義工媽媽 @ 瀕危物種資源中心

野人學校早前招募義工家長

為著幫手帶野人嗰班嘅小朋友出外參觀"瀕危物種資源中心"

雖然我一向都覺得"家長"呢個名詞喺我身上總係格格不入

但係我都報名試下做義工家長，嘻嘻

義工家長有7個名額

我其實唔知多唔多PAPA MAMA APPLY做義工家長

但總之我就係好榮幸成為其中一個:)

是次活動，一個家長負責照顧4個小朋友

野人就係我嘅其中兩個照顧對象，另外兩個就係野人嘅女同學仔

咁樣照顧4個小朋友其實冇乜難度

ESPECIALLY另外兩個唔係男孩子，女孩子真係乖巧好多:)

參觀活動分為兩個部份

1)由"瀕危物種資源中心"嘅工作人員介紹各類瀕危動物

每個小朋友都聽得好專心 :)

2)欣賞現場珍貴動物及展品

最開心有野人鍾意嘅老虎展品!!!!!!

最後每個小朋友拎到工作人員姐姐送出嘅紀念品

做義工家長其實都幾開心，可能我都真係幾鍾意接觸小朋友

老師透露下次可能會去參觀益力多廠，唔知有冇機會再做義工媽媽呢??