2015第一天。TWINS聚

2015年第一天，天氣好好，令心情都好好:)


相約了野人的TWINS朋友仔於佐敦谷野餐

都有一年多無去佐敦谷，因為真係。愈。來。愈。多。人!!!!!

多人到有點卻步。。。(所以經常去揾其他野餐新地方:P)



大家開餐期間，有一對TWINS女問野人 :「佢地係咪TWINS呀???」

我覺得好好笑，好似自己經常被人問

終於等到有機會第一次問番其他人，哈哈哈哈

其實呢班小朋友見到同自己一樣都係TWINS的小朋友

咩感覺呢???



全部小朋友都係2010 TWINS，即係都已經四歲多

開始可以試玩集體遊戲

終於唔係各有各玩，又係一個MILESTONE，好開心呢



今次少少地，7對孖人

有孖女、孖仔、孖男女，齊唒，哈哈

小朋友大合照，我地一眾孖媽都想來個大合照

但原來我地大人想影張好相，難度更高!!!!

呢班搗蛋友係唔會俾機會我地好好地影一張相呀!!!!

所以最後張相多了一班"二打六"。。。哈哈哈哈