聖誕日的迪士尼

CHRISTMAS EVE......

我真心比較喜歡安安靜靜在家渡過 (雖然都有少少想去報佳音:P)

虎家每年傳統，平安夜食平安蛋糕，今年已經第4年lu.....

好想同野人建立多一點家庭傳統

因為我覺得當長大後有呢個回憶會好窩心

就好似我永遠記得小孩年代

每年中秋節放學後一定趕去婆婆屋企天台BBQ一樣

12月節目實在太密密麻，竟然25號係得閒

最近一次去迪士尼已經係8月中

4個月冇去，都想想地帶野人入PARK

加上我呢個1/2 DISNEY FANS好似每年都要去睇下棵聖誕樹先安落,heehee

但係25號入PARK，好似有點CRAZY，擔心真係超多人

我同虎爸掙扎左好耐做唔做呢個咁CRAZY行為

最後到25號瞓醒嗰刻先鐵定真係去!!!!!!

好鍾意今日同野人嘅低調親子裝--->少少PATCHWORK + 毛BOOTS 

雖然野人都去過好多次迪士尼 (好似都有10幾次)

但係今次先夠大個仔擁有自己嘅票入場!!!!

野人每一次經歷自己又大個仔左少少都好高興

唔睇唔安落聖誕樹，YEAH!!!!!

GORGOR最想入PARK原因，掛住MICKEY WAFFLE!!!!!

咩事咁吸引野人目光?!?!?!原來佢地鍾意睇Orchestra

上次GORGOR已經唔太鍾意玩BUZZ LIGHT YEAR

今次真係拒絕再玩，寧願留喺SOUVENIR SHOP等DIDI

DIDI玩完，JOIN GORGOR去玩至愛必玩AUTOPIA

聖誕節正日黎講，等45分鐘玩AUTOPIA，我覺得好REASONABLE!!!!!

唔知點解野人次次玩完，都會怒跑呢條路!!!

又到"餵食"時間.....野人真係同虎爸一樣咁鍾意食粟米

自從上次玩過咖啡杯，野人愛上左呢個玩意

之後仲玩左小小世界 + WINNIE THE POOH

我估對於野人黎講，迪士尼真係好大，玩極都未玩唒D嘢 :P

WINNIE THE POOH，佢地都係第一次玩

GORGOR顯得有D驚，可能中間部份場景太黑.....

估唔到聖誕節正日入PARK都可以玩到幾樣野

平時就算唔係咩特別日子都好似冇玩咁多嘢, HEEHEE

最後仲要玩埋飄雪

今年野人終於ENJOY玩飄雪

我記得上年佢地成舊飯得黎，仲有少少抗拒D泡泡假雪

大家帶小朋友去迪士尼玩，覺得最攰係咩???

我首選離開迪士尼，行去CAR PARK嗰條路!!!

因為好多時小朋友去到嗰個時間都冇唒電要抱

我都唔知自己抱住野人行過幾多次嗰條路!!! (野人歲半開始拒絕坐BB車!!)

不過今次走，野人又俾我一番新體驗喎

90%全程同野人有傾有講咁行

俾我感覺野人又大個仔左喇，GREAT!!!!!