星之旅Chapter 2 : 大樹花園 Garden By the Bay

與其話野人係飛機粉，不如話佢地係"交通工具控"更貼切

佢地一時就話大個要揸巴士、一時就話揸民航機、

一時就話揸地鐵、一時就話都係揸輕鐵就算。。。

"我的志願"天天都轉，有時仲要一日轉幾次!!!!!

既然咁鍾意，冇理由唔帶野人去試坐SNG MRT

由酒店去GARDEN BY THE BAY。。。

只要由DOWNTOWN STATION搭一個站去到BAYFRONT STATION

而且呢條DOWNTOWN LINE係無人駕駛列車

野人可以喺車頭位置望住列車行駛黑蚊蚊嘅車路

所以佢地兩隻嘢極唔想落車!!!!Wakakakaka

SINGAPORE SANDS座落GARDEN BY THE BAY隔離

經過樓下就當去咗呢個"景點"，嘻嘻

其實呢。。。無啦啦SIP咗"快閃INFINITY POOL"

時間都變得好緊拙。。。

野人仲要喺呢條行入去GARDEN BY THE BAY嘅橋上喪跑100次

真係天黑都未必行到入去@@

不過呢，我帶小孩出去玩嘅心態就係"玩佢地想玩嘅嘢"

帶得小孩一齊，都係想佢地開心

其實都唔使理大人所顧嘅"趕景點" :)

咁靚嘅SUPERTREE GROVE + 咁型嘅仔

當然又係幫3B Ma Ma Kidswear影相嘅好時機，Kekeekee

如果只遊覽SUPERTREE GROVE嘅地下位置，係FREE OF CHARGE

但如果想上去SUPERTREE SKYWAY就要付費

成人: SNG$5 (~HKD$30) 小孩: SNG$3 (~HKD$18)

小孩去到高地都特別興奮

DIDI就指手劃腳，口水多過浪花

GORGOR就不斷擺怪POST

長長嘅SKYWAY最好做咩???咪又係來回喪跑囉!!!!!

真係跑得好。盡。情。

以下呢張相，本來都冇乜特別

但睇清楚D。。。亮點係後面嘅GORGOR好輕盈咁離咗地@@

GORGOR當然輕盈啦，擁有一條無人能及嘅纖腰，哈哈哈哈

其中有一棵SUPERTREE有DINING地方架

當然帶住野人，我同虎爸都唔會試喇。。。

驚嘈到其他人有DINING"新感受"，嘻嘻。。。

SKYWAY上嘅人數係有限制

如果太多人，先要有人離開，再可以俾其他人上SKYWAY

所以為免阻住其他人，俾野人跑一陣就閃

野人突然提議玩HIDE N’ SEEK

我HIDE，佢地SEEK






都唔知係好彩定唔好彩，天色其實唔太好

但如果太好，咁跑法真係熱C!!!!!!!

跑完一大輪，終於可以前進去公園內嘅CLOUD FOREST + FLOWER DOME

其實呢個時候，我有少少擔心

唔係擔心唔夠時間行完兩個DOME

而係游完水嘅野人，仲要咁跑法。。。夜晚仲有冇力返酒店架?!@@

CLOUD FOREST N’ FLOWER DOME都係PAID AREA

如果兩個都去，官方遊客ADMISSION FEE如下:
ADULT: SNG$28 (~HKD$170)
CHILD: SNG$15 (~HKD$90)

有個平D方法，不過就麻煩少少

就係去CHINATOWN STATION

嗰度有個有好多旅遊公司嘅商場

其中有間叫"天宇旅遊"，好多香港、台灣旅客都去嗰度買SNG景點嘅門券

例如: UNIVERSAL STUDIO、SNG ZOO、FLYER、AQUARIUM

好多景點都有PACKAGE PRICE，抵!!!

首先去CLOUD FOREST，一入去有個勁高瀑布

超。凍。呢。

如果諗住SNG好熱，所以諗住長期短打嘅朋友仔 (即係好似我咁)

入CLOUD FOREST記住帶件外套!!!!!!

野人一見呢D SKY WALK就好有興趣，立即想行上去!!!!

一邊行SKY WALK，一邊欣賞日落。。。

野人兄弟情深就好多人都知。。。

佢地呢期仲要時常做埋呢D曖昧行為 -____-

兩年前去FLYER，已發現野人唔畏高

今時今日去 SKY WALK，直頭發現佢地愛高!!!!!(最高點直望到地下)

整個CLOUD FOREST。。。

我自己最鍾意最底層講關於GLOBAL WARMING嘅TOPIC

可能好多人都知道地球上升5度嘅嚴重後果

但就唔係好多人時時刻刻都記住要好好愛惜地球。。。

從小教育，俾呢個MESSAGE深深植入小朋友個MINDSET

會係其中一個保護地球嘅方法

段片造得唔錯，野人都睇得好專心，問咗好多問題 :)

點解個地會裂???點解D動物無屋企???

其實行完CLOUD FOREST已入夜

FLOWER DOME同CLOUD FOREST一樣，主要都係靠自然光

所以入到FLOWER DOME都已經黑蚊蚊。。。

唔知係咪因為黑，我覺得FLOWER DOME冇乜嘢睇

除咗花，就係仙人掌，哈哈哈哈~~~

所以極速行完。。。嘻嘻

整個GARDEN BY THE BAY就係有咁大

我估我地都行左有一半掛，哈哈哈哈~~~~~~

呢個時候，最恐怖嘅事發生喇

野人攰到要即刻瞓著!!!!!

佢地未食飯呀!!!!!

而且如果由嗰一刻抱到返酒店，雖然佢地輕，但係都一定手斷!!!!!

我地由個FLOWER DOME行出嚟

覺得整個公園黑到呢。。。真係好似黑到連方向都唔係幾分到!!!!!

好多餐廳都已經CLOSED!!!!!

好彩最後都搵到近SUPERTREE GROVE嘅餐廳未CLOSED

拿拿臨叫咗串燒俾呢兩個串燒達人食

喚起下佢地嘅精神!!!!!!

野人4歲，每人食半打串燒，夠唔夠去到達人級?!?!?!哈哈~~~~

食完個飯，野人精神返唒

我地仲可以悠悠閒欣賞埋個NIGHT SHOW – GARDEN RHAPSODY先閃

NIGHT VIEW OF SUPERTREE，SO NICE~~~