可能因為K2呢張係第一年喺學校影，老師睇住，果然影得好好多!!!!
由今年K2開始，野人由下午仔變做上午仔
有4方面需要重新適應
1) 當然係要晨早被叫起身返學
2) 新同學
3) 新老師
4) 唔使再搭校車，我同虎爸親自接送
第1、2、3我都唔太擔心
特別係早起身返學，我直頭零擔心
因為野人不嬲都係日光小子
即係起身時間跟住個日照時間，朝早起身返學應該冇難度
怕只怕可能一旦變朝早返學，就變晏起身
大家都知有時D嘢就係咁神奇，嘻嘻
至於第4點，我就比較多顧慮
一路以嚟，送野人上校車OR返興趣班都係由玉豆姐姐AND野人婆婆負責
所以每逢偶爾係我 / 虎爸送佢地校車OR返興趣班
野人都會想喊 / 真喊，顯得唔多願意BYEBYE
所以K2開始係我同虎爸親自接送
都估會唔會出現類似唔願BYEBYE情況。。。
不出所料，野人第一星期返學，確實有真喊
幸好DiDi好快就適應，第2星期開始已回復正常
但GORGOR開學差唔多一個月，仍處於真喊狀態。。。
而且表示好唔想返學!!!!
我有諗過，係咪真係好唔鍾意返學呢?!?!?!
但睇上堂嘅情況，GORGOR又似乎幾ENJOY
真係十萬個為什麼。。。
所以我整個月嘅情緒都被牽著走。。。
感到力不從心去教導小朋友
不斷求告神給我聰明智慧，引導我去當一個好管家
我相信神只希望我用愛去"浸"大兩個小朋友
RATHER THAN用駡或是威嚇/脅嘅方式令小朋友就範
因這解決不了根本問題
我喜歡講道理，講到小朋友明白為止
總覺得道理明了，就冇"後顧之憂"
好深印象早幾年前，有一段youtube片。。。
一個小學生喺街大駡爸爸點解要帶佢出街 (唔知大家記唔記得??)
現在小朋友都好聰明，而且很少年紀已經好聰明
用"靠嚇"方式，好快就不管用
而且野人呢件開學情緒事件
令我好想分享一個信息俾大家。。。
育兒 / 教養小孩書都不要盡信，參考一下就好了
我想Twins父母最明白我想表達甚麼
同一對父母，同一個環境，同一個時空，同一個年紀
同樣教養方法不是在每個小孩身上都WORK
總要"因材施教"、"見招拆招"！
但都離唔開兩個大原則，就係"愛"及"溝通"
非常感恩，透過不住嘅禱告，以及對GORGOR DOUBLE嘅傾訴
正當我仲諗放完10月1、2兩日假
情況會唔會又還原基本步，GORGOR又喊番呢???
神嘅恩典真係夠用，而且有餘 :)
GORGOR自10月開始，已經冇再出現想喊 / 真喊情況
後記: (特別紀錄俾將來嘅自己睇，用黎提醒自己:P)
野人K2，對於我(唔係野人)係一個嚴峻嘅考驗
因為來自4方8面嘅升小資訊(壓力)都開始出現
希望自己一年過去後，唔會俾呢個任何嘢都要”贏在起跑線”嘅洪流擊倒
仍然可以不忘初衷，堅守到快樂童年呢個理念
當然，最重要仍然係做好神嘅管家呢份工 :)
沒有留言:
張貼留言