野人3歲生日正日係星期五，要返學
我冇幫佢地請假慶祝，因為唔想佢地長大後有EXCUSE唔返學:P
所以我只係化身神秘速遞員，送生日蛋糕返學校
學校每個月0既第一個星期五，都係該月生日會
所以野人5月頭已經切過一次蛋糕
而家又有得切多次，相信野人好HAPPY~~~~
(睇番呢2張相，發現原來5月溫差咁大，野人月頭仲著緊高領長袖!!!!)
送完蛋糕，等兩隻野放學，接佢地去食個生日DINNER~~~
On the way to Disneyland, 超級好天!!!!!!
生日好hyper之野人，訓醒一覺，準備覓食!!!!
黑洞胃野人踏入3歲，繼續表現佢地最原始0既實力!!!!哈哈~~~
0係食飯方面，野人而家都可以稱為完全擺脫BB期
同枱食飯，有傾有講0既我地
做左媽媽0既朋友們，應該知同小朋友食飯，唔使只係要照顧佢地
而係可以好似同朋友食飯咁，其實好安慰~~~~嘻嘻~~~~
我最愛而又最CHEAP BOM BOM0既食物之一……..關東煮:P
GORGOR呢個樣，絕對反映到最近3個月野人0既性格……8掛!!!!!
乜都問一餐……咩聲???咩黎???0係邊度???點解???
超鍾意食蛋糕0既野人，見到自己今年第4個生日蛋糕，依然雀躍!!!
今次GORGOR負責吹蠟燭，埸面驚人!!!
佢近到…..吸。左。個。火!!!!!!!
3歲生日完滿結束，野人最開心當然係收到好多好多生日禮物……
我家玉豆姐都有送生日禮物俾野人 (開心到佢兩隻野丫!!!)
生日後記…..
今年係同野人相愛0既第三年……
精心炮製左份成長小禮物俾佢地
精心炮製左份成長小禮物俾佢地
唔知睇完0既朋友，有冇意識到我想表達好多野人0既第一次…..
第一次識坐、識企、識行…….
第一次去玩水、去沙灘、去旅行、去SALON剪髮…….
第一次過聖誕、過年、過生日……
最重要係…….亦都非常登野人開心0既係……
每一個第一次，佢地都有另一半相伴 :)
野人0既2至3歲，係一個海綿時期
吸收左好多知識，亦都學識左好多技能
上落樓梯、原地跳、自己食飯、洗手、抹咀、除鞋、除褲、著褲…..
V字手勢由舉起1隻食指…..到舉起2隻手指但分唔開…..到而家好正統0既”V”
由2歲第一次去PLAYHOUSE玩，到而家一去到PLAYHOUSE門口自己自動自覺除鞋
所有所有……令我更認定父母0既角色
就係帶小朋友不斷去EXPLORE呢個世界
當然作為一個基督徒父母，更要成為神0既好管家
好好藉著神0既話語去教養小朋友
「教養孩童，使他走當行的路，就是到老也不偏離」 【箴言22：6】
好開心野人可以0係一間以基督為至寶0既學校長大……
記得上年開學前，校長講過呢間學校0既小朋友禱告好叻
野人由一開學，只係講得一句”感謝天父”，然後即刻跳到”亞們”
到而家返左差唔多一年學，野人可以好清晰咁帶領飯前禱告
“感謝天父，賜我飲食，求主潔淨食物，食後平安，孩子禱告奉主名求，亞們”
校長真係一D都冇錯:)
沒有留言:
張貼留言