細胞分裂組 – 記錄表

這篇純為紀錄我們細胞分裂組

在2015年10月「分裂」出第11個可愛小BB :)

實在可喜可賀

期望見證組員繼續刷新紀錄，哈哈哈哈!!!!!!

幼稚園家教會選舉 (最後一年喇!!!!!)

今年真係滿有感觸(感慨)嘅一年

因為今年係野人幼稚園生涯最後一年

所有幼稚園事件都會經歷最後一次。。。

特別係我地做家長有份參與嘅家長教師會

去到最後一年嘅選舉夜，真係感觸良多!!!!

今年係虎爸連續第4年加入家教會

計埋今年，4年當中，3年都有參加選舉

只有一年(野人K1)，虎爸因工作太繁忙

選擇連任，沒有參選

其實每一年都可以選擇連任 (連任就可以免卻選舉嘅拉票功夫)

但虎爸想野人每一年都可以參與(玩)家教會選舉活動

所以如果時間許可，都盡量選擇參選RATHER THAN連任

我仲記得虎爸第一年參選口號

「那些年，我們一起有個快樂童年」

呢個口號當然係食住想當年《那些年》嗰套戲嘅「聲勢」

但另一樣更重要就係。。。

我同虎爸都真心希望透過對家教會嘅參與

有機會幫助學校一齊建立一個開心快樂嘅環境俾小朋友成長

令每個小朋友回想幼稚園生活都係開心、愉快:)

雖然野人都只係啱啱K3開學

距離畢業仲有一段日子

但我已經好肯定野人喺幼稚園生涯中

確實有一個非常快樂嘅童年

呢一切愉快回憶，確實要衷心感謝學校、

所有老師、工友姐姐對全部小孩滿有愛心嘅照顧 :)

3年多幼稚園生涯，野人當然有成長以及學習了很多很多

其實同一時間我同虎爸都喺學習做一對父母上獲益良多!!!!!

我地由初初只係有兩年多經驗、

乜都唔識嘅父母走入呢個校園、家教會

當中遇到好多喺育兒路上非常有經驗嘅同路人

雖然唔敢講我同虎爸而家已經變成好犀利嘅父母

但確實從一班「經驗人士」同路人身上學到好多!!!

例如第一年參加家教會

見到無論學校校園、校車都掛滿參選家長嘅海報

選舉夜中，家長認真 + 無限嘅創意

就令我學到第一件事

「無論係咩年紀嘅小朋友事，都應該用一個認真、投入嘅態度去完成!!!」

最後一年選舉，幫虎爸影多幾張相留念:P



今年虎爸選舉主題係「INSIDE OUT」




野人由第一年N班喺選舉夜「幫倒忙」:P

到今年真係可以幫忙「宣傳」，確實長大咗好多!!


好開心+榮幸，虎爸再次當選，加入家教會

特別係虎爸今年有幸成為「家教會」會長 :)

每一年影呢張大合照

都覺得好開心見到有咁多咁有HEART嘅父母 :)

今年，最後一年，一定好愉快、好難忘!!!!!!

BBQ@House屎Warming

紅十字會朋友House屎Warming

主要節目係喺屋苑BBQ

呢個屋苑嘅BBQ場唔錯

乾淨、唔怕落雨、有雪櫃、

最好就係唔係全冇BBQ感覺嘅電煎爐

而係好有火氣嘅烤爐!!!!旁邊仲可以煮麵!!!!

非常好!!!!!!


多謝屋主預備唒所有食物

我地成班人都係兩手FING FING去+只係負責食!!!!!哈哈哈哈




呢班紅十字會二代，全部都變成識行識走喇

而且開始變得熟絡:)



10月生日嘅我，「艷福不淺」

有6個小孩陪我切生日餅


用5秒時間想像下有6個小孩嘅幸福感，哈哈:)

因為屋主熱情款待，決定XMAS再聚會打搞同一地方XD

102/F@ICC – 高空的快樂

野人自從6月去過台北101後

一直對去高樓大廈有種情意結 :)

雖然香港都有好似台北101嘅SKY 100

但諗到野人隨時喺SKY 100逗留最少兩個鐘 (上次101都留咗好耐!!)

我就有少少覺得悶悶地唔多想去:P

既然佢地兩隻嘢都係想享受下「高空的快樂」

倒不如去102樓AFTERNOON TEA

咁佢地快樂時，我都有得快樂地爽下:)

下午茶地點在102/F，但LIFT就直上到103/F


由於生日，TEA SET多了個生日牌



唔知係唔係肚餓，覺得呢個薯條好好食!!!!!

TEA得多，野人都知TEA SET主要有咩食

弟弟好愛吃SCONES!!!!!

吃了兩個還想吃!!!!!!

102樓嘅景致，天光睇到天黑都睇唔厭嘅野人。。。

最終TEA SET食到天都黑齊先閃人






非常好，野人有野人高空快樂嘅滿足

我有我下午悠閒一下嘅時光 :)

MEGA BOX - 3D魔幻館之恐龍世界

當知道MEGA BOX 3D魔幻館嘅主題

由原本野人最憎嘅FROZEN，換成野人最愛嘅恐龍世界

真係登恐龍頭粉嘅野人興奮，哈哈哈哈

3D魔幻館之恐龍世界 – 開放時間及收費詳情
開始日期：10月17日
開放時間：10am-10pm
門票：$20(體驗價) ; $80(正價)，大小同價。
遊戲代幣每個$10，買十送一；
遊戲套票$100，包入場門票、8個代幣及公仔禮物。

P.S.「公仔禮物」係一個Mini-sized Balloon

急不及待，開業不到一個星期就同兩隻恐龍粉去玩

但亦都因為太新，聲稱有嘅5個遊戲都未係全部有得玩

所以$20嘅門票，標明係「體驗價」，$80先係正常價

呢類3D魔幻館，主要都係透過場景設計

營造視覺上有立體嘅效果

影呢類「表情」相片，我對野人充滿信心 (特別係哥哥!!)








場內都不乏有得騎立體恐龍嘅影相位置

對野人嚟講，有得騎下恐龍

當然比只靠視覺效果影嘅恐龍相更好玩:)





騎「平面」恐龍就冇咁有趣喇:P

野人於場內一共玩咗3款遊戲

1) 掘恐龍骨頭 (1 coin : 5 mins)

著咗對「水鞋」唧，唔使CHOK到頭甩嘛?!?!?!-__-


由於WEEKDAYS，少人到包場XD




2) 恐龍BOUNCER (2 coins : 5 mins)

3) 最好玩之恐龍騎士 (細恐龍 - 3 coins : 5 mins ; 大恐龍 – 5 coins : 5 mins)

咩係細恐龍???野人騎呢兩隻就係喇

職員介紹，哥哥騎嘅細恐龍係全場最快 (想快就認住呢個樣:P)

介紹果然冇錯，哥哥行咗差唔多兩個圈，弟弟先行到一圈!!!

大恐龍就係以下呢隻喇

由於高身及像真度都幾高 (每行一步都好震盪!!)

所以騎大恐龍就係全程有個職員陪住

弟弟唔執輸性格，哥哥去騎大恐龍

佢就當然去騎哥哥之前隻「快龍」啦!!!!

好彩野人有揸開LEGOLAND車嘅經驗

其實快龍真係堅快，而哥哥隻大恐龍都幾阻路

弟弟揸住隻「快龍」都左閃右避到，冇撞，叻仔:P

全場最好玩當然係恐龍騎士啦!!!!!

喺仲未真實有JURASSIC WORLD之前

完全滿足到小孩騎恐龍嘅夢想，哈哈哈哈