每年嘅受惠機構都唔同，今年就係伊利沙伯醫院
主題為「伊院靈糧。關愛社群」
為配合主題，學校都鼓勵小朋友作醫務人員打扮
今次係我們這一家第3次參加呢個步行籌款
亦都係野人幼稚園生涯嘅最後一次
本來最後一次就已經夠難忘
今年天氣情況就令今次步行籌款更加難忘!!!!
由於每年步行籌款都喺年初舉行，所以都已經預咗一定凍
但今年就唔止凍咁簡單，簡直就係惡劣
惡劣到出發前有諗過個活動要唔要取消。。。
最後本著勇者無懼嘅精神，堅持出發!!!!
愈早，天氣愈差。。。
ON THE WAY時，其實仲落緊雨
不過感謝天父，去到山頂，雨停咗
雖然都仲係好凍 + 好大風 + 好大霧，感到「前路茫茫」^^”
就連平時嘅開幕禮，都要被迫到一邊，避風避雨咁舉行
凌霄閣。。。大霧遮到咁。。。
真係大風到。。。頭都甩。。。
惡劣天氣下，最強係一班小朋友
精神奕奕咁出發 :)
仲要好有興致邊行邊玩!!!!!!!
過往步行籌款，沿路都有老師SET UP嘅遊戲攤位
但由於晨早天氣更惡劣(落埋雨!!!!)
冇辦法SET UP，真係浪費唒老師準備嘅心血。。。
百分之99嘅路程都係被大霧籠罩
所以乜風景都冇得睇。。。
喺冇攤位玩、冇風景睇嘅「齋行」情況下，大約個半小時就FINISH!!!!
當然都係咁多次步行籌款之中，最快行完嘅一次
步行完，冇去到野人想食嘅BUBBA GUMP
而係同一大班野人同學仔飯聚
現在嘅野人，有得揀同同學仔一齊
都會揀同同學仔
同以前「哥只要弟、弟只要哥」嘅作風，完全唔同!!!!!
沒有留言:
張貼留言