到開始識講單字嗰時都係「車車車車」不離口 :P
自從3年前，愛車野人加入咗童界必玩嘅TOMICA行列
一直就玩到今時今日。。。
所以當知道奧海城聖誕節期會有TOMICA FUNCTION
就預咗一定要留時間帶車迷野人去「兜」一轉!!!
雖然FUNCTION場地唔算太大，但如果我係愛車之人
見到呢個有大大小小TOMICA嘅場地，應該都會相當興奮
場內有場景影相外，仲有幾個小小遊戲玩
只要喺場內買遊戲券就可以玩
野人去到5歲半呢個年紀
基本上玩遊戲係唔想有大人幫
當然以我一貫作風，除非佢地叫我幫啦
否則我係一定會「袖手旁觀」，哈哈哈哈
呢個配對遊戲，玩前已經俾我影低個答案 :P
呢個將架車重身上色遊戲，個人覺得好悶
但野人又玩得好ENJOY喎
仲好開心有得拎番自己「噴」完嗰架車張相
所以呢，任何時候都唔可以用大人把呎去計小朋友嘅嘢 :)
玩完遊戲，儲齊印仔，可以得到「抽車」機會
以野人自己「抽車」嘅技術 + 為人心急
當然抽幾次，幾次都落空。。。哈哈
埸內當然有嘢買，俾父母放下血啦
呢兩份係聖誕禮物嘅延續篇
事關佢地兩個之前揀嘅禮物份量實在太縣殊
而我一向都盡力做到對野人絕對公平
所以呢兩份係用嚟拉番個平衡 :)
奧海城為配合TOMICA FUNCTION
有幾間餐廳都提供TOMICA主題兒童餐
所謂TOMICA主題兒童餐其實只係轉唒用TOMICA嘅餐具、餐墊
而個兒童餐嘅「內容」同平時兒童餐係一樣嘅，哈哈哈哈
不過冇所謂啦，食兒童餐嘅兒童開心就得啦 :)
沒有留言:
張貼留言