BLOG!!!WAKAKAKAKA

上學期，除大型活動(與童共樂、秋季旅行、童來賀聖誕)有特別寫BLOG外

其他野人喺學校嘅情況，都冇好似上年NURSERY咁，間唔時寫下

但其實我反而比較鍾意記野人平時喺學校嘅點點滴滴

因為呢D零零碎碎野容易唔記得黎但又好珍貴:)

野人搭校車返學，所以都比較早返到學校

NURSERY同K1最大分別就係。。。

K1開始，返到學校，未上堂前，可以離開課室，出去玩車!!!YEAH!!!

至於課堂內容。。。

都有一貫嘅藝術創作、唱遊、大小肌肉訓練。。。

仲有小朋友認為最最最重要嘅茶點時間，KeKeeKeee!!!

藝術創作

唱遊

小肌肉訓練

最最最重要之茶點時間，有時仲會DIY茶點:)

除以上種種外。。。

K1比NURSERY嘅課堂內容當然更豐富

野人最愛就係分區時間

喺分區時間，小朋友可因應自己嘅喜好

選擇自己當日想去邊一個區域學習

內容範圍包括科學、語文、積木、模擬日常生活。。。

科學區>>>傳聲筒 (我到好大個先知，原來條線要直唒先傳到聲，哈哈!!)

語文區>>>GORGOR似乎比較鍾意玩呢類型玩具

積木區>>>野人至愛嘅區域，都估到啦，有車玩!!!!

模擬區>>>我見過有扮過超市、茶餐廳、屋企

老師製作埸景好認真呀!!!!!真係佩服。佩服!!!!!

GORGOR喺模擬區扮哥哥 (擺脫唔到做哥哥嘅命運!!!哈!!!)

其實我私底下問過老師，如果小朋友日日揀同一個區點算?!)

老師答: 其實唔會呀，我地私底下有MARK底小朋友去過邊個區

咁就可以鼓勵下小朋友試下去其他未去過嘅區域學習WAKAKAKA!!!!

除分區學習外，野人另一鍾意就係體能堂

(我估個個小朋友都鍾意，因為佢地無限ENERGY!!!!)

而我自己最鍾意學校會安排小朋友有分享時間。。。

小朋友可以帶相OR物件返學

同其他同學仔分享自己假期嘅所見所聞

K1小朋友都開開大個少少

自理能力都要提高DD

野人話。。。

刷牙要刷唒D"諸葛膜"(WHICH IS 獻計俾牙菌膜嘅智者!!WAKAKAKA)

自理之外，都要"照顧"一下學校環境Keekeekee

野人已經喺幼稚園生涯經歷左兩次中秋節、聖誕節、農曆新年

再過多兩年同樣嘅節日，就差唔多幼稚園畢業，快到呢~~~~

透過幼稚園，我認為學習知識係其次

重要係喺呢個人格形成初期

建立好品格、價值觀。。。呢類影響一生嘅原素

當然對於基督教家庭黎講，建立愛神嘅心更為重要

願野人喺幼稚園生活裡面繼續經歷厚厚嘅恩典

學習成為一個榮神益人嘅小天使:) 

P.S.各位同學仔PAPAMAMA

如果有咩學校上堂情況寫錯左，請多多包涵

因為全部都係用學校相，看圖作文，嘻嘻~~~